Qafqazda koronavirus. Ermənistanda bir sutkada 19 ölüm, 517 yeni yoluxma. Dağıstanda etirazçılar 5G qülləsini yandırmaqla hədələyirlər

Pandemiya başlayandan ölkədə 158 nəfər ölüb:

Son sutka ərzində yalnız 25 nəfər sağalıb, yeni yoluxanların sayı 517 nəfər olub։

Bununla yanaşı baş nazir Nikol Paşinyan bildirib ki, ölkənin məhdudiyyətlərə qayıtması gözlənilmir.

Baş nazirin özü də yoluxub. Bu haqda o, sosial şəbəkədəki səhifəsində iyunun 1-də, öz doğum günündə məlumat verib. Amma Paşinyan xəstəliyi əlamətsiz keçirir, adi rejimdə işinə davam edir.

Ermənistanın baş naziri və bütün ailəsi koronavirusa yoluxub

Ermənistanda koronavirusdan artıq 139 nəfər ölüb. 

Son sutka ərzində 120 yeni yooluxma halı qeydə alınıb.

Ümumilikdə yoluxanlar 9402 nəfərdir. Onlardan 3402 nəfər sağalıb və xəstəxanadan evə buraxılıb.

Ermənistanın baş naziri və bütün ailəsi koronavirusa yoluxub

Ermənistanda koronavirusla mübarizə tədbirləri

Ermənistanda fövqəladə vəziyyət iyunun 13-ə qədər davam edəcək.

Amma hərəkət məhdudiyyəti artıq aradan qaldırılıb və demək olar ki, bütün biznes obyektləri, müəssisələr, mağazalar, bəərbərxanalar, muzeylər açılıb.

Mayın 18-dən ictinamai nəqliyyatın hərəkətinə icazə verilib. Nəqliyyat vasitələri ciddi şəkildə dezinfeksiya ediləcək. Bütün sərnişinlər nəqliyyatda maskadan istifadə etməlidir.

Gürcüstanda 11 yeni yoluxma qeydə alınıb, ümumilikdə 794 nəfərə çatıb.

Onlardan 624 nəfər xəstələnib, 12 nəfər ölüb.

Gürcüstanda bir həftədən çoxdur ki, yoluxma mhalları minimal saydadır, amma son iki gündə birdən birə 37 nəfər xəstələnib. Mayın əvvəlindən Gürcüstanda klaster adlandırılan eyni ocaqlarda yoluxmalar baş verir.

Uzun zamandan bəri mayın 31-də ilk dəfə yeni klaster aşkarlanıb, həm də Tbilisinin mərkəzi Saburtali rayonunda. Hazırda orada artıq 23 yoluxma halı qeydə alınıb.

Gürcüstanda fövqəladə vəziyyət iki aydan çox davam edib və mayın 23-dən dayandırılıb. Artıq bütün biznes obyektləri işləyir, yaşayış məntəqələri daxilində nəqliyyatın hərəkətinə icazə verilib. İyunun 8-dən qatarlar işə düşməli, beynəlxalq nəqliyyat əlaqəsi bərpa edilməlidir. İyulun 1-dən müəyyən ölkələrdən olan turistlər üçün sərhədlər açılacaq.

Yaşlı insanlar karantini necə keçirir? Gürcüstandan video

Sutka ərzində daha yeddi nəfər ölüb, ümumilikdə ölənlərin sayı 127 nəfərə çatıb.

251 yeni yoluxma halı qeydə alınıb, pandemiya başlayandan ümumilikdə yoluxanların sayı 8927 nəfərdir. 3317 nəfər sağalıb və xəstəxanadan evə buraxılıb

Baş nazir Nikol Paşinyan vəziyyətin getdikcə pisləşdiyini təsdiqləyib.

“Əgər bu temp qalsa, ölkə İtaliyada olan rəqəmlərə gedib çıxacaq. Əsas problem ondan ibarətdir ki, insanlar epidemiologiya əleyhinə tələblərə əməl etmirlər”, – Paşinyan deyib.

Dağıstanda Novıy Çirkey kəndinin sakinləri yenicə quraşdırılmış 5G  qülləsinin sökülməsi tələbi ilə aksiya keçirirlər.

“Bizim kəndimizdə gəmiqayırma müəssisəsi açmaq və elmi ixtiralar etmək niyyətindədirlər, burada kosmosla əlaqəyə və yüksək sürətli internetə ehtiyac yoxdur. İmkan vermərik ki, bizə çip yerləşdirsinlər. Yeni qüllədən yayılan şüa sağlamlığa ziyandır. Burada uşaqlar var, bizə ikinci Çernobıl lazım deyil. Bizim tələblərimiz eşidilməsə, biz bu qülləni yandıracağıq”.

Videonu yüzlərlə insan dəstəkləyib. Amma bu çıxışlar çoxlu ironik şərhlərə də səbəb olub. “Mobil telefonu, televizoru, maşını, elektriki də tullayıb, at, öküz və kotan alın. Özünüz də video-kamera qarşısında dayanmayın, şeytan ruhunuzu ələ keçirəcək!”

Hələlik hakimiyyətdən baş verənləri şərh edən olmayıb.

Dağıstanda koronavirusa və pnevmoniyaya yoluxanların və ölənlərin sayı ilə əlaqədar vəziyyət kirtikdir. Sutka ərzində 50 nəfər ölüb, ümumilikdə pandemiya başlayandan ölənlərin sayı 201 nəfərə çatıb. Bu göstəriciyə görə Dağıstan Rusiyada üçüncü yerdədir, ancaq Moskva şəhəri və Moskva vilayətindən geri qalır.

Mayın 17-də hakimiyyət bildirib ki, pnevmoniyadan 700 nəfərdən çox insan ölüb. Amma həkimlər və fəallar öz araşdırmalarını aparırlar və bildirirlər ki, bütün bu statistika saxtadır, əslində xəstələnənlərin və ölənlərin sayı qat-qat çoxdur.

• Rusiyada koronavirusun qəribə statistikası: çox yaxşı səhiyyə və ya Putin hakimiyyətdə qalmaq istəyir?

https://www.instagram.com/tv/CAvEM_GpmE2/?utm_source=ig_web_copy_link

• Koronavirus pandemiyası ilə bağlı Qafqazda hadisələrin xronikası