ტიმატის იმედგაცრუებულმა თაყვანისმცემლებმა სცენას ბოთლები დაუშინეს

გუშინ, საღამოს ცნობილი რუსი რეპერი ერევანში უნდა გამოსულიყო, თუმცა საბოლოოდ ის სცენაზე არ გავიდა. კონცერტზე Black Star-ის სხვა ვარსკვლავები გამოვიდნენ: კრისტინა სი-სარკსიანი, L’ONE და MOT.
ფანები რამდენიმე საათს იცდიდნენ სიურპრიზის იმედით, ვარაუდობდნენ, რომ ტიმატი სცენაზე მაინც გამოვიდოდა, მაგრამ – ამაოდ.

ორგანიზატორებმა მხოლოდ საღამოს ბოლოს გამოაცხადეს, რომ, ტექნიკური მიზეზების გამო, ტიმატი გამოსვლას ვერ შეძლებდა. განრისხებულმა თაყვანისმცემლებმა სცენას ბოთლები დაუშინეს.

ვიდეო: armtimes.com

მოგვიანებით ტიმატიმ Instagram-ზე დაწერა, რომ გადამწვარი კვების ბლოკისა და დასველებული მუსიკალური ბარათების გამო ვერ შეძლო სცენაზე გამოსვლა.

„ჩვენ კონცერტი გადავდეთ და მის შესახებ მომავალ კვირაში გაცნობებთ. შეინახეთ თვენი ბილეთები. მთელი გუნდის სახელით, ბოდიშს გიხდით იმ ინციდენტისთვის, რომელიც ჩვენგან დამოუკიდებელი მიზეზების გამო მოხდა“, – დაწერა რეპერმა.