დიდმა ბრიტანეთმა ევროკავშირიდან გასვლის ოფიციალური პროცესი დაიწყო

დიდი ბრიტანეთის პრემიერ-მინისტრმატერეზა მეიმ ევროპის საბჭოს თვმჯდომარეს დონალდ ტუსკს გაუგზავნა ოფიციალური წერილი,რომლითაც ევროსაბჭოდან გასვლის პროცედურის დაწყების შესახებ აცნობა.

ამავდროულად ქვეყანამ ლისაბონის შეთანხმების 50-ე მუხლით გათვალსიწინებული პროცედურა აამოქმედა, და ევროკავშირიდან გასვლის პროცესი ოფიციალურად დაიწყო.

“ეს ისტორიული მომენტია, და ახლა უკან დასახევი გზა აღარ არსებობს – ბრიტანეთი ევროპის კავშირს ტოვებს. ჩვენ ვაპირებთ, საკუთარი გადაწყვეტილებები და საკუთარი კანონები მივიღოთ, ვაპირებთ გავაკონტროლოთ ის, რაც ჩვენთვის ყველაზე მინიშვნელოვანია. და გვინდა, ეს შესაძლებლობა იმისთვის გამოვიყენოთ, რომ დიდი ბრიტანეთი უფრო ძლიერი და სამართლიანი გავხადოთ, რომ ჩვენი შვილები და შვილიშვილები ამაყობდნენ, რომ ეს მათი სახლია“, – განაცხადა ბრიტანეთის პრემიერ-მინისტრმა ტერეზა მეიმ.

მას დასძინა, რომ ევროკავშირიდან გასვლა არ ნიშნავს დიდი ბრიტანეთის მიერ ევროპულ ფასეულობებზე უარის თქმას. „ჩვენ ისევ ერთგულ პარტნიორებად, კეთილ მოკავშირეებად და ახლო მეგობრებად ვრჩებით“, – აღნიშნა მეიმ.

დიდი ბრიტანეთის მიერ ევროკავშირიდან გასვლის შესახებ რეფერენდუმი 2016 წლის 23 ივნისს ჩატარდა. მისი შედეგების მიხედვით, ევროკავშირიდან გასვლას ხმა მისცა ბრიტანეთის მოქალაქეების 51,9%-მა, 48,1% წინააღმდეგი იყო.
სოციოლოგიური კვლევების მიხედვით, ევროკავშირიდან გასვლას მხარი დაუჭირეს, ძირითადად, განათლების არცთუ მაღალი დონის მქონე, ხანში შესულმა ადამიანებმა; წინააღმდეგი იყვნენ ახალგაზრდები და მოსახლეობის მაღალგანათლებული ჯგუფები.
არსებითი მნიშვნელობა აქვს იმას, რომ განსხვავებულად მისცეს ხმა დიდი ბრიტანეთის რეგიონებმაც. მაგალითად, შოტლანდიაში უმრავლესობამ ევროკავშირის წევრობის შენარჩუნებას დაუჭირა მხარი. ახლა შოტლანდიის ხელმძღვანელობა შოტლანდიის დიდი ბრიტანეთის შემადგენლობიდან გასვლის თაობაზე რეფერენდუმის ორგანიზებას ცდლობს.