Yerevan yarmarkalarının alverçiləri vergi xidmətinin təzyiqlərinə etiraz edir
Bu gen Yerevan yarmarkalarının yüzlərlə alverçisi Ermənistanın hökumət binası qarşısında etiraz aksiyası təşkil edib. Onlar alınan və satılan malların sənədlərini tələb edən və vurulmayan çekə görə cərimə ilə hədələyən vergi xidmətinin mal dövriyyəsinə nəzarətinə qarşı etiraz edirlər.
Alverçilər bildirirlər ki, bu tələbləri yerinə yetirmək üçün onlar mühasib tutmalı olacaqlar, “amma əhalinin alıcılıq qabiliyyətinin azalması şəraitində əlavə iş yerinin açılması ticarət obyektlərinin bağlanmasına səbəb olacaq”. Xırda alverçilərə alıcılara çek verməkdən ötrü bahalı kassa aparatlarını almaq da çətindir. Alınmış mala aid sənədləri isə çox vaxt təqdim etmək mümkün olmur, çünki malı aldıqları böyük biznes təmsilçiləri çox vaxt onlara hesab-faktura vermir.
Yarmarka alverçiləri şikayətlənirlər ki, vergi xidməti əməkdaşları bütün günü yarmarkaların girişlərində növbə çəkir və alıcılardan satıcıların onlara aldıqları mala görə çek verib-vermədiyini aydınlaşdırmağa çalışırlar. Onlar belə nəzarəti “vergi terroru” adlandırırlar.
Bu gün etiraz aksiyasının iştirakçıları ilə Dövlət Gəlirləri üzrə Komitənin sədr müavini Vaxtanq Mirumyan və həmin komitənin Əməliyyat Axtarış İdarəsinin rəisi Qaregin Arakelyan görüşüb.
Alverçilər təklif ediblər ki, ümumi dövriyyədən təsbit edilmiş vergi tətbiq edilsin. Hökumət nümayəndələri onlarla görüşərək söz veriblər ki, yekun qərar qəbul edilənə qədər müvəqqəti olaraq ticarət komplekslərinin yoxlanışı dayandırılacaq.
