Tbilisidə 76 yaşlı qadını niyə öldürüblər?

Şəhər məhkəməsində son zamanların ən səs-küylü qətlilə bağlı ilkin məhkəmə iclası keçirilib. Söhbət oktyabrda baş verən, kannibalizmlə əlaqəli olduğu ehtimal edilən qətldən gedir.İstintaqın gəldiyi nəticəyə görə, 76 yaşlı qadını 19 yaşlı qızı öz
dostu ilə birlikdə öldürüb. Qadını elektroşokla vurandan sonra, huşsuz halda boğub, bıçaqlayıblar. Meyitini çantanın içində kirayə tutduqları evə aparıb, orada doğrayandan sonra zibilxanaya aparıb yandırıblar.

Məhkəmə iclasında ittiham olunanlardan biri etiraf edib ki, mərhumun orqanlarının dadına baxıb. Qurbanın qızının dostu olan müttəhim həmçinin bildirib ki, qıza psixoloji təzyiq göstərək ondan 13 min dollar alıb.Digər müttəhim, qurbanın 19 yaşlı qızı günahını etiraf edib. Onun sözlərinə görə, valideynləri ona qarşı qəddar davranırmışlar. Yetkinlik yaşına çatmayan müttəhimə gəlincə onun işi üzrə proses qapalı keçirilir.

İşlə bağlı 5 nəfər gənc həbs olunub. Onlardan üçü, qurbanın qızı da daxil olmaqla, ağırlaşdırıcı şəraitdə qrup halında öncədən planlaşdırılmış qətl törətməkdə, ikisi isə cinayəti gizlətməkdə ittiham olunur.