დაბლოკვიდან ორი წლის შემდეგ, თურქეთში ვიკიპედიაზე წვდომა აღადგინეს
New York Times-ის ცნობით, თურქეთში, ორწლინახევრიანი დაბლოკვის შემდეგ, ვიკიპედიაზე წვდომა აღადგინეს.
საიტი 2017 წლის 27 აპრილს, მას შემდეგ დაიბლოკა, რაც ვიკიპედიამ უარი განაცხადა წაეშალა გვერდები, რომლებიც თურქეთის ხელისუფლებამ შეურაცხმყოფლად მიიჩნია.
რამდენიმე გვერდზე, საუბარი იყო თურქეთის კავშირზე ტერორისტებსა და სირიელ ბოევიკებთან. ასევე, თურქეთს პრეტენზიები ჰქონდა სტატიებთან, რომლებიც 2016 წლის შეუმდგარ სახელმწიფო გადატრიალებას შეეხებოდა. თურქეთი გადატრიალების ორგანიზებაში ღვთისმეტყველს, თურქული წარმოშობის ცნობილ ამერიკელ ქველმოქმედს, ფეთჰულა გიულენს ადანაშაულებს და მის გადაცემას ითხოვს. თუმცა, ბევრ საერთაშორისო ექსპერტს თურქეთის ხელისუფლების ეს განცხადებები დაუსაბუთებლად მიაჩნია.
_____________________________________________________________________________________________
• თურქეთი ერდოღანსა და გიულენს შორის
_____________________________________________________________________________________________
თურქეთის საკონსტიტუციო სასამართლომ – უმაღლესმა სასამართლომ, რომელსაც ამ საკითხის განხილვა შეეძლო – გადაწყვეტილება ვიკიპედიის სასარგებლოდ მას შემდეგ გამოიტანა, რაც ონლაინენციკლოპედიის იურისტებმა მოახერხეს დამტკიცება, რომ აკრძალვა არღვევს სიტყვის თავისუფლების უფლებას, რომელიც დაცულია თურქეთის კონსტიტუციით. ამის შესახებ ჟურნალისტებს ვიკიპედიის მმართველი კომპანიის, „ვიკიპედიის ფონდის“ იურიდიულმა დირექტორმა, სტივენ ლაპორტმა უთხრა.
