როგორ აღნიშნეს ბაქოში პირველი რესპუბლიკის ასი წლისთავი. JAMnews-ის ფოტორეპორტაჟი
დღეს აზერბაიჯანში აზერბაიჯანის დემოკრატიული რესპუბლიკის გამოცხადების ასი წლისთავი აღნიშნეს. ეს ოფიციალური სახელმწიფო დღესასწაული და არასამუშაო დღეა.
სამოქალაქო აქტივისტების, ჟურნალისტებისა და ოპოზიციის მიერ მიერ ბაქოში ორგანიზებული საზეიმო მსვლელობა დამოუკიდებლობის დეკლარაციის სტელასთან დაიწყო.
შეიკრიბა რამდენიმე ასეული ადამიანი. ხალხის მასა სანაპიროს ბულვართან ჩავიდა, სადაც ისინი პოლიციის კორდონმა შეაჩერა. მას შედეგ, რაც სანაპიროზე ვერ მოხვდნენ, ადამიანებმა ქალაქის ცენტრში, სასეირნო ქუჩებისკენ გაუხვიეს.
ოფიციალურ დონეზე ჰეიდარ ალიევის ცენტრში გაიმართა მიღება, სადაც პრეზიდენტი ილჰამ ალიევი სიტყვით გამოვიდა. საღამოს საკონცერტო დარბაზ Baku Crystal Hall-ში კონცერტი გაიმართა: შესვლა მოსაწვევებით იყო, თუმცა დახურულ კარს მიღმა მიმდინარე მოვლენები საზოგადოებისთვის ბულვარზე მოწყობილი დიდი მონიტორით გადაიცემოდა. საღამოს ათ საათზე საზეიმო შუშხუნები გაისროლეს.
