რას წარმოადგენს 'WanaCrypt0r 2.0'-ის ვირუსი და რატომ უტევს ის მთელი მსოფლიოს ასობით ათას კომპიუტერს

გლობალური შეტევა – დაახლოებით 50 ათასი შემთხვევა  მოხდა მთელ მსოფლიოში კომპანიების, სახელმწიფო დაწესებულებების და კერძო პირების კომპიუტერებზე. უკვე დაზარალდა, სულ ცოტა, 99 ქვეყანა, მათ შორის ბრიტანეთი, რუსეთი, ესპანეთი, უკრაინა და ტაივანი, – წერს ბრიტანული გაზეთი Guardian.

ამასთანავე გაზეთი The Wall Street Journal   შიშობს, რომ მთავარი უსიამოვნებები წინაა.  გაზეთი წერს, რომ ვირუსის განახლებულმა  ვერსიამ  მასშტაბური შეტევა შესაძლოა დღეს, 15 მაისს, სამუშაო კვირის დასაწყებასთან ერთად დაიწყოს.

როგორ მოქმედებს ვირუსი?

აქამდე უცნობი ვირუსი მომხმარებლის კომპიუტერში მოხვედრის შემდეგ ყველა ფაილს ხელმიუწვდომელს ხდის, და შემდეგ გამოსასყიდს მოითხოვს იმისთვის, რომ ფაილი უკან დააბრუნოს. გამოსასყიდი ვალუტაა ვირტუალური ბიტკოინები, რომლის ტრანზაქციებისთვის თვალ-ყურის დევნება პრაქტიკულად შეუძლებელია.

ბოროტგანმზრახველთა მასობრივ მსხვერპლად იქცა ბრიტანეთის ჯანდაცვის სისტემის დაწესებულებები, რუსეთის შინაგან საქმეთა სამინისტრო, და მობილური კავშირის ოპერატორები.

როგორ ვრცელდება ვირუსი?

უფრო ხშირად ვირუსი ჩადებულია ჩვეულებრივ ტექსტურ ან PDF ფაილებში, რომლებიც  email-ით მოდის, გაუთვითცნობიერებელი მომხმარებელი კი ხსნის ამ ფაილს. თუმცა, უკვე არსებობს ისეთი შემთხვევებიც, როდესაც კომპიუტერში ჯერ სხვა ვირუსი ჩნდება  და შემდეგ უკვე ის უხსნის  გზას ‘WanaCrypt0r 2.0’-ს.

რა თანხას ითხოვენ გამოსასყიდად?

Wana Crypt0r 2.0, ჩვეულებრივ, $300 დოლარის ექვივალენტის გადახდას ითხოვს ბიტკოინებით. ფაილზე წვდომა თაბხის გადახდისთანავე შესაძლებელი ხდება. თუმცა, ეს  ყოველთვის არ მუშაობს – „ჰაკერები ის ხალხი არ არის, ვის რეპუტაციასაც შეიძლება უმწიკვლო ეწოდოს“, – წერს Guardian.

შესძლებელია თუ არა როგორმე ვირუსისგან თავის დაცვა? 

დიახ. ჰაკერებმა კომპანია Microsoft-ის საოპერაციო სისტემის მოწყვლადობით ისარგებლეს, და კომპანიამ უკვე გამოუშვა ვირუსისგან თავდაცვის დამატებითი საშუალება. ამ პროგრამას  ეწოდება Wanna Cry.

თუმცა, ამ დროისთვის მსოფლიოში სულ რამდენიმე ორგანიზაციამ შეიძინა ეს პროგრამა. სპეციალისტების თქმით, ეს ზოგჯერ მის შესაძენად არსაკმარის სახსრებს უკავშირდება, თუმცა უფრო ხშირად – „მენეჯერების სამწუხაროდ ცნობილ სინელეს“, – წერს Guardian.