Almaniya klinikası rusiyalı siyasətçi Navalnının zəhərləndiyini təsdiqlədi
“Navalnı hələ də süni komadadır, amma hazırda onun həyatı üçün heç bir təhlükə yoxdur. Klinik tədqiqatlar göstərir ki, kolinesteraza inhibitorları ilə intoksikasiya olub, konkret substansiya hazırda məlum deyil”, – klinikadan bildirilib və qeyd olunub ki, zəhər orqanizmə güclü təsir göstərir, bu da müstəqil tədqiqatlarla sübut olunub.
• Rusiyanın əsas müxalifətçisi sosial şəbəkələrdə necə media imperiyası yaradıb?
• Rusiya prezidenti Navalnıdan nə gözləmək olar?
Həkimlərin sözlərinə görə, Navalnını atropin preparatı ilə müalicə edirlər, amma xəstəliyin nəticəsinin necə olacağı hələlik məlum deyil, çünki zəhərlənmə sinir sisteminin fəaliyyətinə təsir etmiş ola bilər.
Kolinesteraza inhibitorları Alzheymer və demans xəstəliklərinin müalicəsində istifadə olunur, həmçinin bəzi təbii mənşəli zəhərlərin tərkibində (məsələn, bəzi ilanların zəhərində) olur.
Bu maddələr güclü neyrotoksinlərdir və bəzi kimyəvi silahların – zarina qazı və agent VX (sonuncu ilə 2017-ci ildə Kim Çen Inın qardaşı öldürülüb) tərkibinə daxldir.
Böyük Britaniyada Dövlət Kəşfiyyatı İdarəsinin keçmiş əməkdaşı Sergey Skripalın zəhərləndiyi agent “Noviçok” da asetilkolinesteraz inhibitorları qrupuna aiddir.
Avqustun 20-də səhər saatlarında Aleksey Navalnı ağır zəhərlənmə əlamətləri ilə Omsk aeroportundan xəstəxanaya çatdırılıb. Omskda həkimlər müayinədən sonra siyasətçinin qanında zəhər aşkarlamadıqlarını bildiriblər, amma dəqiq diaqnoz da qoya bilməyiblər. Siyasətçinin doğmaları və dostları onun hazırda həkim nəzarətində olduğu Almaniyaya aparılmasına nail olublar.
