Tərtər rayonunun cəbhəyə ən yaxın kəndi Qapanlının sakinləri cavab verir " />

Ermənilərlə yenidən sülh içində yaşaya bilərsizmi? Azərbaycan kəndindən video-sorğu

Tərtər rayonunun cəbhəyə ən yaxın kəndi Qapanlının sakinləri cavab verir

Artıq 30 ildən çoxdur ki, Azərbaycan və Ermənistan arasında Dağlıq Qarabağla bağlı münaqişə davam edir. Hər gün təmas xəttində atışma baş verir, hər iki tərəfdən insanlar ölür və yaralanır. Münaqişə uzun müddət davam etdikcə, danışıqlar prosesi isə yerindən tərpənmədikcə münaqişə ilə bütün həyatları dəyişmiş sadə insanların qəzəbi və kədəri qalaqlanır və onlar üçün sülhü təsəvvür etmək getdikcə çətinləşir.

Cəbhə xətti yaxınlığındakı Qapanlı kəndinin sakinləri bütün bu illəri faktiki olaraq müharibə şəraitində yaşayıb – mərmi qəlpələrinin zədələdiyi divarlar da buna şahidlik edir. İnsanlar isə sülhü necə təsəvvür etdikləri haqda suala cavab verərkən erməni qonşularına etimadsızlıq və heç bir güzəştə hazır olmadıqları haqda danışırlar.

Bununla belə, bütün respondentlər bir şeylə razıdır – gələcək nəsillər üçün münaqişə həllini tapmalıdır.

“Eşidilməyən səslər” layihəsi International Alert  təşkilatının Dağlıq Qarabağ münaqişəsi üzrə işinin bir hissəsidir. Bu, münaqişəyə cəlb olunmuş icmaların jurnalistləri ilə işin və bu münaqişənin “nə müharibə, nə sülh” şəraitində yaşayan insanların həyatına necə təsir etdiyini göstərmək üçün onların birgə səylərinin nəticəsidir. Bu layihə həmin insanların səslərinin həm öz icmaları daxilində, həm də digər tərəfin cəmiyyətində eşidilməsinə şərait yaradır və bununla da düşmən obrazı arxasında gizlənən real insan simalarını oxuculara göstərməyə imkan verir.
Sözügedən layihə Avropa İttifaqının sayəsində Dağlıq Qarabağ münaqişəsinin sülh yolu ilə nizamlanması məqsədilə Avropa Tərəfdaşlığı (EPNK) çərçivəsində həyata keçirilir.
Bu səhifədə yerləşdirilən materiallara görə məsuliyyəti jurnalistlər daşıyır , International Alert təşkilatının və donorların nöqteyi-nəzərini əks etdirməsi mütləq deyil. Bizim jurnalistlər buradakı etik məcəlləni əsas götürür.
Facebook Comments

More on JAMnews