ევროპის რომელ ქვეყანაში მოგზაურობენ ქართველები ყველაზე ხშირად? სტატისტიკა
აღმოჩნდა, რომ გერმანია არის შენგენის ზონის ის ქვეყანა, სადაც ქართველები ყველაზე ხშირად მოგზაურობენ.
შს სამინისტრომ 2018 წლის დეკემბრის სტატისტიკა გამოაქვეყნა, სადაც თავმოყრილია ინფორმაცია იმაზე, თუ რომელ ქვეყნებს სტუმრობენ ქართველები ყველაზე ხშირად.
საანგარიშო პერიოდში, ანუ გასული წლის დეკემბერში გერმანიაში საქართველოს მოქალაქეთა გასვლების რაოდენობა 7 914 იყო.
მეორე ადგილზე იტალიაა, სადაც 4 039 გამგზავრება ფიქსირდება;
მე-3 ადგილზე კი – 3 679 გასვლით პოლონეთია.
• რატომ გიხარიათ ევროპასთან უვიზო მიმოსვლა?
•ევროკომისიის პირველი დასკვნა: ემუქრება თუ არა საქართველოს ევროპასთან უვიზო რეჟიმის გაუქმება
• საქართველო: ევროპასთან უვიზო მიმოსვლის ერთი წელი. მთავარი ციფრები და პრობლემები
სტატისტიკა ჯამში, 29 ქვეყანას მოიცავს. აქ ის ქვეყნებიც არის ნაჩვენები, სადაც საქართველოს მოქალაქეები უპრობლემოდ შევიდნენ, ანუ არცერთ მოქალაქეს საზღვრის გადაკვეთაზე უარი არ ეთქვა.
29 ქვეყნიდან ქართველებისთვის 12 ქვეყანა სრულიად “უპრობლემოა”, ანუ საქართველოს არც ერთ მოქალაქეს 12 ქვეყანაში შესვლაზე უარი არ უთხრეს.
შესვლაზე ყველაზე მეტი უარი (46) საქართველოს მოქალაქეებმა იტალიისგან მიიღეს. შემდეგ მოდის კვიპროსი (35) და ესპანეთი (33).
• საქართველოს მოქალაქეები შენგენის ზონაში უვიზოდ მოგზაურობენ 2017 წლის 28 მარტის შემდეგ.
• 2014 წლის მოსახლეობის საყოველთაო აღწერის შედეგების მიხედვით, ემიგრანტთა ყველაზე დიდი ნაწილი ცხოვრობს რუსეთის ფედერაციაში, საბერძნეთში და თურქეთში.
1. რუსეთის ფედერაცია – 21%
2. საბერძნეთი – 15,9%
3. თურქეთი – 11,2%
4. იტალია – 10,9%
5. გერმანია – 7,1%
6. აშშ – 5,7%
7. ესპანეთი – 4,1%
8. საფრანგეთი – 3,7%
9. უკრაინა – 3,7%
10. აზერბაიჯანი – 2%
