Rusiya XİN Azərbaycan və Fransa arasında diplomatik qalmaqala qarışıb
Rusiya XİN-in rəsmi nümayəndəsi Mariya Zaxarova xatırladıb ki, Qarabağda Laçın dəhlizi Rusiya sülhməramlılarının nəzarəti altındadır. Bununla o, Azərbaycan prezidenti İlham Əliyevin Azərbaycan və Fransa arasında qalmaqala səbəb olan bəyanatına cavab verib. Azərbaycanın keçmiş XİN rəhbəri Zaxarovanın sözlərini ölkəsinin suveren hüquqlarının pozulması kimi dəyərləndirib.
- Fransa prezidentliyinə namizədin Qarabağa səfəri Azərbaycanda etiraza səbəb olub
- Avropada peyvənd vurdurmayanlar daha çox imkan və hüquqlardan məhrum olurlar
Nə baş verib?
Yerli telekanallara müsahibəsi zamanı Azərbaycan prezidenti İlham Əliyev Respublikaçılar Partiyasından Fransa prezidentliyinə namizəd Valeri Perkesin 2021-ci ilin dekabrında Qarabağın RF sülhməramlıların nəzarəti altında olan hissəsinə səfərinə də toxunub.
Əliyev qeyd edib ki, əgər fransalı namizədin Xankəndidə olduğu Azərbaycana məlum olsaydı, ona ölkə ərazisini tərk etməyə imkan verilməzdi. O, həmçinin əlavə edib ki, Laçın dəhlizi Azərbaycan ordusunun nəzarəti altındadır.
Bundan sonra Valeri Pekres Fransa hüquq-mühafizə orqanlarına müraciət edib və Azərbaycan hakimiyyəti tərəfindən “həyatına təhlükə” haqda şikayət edib.
Fransa və Azərbaycanın xarici işlər nazirlikləri bir-birinin ünvanına növbədənkənar bəyanatlar səsləndiriblər.
Zaxarova: “Laçın dəhlizi Rusiya sülhməramlılarının nəzarəti altındadır”
2022-ci il yanvarın 20-də ənənəvi brifinq zamanı Rusiya XİN-in rəsmi nümayəndəsi Mariya Zaxarova jurnalistin sualına cavab verərək fransalı siyasətçinin Qarabağa səfəri haqda ölkəsinin mövqeyini ifadə edib və dolayısı ilə Əliyevin bəyanatına cavab verib.
“Birincisi, Azərbaycan-Fransa münasibətlərini iki ölkə – Azərbaycan və Fransa nümayəndələri şərh etməlidir. Burada heç bir şübhə ola bilməz.
İkincisi, mən bir daha bu ərazilərə səfərlərlə bağlı vəziyyətə baza yanaşması haqda danışacağam, biz bu baza yanaşmadan yola çıxırıq. Mən bir daha diqqətinizə çatdırmaq istəyirəm ki, Dağlıq Qarabağ çünaqişəsi zonasında atəşin və bütün hərbi əməliyyatların tam dayandırılması haqda Azərbaycan, Ermənistan və Rusiya liderərinin 2020-ci il 9 noyabr bəyanatına əsasən, Rusiya sülhməramlı kontingenti təmas xətti və Laçın dəhlizi boyu yerləşdirilib.
Bəyanatın 6-cı maddəsinə əsasən, Laçın dəhlizi Rusiya sülhməramlılarının nəzarəti altındadır, Azərbaycan Laçın dəhlizi üzrə hər iki istiqamətə vətəndaşların və nəqliyyat vasitələrinin, yüklərin hərəkətiinin təhlükəsizliyinə zəmanət verib.
Rusiya sülhməramlı kontingentinin komandanlığı tərəfindən sülhməramlı əməliyyatlar zonasına səfərlərin, o cümlədən də xarici vətəndaşların, beynəlxalq təşkilatların əməkdaşlarının, missiyallarının və s. səfərlərinin qaydası müəyyən olunub. Xüsusilə, Rusiya sülhməramlılarına bu cür səfərlər barədə əvvəlcədən və lazımi qaydada məlumat verilməsi nəzərdə tutulur. Yenə də bu, bizim əsas yanaşmamızdır”, – Zaxarova bildirib.
Azərbaycanın keçmiş XİN rəhbərinin şərhi
Zaxarovanın bəyanatını Azərbaycanın keçmiş xarici işlər naziri Tofiq Zülfüqarov şərh edib.
“Zaxarova bilməlidir ki, BMT-nin qəbul etdiyi təcrübəyə görə, sülhün dəstəklənməsi üzrə əməliyyatlar qəbul edən ölkənin suverenliyinin məhdudlaşdırılmasını nəzərdə tutmur, sülhə məcburetmə əməliyyatlarından fərqli olaraq (bu əməliyyat yalnız BMT-nin xüsusi bəyannaməsi əsasında həyata keçirilə bilər).
Bu o deməkdir ki, ölkəmizin dövlət sərhədlərində rejimi və iqtisadi məkanın təhlükəsizliyini nizamlayan qanunlarının yerinə yetirilməsi sülhü dəstəkləyən qüvvələrə təhvil verilə bilməz. Onların vəzifəsi yalnız asayişin mühafizəsi və müvəqqəti məsuliyyət zonasında təhlükəsizliyin təmin edilməsi funksiyası ilə məhdudlaşır. Vəssalam!
Odur ki, madam Pekresin səfəri qanunsuzdur və 2020-ci il 10 noyabr Bəyanatının ruhuna və təməlinə ziddir.
Əgər kimsə Fransada prezident seçkilərinə təsir etmək istəyirsə, qoy bunu bizim suveren hüquqlarımızın pozulması hesabına etməsin!” – Zülfüqarov Facebook səhifəsində yazıb.
