პროტესტი აფხაზეთში ანტიკორუფციული კანონის მიღების მოთხოვნით
11 მარტს, აფხაზეთის მცხოვრებლები მასობრივად შეიკრიბნენ ექვსი აქტივისტის მხარდამჭერ მიტინგზე, რომლებმაც ხელისუფლებისა და პარლამენტისგან ანტიკორუფციული კანონის მიღების მოთხოვნით, შიმშილობა გამოაცხადეს.
სამმა აქტივისტმა შიმშილობა 2 მარტს დაიწყო, კიდევ სამი კი მათ 8 მარტს შეუერთდა.
სოხუმში, თავისუფლების მოედანზე კარვებია გაშლილი, მასში დასაკეცი საწოლები და ხუთლიტრიანი წყლის ავზები დგას. შიმშილობენ ივან აჩბა, ჯანსუღ ადლეიბა, ალინა აჩბა, ასიდა ქორთუა, მარინა აგრბა და ბოტა აჯიბა.
აგრბა და აჯიბა პერიოდულად სოხუმის საქალაქო საავადმყოფოში გადაჰყავთ, რომელიც მოედნის მეორე მხარეს დგას.
მხარდამჭერ აქციაში, დაახლოებით, 400 ადამიანი მონაწილეობდა. მათ აცნობეს, რომ დეპუტატები კანონპროექტის მიღების პირობას დებენ. მაგრამ, რამდენადაც ეს პირველი მსგავსი დაპირება არ არის – მომიტინგეებმა გადაწყვიტეს არ დაიშალონ მანამ, სანამ პარლამენტი კანონს არ მიიღებს.
„გვპირდებიან, რომ 12 მარტს გაიმართება პარლამენტის სესია და კანონს უკანონო გამდიდრების შესახებ, ჩვენი შესწორებებით მიიღებენ“, – აცნობა შეკრებილებს აქტივისტების ჯგუფის ლიდერმა ასტამურ კაკალიამ, რომელიც თავად არ მონაწილეობს შიმშილობაში.
აქტივისტმა, შიმშილობის მონაწილე ასიდა ქორთუამ ყველას მოუწოდა, სიმშვიდე შეინარჩუნონ და დეპუტატებს უფლება მისცენ, შეასრულონ პირობა ან დაარღვიონ იგი.
• აფხაზეთში კორუფციის წინააღმდეგ ბრძოლის კანონი მიიღეს, მაგრამ აქტივისტების აზრით, ეს ფიქციაა
• ალკოჰოლი, სიჩქარე, კორუფცია – აფხაზეთის გზებზე ავარიების საშიში სტატისტიკის მიზეზები
• აფხაზეთი, შესაძლოა, ელექტროენერგიის გარეშე დარჩეს, თუკი მკვეთრად არ შეამცირებს მოხმარებას
სტატია მომზადებულია სოხუმის რედაქციის მიერ და პროექტის პირობების თანახმად, დაბეჭდილია უცვლელად.
ტექსტში გამოყენებული ტერმინები და ტოპონიმები, ასევე მოსაზრებები და იდეები, გამოხატავს სტატიის ავტორის პირად პოზიციას და ყოველთვის არ ემთხვევა JAMnews-ის და მისი ცალკეული თანამშრომლების მოსაზრებებსა და პოზიციას. JAMnews-ი იტოვებს უფლებას წაშალოს პუბლიკაციის ქვეშ დატოვებული კომენტარები, რომლებიც შეფასდება, როგორც შეურაცხმყოფელი, მუქარის შემცველი, ძალადობის წამქეზებელი და ასევე ეთიკურად მიუღებელი სხვა მიზეზების გამო
