Süd vəzisi və ağciyər xərçəngi üzrə regionda ən yüksək göstərici Ermənistandadır

Ermənistanda ölüm hallarının 20 faizi bədxassəli şişlər üzündən baş verir. Bu, regionda süd vəzisi və ağciyər xərçəngindən ölüm üzrə ən yüksək göstəricidir. Hətta süd vəzisi xərçənginə mübtəla olmuş xəstələrin sayında artım tendensiyası müşahidə olunur. Həkimlər xəbərdarlıq edirlər ki, xəstəliyin gözlə görünən əlaməti yoxdur. Onu vaxtında aşkar etməyin yeganə yolu mütəmadi müayinələrdir.

Oktyabr dünya üzrə xərçənglə mübarizə ayı elan olunub. Bununla əlaqədar insanların məlumatlandırılması səviyyəsinin artırılması üçün tədbirlər həyata keçirilir.

Süd vəzisi xərçənginin statistikası

2017-ci ildə Ermənistanda 1118 süd vəzisi xərçəngi qeydə alınıb. Hər il bu göstərici 1000-1100 arasında dəyişir, bunlardan 400 halda xəstəni xilas etmək mümkün olmur. Onkoloji xəstəliklər arasında süd vəzisi xərçəngi Ermənistanda birinci yeri tutmaqda davam edir. Artım tendensiyası yalnız Ermənistanda deyil, bütün dünyada müşahidə edilir. Bunu Ermənistan-Amerika Sağlamlıq Mərkəzinin şüa terapiyası şöbəsinin müdiri Ohanes Vardevanyan deyir:

“Dünyada, Ermənistanda süd vəzisi xərçənginə tutulma halları durmadan artır. Lakin ilk növbədə bilmək lazımdır ki, bu hökm deyil və xəstəlik müalicə oluna biləndir, ələlxüsus erkən mərhələlərində”.

Həmçinin saytda oxuyun: Xərçəngdən sonrakı həyat – xəstəliyə qalib gəlmiş və başqalarına kömək edən qızın əhvalatı

Risk qrupuna kimlər daxildir

Ən çox süd vəzisi xərçənginə 40 yaşdan yuxarı qadınlarda rast gəlinir. Buna görə də, həkimlər ildə iki dəfə müayinə olunmağı məsləhər görürlər. 35 yaşına qədər qadınlarda bu xəstəliyə daha az hallarda rast gəlinir. Lakin bu o demək deyil ki, süd vəzisi xərçəngi gənclərdə baş verə bilməz.

Həmçinin saytda oxuyun: Ermənistanda gənc kişilərdə insult tez-tez qoyulan diaqnoza çevrilib

Süd vəzisi xərçənginin, daha az hallarda olsa belə, kişilərdə də rast gəlinməsi sensasiya effekti yaradıb. Son 19 il ərzində Ermənistanda 30 kişidə süd vəzisi xərçəngi tapılıb. Lakin həkimlər xəbərdarlıq edirlər ki, kişilərdə bu xəstəlik daha aqressiv gedişi ilə fərqlənir və hər hansı narahatlıq olduğu təqdirdə müayinədən keçməyi məsləhət görürlər.

Xəstəliyin yaranma səbəbləri

Süd vəzisi xərçənginin yaranmasına stres, irsi meyllik, ginekoloji xəstəliklər, zərərli vərdişlər, süd vəzisinin zədələnməsi gətirib çıxara bilər.

“Hər hansı amili ayırd etmək mümkün deyil, ən yaxşısı mütəmadi mayinə olunmaqdır ki, xəstəlik erkən mərhələlərdə müəyyən edilə bilsin”, – Ermənistan-Amerika Sağlamlıq Mərkəzinin həkimi Ohanes Vardevanyan xəbərdarlıq edir.

Ermənistanda süd vəzisi xərçəngindən başqa, qadınlar arasında uşaqlıq boynunun və yoğun bağırsağın xərçəngi də geniş yayılıb.

Kişilərdə isə daha tez-tez ağciyər, prostat vəzi və yoğun bağırsaq xərçənginə rast gəlinir. Son illər ərzində, xüsusilə gənc insanlarda, qalxanvari vəzinin xərçəngi hallarında artım müşahidə olunur.