ქართული arrow icon
დაგვიჭირეთ მხარი
დაგვიჭირეთ მხარი
ქართული arrow icon
messenger vk-black email copy print
არქივი-

ადამიანის უფლებების შელახვაში მხილებულ უცხოელებს ბრიტანეთის სანქციები დაემუქრებათ

messenger vk-black email copy print
ბრიტანეთის პარლამენტის თემთა პალატამ მიიღო კანონპროექტი, რომელიც შეერთებულ შტატებში მიღებულ “მაგნიტსკის აქტს”  ჰგავს. დოკუმენტის ძალით, ადამიანის უფლებების დამრღვევი სახელმწიფო მოხელეების უძრავი ქონების დაყადაღება და მათი აქტივების გაყინვა იქნება შესაძლებელი.
კანონპროექტის ავტორები გამოვიდნენ ინიციატივით, რომლის მიხედვითაც, სახელმწიფო მოხელეების   მონაწილეობა წამებასა და ადამიანის უფლებათა შემლახავ სხვა ქმედებებში  უკანონო ქმედებებად უნდა ჩაითვალოს. შინაგან საქმეთა მინისტრის მოადგილემ, ბენ უოლესმა აღნიშნა, რომ კანონი მთელი მსოფლიოს სხვადასხვა კუთხეში მოღვაწე არაკეთილსინდისიერ სახელმწიფო მოხელეების წინააღმდეგ იქნება მიმართული, – იუწყება BBC.
 
მოქმედი ბრიტანული კანონების მიხედვით, უკანონო ქმედებებში მხილებული პირების ქონება კონფისკაციას ექვემდებარება. გაერთიანებულ სამეფოში მიღებული წესების მიხედვით, დამნაშავეთა აქტივებს ყადაღა უნდა დაედოს.
 
კანონპროექტს, რომელსაც ოპოზიციურმა ლეიბორისტულმა პარტიამაც დაუჭირა მხარი და რომელიც ერთხმად მიიღეს, ლორდთა პალატაში გადაგზავნიან. სავარაუდოდ, ამ საკითხთან დაკავშირებული კენჭისყრა ზედა პალატაშიც მარტივად ჩაივლის. ამის შემდეგ დოკუმენტი ძალაში შევა. 
ფონდ Hermitage Capital-ის დამფუძნებელმა უილიამ ბრაუდერმა, რომელიც  დიდი ხნის განმავლობაში გამოდიოდა ასეთი კანონის მიღების ინიციატივით, კენჭისყრის შედეგებს “ნამდვილი ტრიუმფი” უწოდა.  იგი მიიჩნევს, რომ ამ კანონის მიღების შემდეგ რუსეთსა და “სხვა ავტოკრატიულ ქვეყნებში” მოღვაწე დაუდევარ ჩინოვნიკებს შიშის გრძნობას გაუჩენს.
ამას გარდა, იგი აღნიშნავს, რომ კანონპროექტის დამტკიცების შემთხვევაში, დიდი ბრიტანეთი გახდება მსოფლიოს მესამე და ევროპის მეორე სახელმწიფო, რომლის კანონმდებლობაც სერგეი მაგნიტკის სიკვდილში დამნაშავე პირების პასუხისგებაში მიცემის საშუალებას იძლევა. ამჟამად მსგავსი კანონები ესტონეთსა და ამერიკის შეერთებულ შტატებში მოქმედებს.
სერგეი მაგნიტსკი Hermitage Capital-ის იურისტად მუშაობდა. იგი ამტკიცებდა, რომ გამოავლინა თაღლითური სქემა, რომლის წყალობითაც რუსმა მოხელეებმა ქვეყნის ბიუჯეტიდან დიდი თანხები მიიტეცეს. 2008 წელს მაგნიტსკი გადასახადებისაგან თავის არიდების ბრალდებით დააპატიმრეს და თერთმეტთვიანი წინასწარი პატიმრობის შემდეგ იგი საგამოძიებო იზოლატორში გარდაიცვალა.  
მაგნიტსკის სიკვდილმა დიდი რეზონანსი გამოიწვია. ამ შემთხვევის შემდეგ შეერთებულ შტატებში ინიცირებულ იქნა კანონპროექტი, რომლის ძალითაც შესაძლებელი გახდება ყველა იმ ადამიანის აქტივების გაყინვა, რომლებსაც იურისტის სიკვდილსა და ადამიანის სხვა უფლებების შელახვაში ედება ბრალი. ამას გარდა, კანონის მიხედვით, ამ კატეგორიის ადამიანები ავტომატურად მიიღებენ უარს ამერიკის ვიზის მოთხოვნის შემთხვევაში.

პოპულარული

ახალი ამბები

მოსაზრება