ირანში აზერბაიჯანის პრეზიდენტის ვიზიტი დასრულდა

5 მარტს დასრულდა აზერბაიჯანის პრეზიდენტის ილჰამ ალიევის ვიზიტი ირანის ისლამურ სახელმწიფოში. ვიზიტის დროს ალიევი შეხვდა ირანის სულიერ ლიდერს ჰამანეის და ირანის ისლამური რესპუბლიკის პრეზიდენტ რუჰანის.

ხელი მოეწრა რამდენიმე დოკუმენტას ეკონომიკის სფეროში, მათ შორის ფინანსური კონტროლის სფეროშიც, ასევე მეზობელი ქვეყნების სარკინიგზო უწყებათა თანამშრომლობის შესახებ შეთანხმებას. აზერბაიჯანი მონაწილეობას მიიღებს რეშტ-ასტარის სარკინიგზო ხაზის მშენებლობაში.

ირანის პრეზიდენტმა რუხანიმ თქვა, რომ ორმხრივი თანამშრომლობა წარმატებით ხორციელდება საავტომობილო მრეწველობის სფეროში. „დღევანდელ შეხვედრაზე განიხილებოდა კასპიის ეკოლოგური საკითხები, ასევე ნავთობსაბადოების ერთობლივი გამოყენება“.

ყარაბაღის პრობლემასთან დაკავშირებით ირანის პრეზიდენტმა შემდეგი განაცხადა: „ჩვენ ყველა ქვეყნის ტერიტორიულ მთლიანობას ვაფასებთ. ვიმედოვნებ, რომ მთიანი ყარაბაღის კონფლიქტიც გადაიჭრება. კონფლიქტები პოლიტიკური გზით, მსჯელობის საფუძველზე უნდა დარეგულირდეს“- გადმოსცემს  სახელმწიფო საინფორმაციო სააგენტო „აზერტაჯი“.

აზერბაიჯანელი პოლიტოლოგი, ანალიტიკური ცენტრი „ატლასის“ ხელმძღვანელი ელჰან შაჰინოღლუ მიიჩნევს, რომ ამ ვიზიტს აზერბაიჯან-ირანის ურთიერთობებში არანაირი ცვლილება არ შეუტანია.

„უკანასკნელი სამი წლის განმავლობაში აზერბაიჯანსა და ირანს შორის ეკონომიკური თანამშრომლობა დინამიკურად ვითარდება. არსებობს სარკინიგზო ხაზის მშენებლობის დიდი პროექტი. მაგრამ, სამწუხაროდ, ეს განვითარება მთიანი ყარაბაღის პრობლემას არ ეხება. ამ საკითხთან დაკავშირებით ირანის პოზიციაში  რაიმე ცვლილება არც ამჯერად არის, და არც მოსალოდნელია“, –  უთხრა შაჰინოღლუმ „რადიო აზალდიგს“.

სოციალური ქსელის მომხმარებელმა აზერბაიჯანის პრეზიდენტის ირანში ვიზიტს „ვიზიტი ვიზიტისთვის“ უწოდა: „არ ყოფილა საუბარი ირანელი აზერბაიჯანელების უფლებათა და თავისუფლებათა შელახვასთან დაკავშირებით. გაცვეთილი ფრაზები მეგობრობისა და თანამშრომლობის შესახებ. ხვალ იქ სომხეთის მეთაური რომ გაემგზავროს, ის აუცილებლად შეხვდება სომხური დიასპორის წარმომადგენლებს და მათი პრობლემების გადაჭრას შეეცდება“.