Saakaşvili ətrafında baş verənlərə Bakı və Yerevandan niyə reaksiya yoxdur? – şərhlər

Azərbaycan və Ermənistanda Saakaşvili ətrafındakı hadisələr haqda

Son bir ayda Gürcüstanda baş verən hadisələr, eks-prezident Mixail Saakaşvilinin həbsi, onun 40 günə yaxındır ki, aclıq etməsi, tərəfdarlarının isə izdihamlı etiraz aksiyaları keçirməsi haqda Azərbaycan və Ermənistanda nə düşünürlər?

Gürcüstana qonşu ölkələrin heç birində rəsmi strukturlar bu haqda heç bir şərhlə çıxış etməyib. JAMnews Azərbaycan və Ermənistanda siyasi icmalçılara vəziyyəti şərh etməyi təklif edib.

Siyasi icmalçı Şahin Cəfərli, Bakı

“Gürcüstanda baş verənlərə Azərbaycan hakimiyyətindən reaksiyanın olmamasına ölənin xarici siyasət prizmasından yanaşmaq lazımdır. Azərbaycanın xüsusi münasibətlərinin olduğu Ermənistandan başqa, digər qonşu və dost ölkələrdə baş verən hadisələri ölkə hakimiyyəti heç vaxt şərh etmir.

Azərbaycanda həmçinin qonşu ölkələrin müxalifətləri ilə münasibət qurmaq təcrübəsi yoxdur. Azərbaycan hakimiyyəti hökumətlərlə işləməyi üstün tutur.

Gürcüstandakı vəziyyətin özünə gəlincə, ciddi narahatlıq doğurur. Bu qonşu ölkə uzun illər bizim üçün regiondakı demokratiya mücəssiməsi olub. Bu, Mixail Saakaşvili dövrünə və onun dinc yolla hakimiyyəti yeni seçilmiş hakimiyyətə təhvil dövrə aiddir.

Amma indi bu ölkədə baş verənlər onu demokratiyadan uzaqlaşdırır. Müxalifətlə toqquşmalar, seçki nəticələrinin saxtalaşdırılması, xüsusən də bələdiyyə seçkilərinin ikinci turunda – bütün bunlar bu ölkənin demokratik imicinə uyğun gəlmir.

Hakimiyyətin bu ölkənin prezidenti olmuş siyasətçiyə münasibəti isə ümumiyyətlə məyuz edir. Onu bütün vasitələrlə alçaltmağa çalışırlar, aldadıb baqa həbsxanaya yerləşdirirlər – eks-prezident aclıq elan etdiyi halda onun həyatını riskə atmaq üçün bütün şərait yaradılır.

Heç kim üçün sirr deyil ki, Əliyevlə Saakaşvilini şəxsi dost münasibətləri birləşdirirdi. Çox mümkündür ki, qapalı kanallarla məsləhətləşmələr aparılır.

Amma mən Gürcüstan müxalifəti kimi ABŞ və Avropa İttifaqından daha qətiyyətli addımlar gözləyirəm. Bu Qərb qüvvələri qonşu ölkələrlə müqayisədə Gürcüstanda siyasətə daha çox təsir imkanına sahibdirlər. Bəli, Qərb baş verənlərlə bağlı artıq öz narahatlığını bildirib, amma daha qəti fikir və müdaxilə daha çox yerinə düşərdi”.

• Saakaşvili azad edilməli, növbədənkənar seçki keçirilməlidir – Tbilisidə etirazlar
• “Bu absurddur” – hüquqşünasların Gürcüstanın baş nazirinin Saakaşvilinin “intihar hüququnun olduğu” haqda sözlərinə reaksiyası
• Mixail Saakaşvili haqqında gürcülərə vermək istədiyiniz 6 sual

Siyasi icmalçı Akop Badalyan, Yerevan

“Hesab edirəm ki, Gürcüstandakı vəziyyət Gürcüstanın daxili işidir. Rəsmi Yerevanın müdaxilə və hər hansı mövqe bildirməsi üçün heç bir səbəbi yoxdur. Gürcüstanda stabilliyin Ermənistan üçün mühüm amil olduğu isə, bu haqda mütəmadi olaraq bildirilir.

Gürcüstanda artıq uzun müddətdir ki, mürəkkəb daxili siyasi vəziyyət hökm sürür. Gürcüstannda hadisələrin inkişafının hansısa qeyri-stabillik ssenarisinə gedib çıxmayacağına üm etmək qalır, çünki bu vəziyyət Ermənistan üçün çox vacibdir”.

Gürcüstan üzrə ekspert Conni Melikyan, Yerevan

“Gürcüstanda baş verənlər məntiqlidir, bu, Gürcüstanda son illərin daxili siyasi proseslərinin davamıdır.

Ermənistan tərəfindən reaksiya haqda danışmaq artıqdır, çünki bu, Gürcüstanın daxili işidir. Əgər bir neçə gün əvvəl Nika Qvamiyanın Navalnı və Paşinyana müraciət edərək Gürcüstanın Saakaşvili işi üzrə cavab gözlədiyini deyəndə, mən Nika Qvamiyaya Saakaşvili ilə bağlı iki məhkəmə qərarının olduğunu və bir neçə iş üzrə proseslərin getdiyini xatırlatmaq istərdim.

Bundan başqa, Saakaşvili Gürcüstana qanunsuz yolla qayıdıb, mən düşünmürəm ki, onun həbsi ilə bağlı hər hansı sualın yaranacağını gözləmək olardı.

Xatırladım ki, Avropa və ABŞ Saakaşvilinin həbsinə rəsmi şəkildə mane olmağa və qarşısını almağa çalışmayıb. Amma bu gün onun təhlükəsizliyi və səhhəti ilə bağlı məsələlər ortaya çıxır.

Ermənistan-Gürcüstan münasibətləri son illərdə kifayət qədər dinamikdir və yetərincə müsbət nəticələr verir. Düşünmürəm ki, müdaxilə etmək və Ermənistan-Gürcüstan münasibətlərini gərginləşdirmək lazım idi”.