როგორ ათხოვებდა არქიფი დას
ცნობილი სოხუმელი მოქანდაკე არქიფ ლაბახუა ძირითადად ჟანრულ ქალაქურ სკულპტურაზეა დახელოვნებული.
ფაზილ ისკანდერის ნაწარმოების გმირების, ბიჭუნა ჩიკისა და მისი მეგობარი გოგონა ნიკის ბრინჯაოს ფიგურები, რომლებიც რამდენიმე წლის წინათ სოხუმის სანაპიროზე დადგეს, უკვე იქცა აფხაზეთის დედაქალაქის ერთ-ერთ სიმბოლოდ; თავად ნამუშევრების ავტორი, არქიფ ლაბახუა კი ერთ-ერთი ყველაზე მოთხოვნადი აფხაზი ხელოვანია, რომლის ხელწერასაც ადვილად ცნობენ.
ლაბახუას ქალაქური მინიატურები – “ფილოსოფოსი პინგვინი”, “ტაჩკუმი” და სხვა, სოხუმს სილამაზესა და კოლორიტს სძენს.
გარდა ამისა, არქიფს საკუთარი მარიონეტების თეატრიც აქვს. მის რეპერტუარშია პანტომიმები:”წითელი მსახიობი”, “ჩრდილის სუნი”, “ავი შელოცვა” და “ჩემთვის სულერთია”, რომელიც ტრადიციული ტექნიკისა და საავტორო “აპლიკეს” სინთეზს წარმოადგენს.
სტატიაში გამოთქმული მოსაზრებები, ტერმინები და პოზიცია მთლიანად ავტორს ეკუთვნის და, შესაძლოა, რედაქციის აზრს არ ემთხვეოდეს.
