Qafqazda koronavirus. Gürcüstanda 9 yeni yoluxma, onlardan 4-ü tibb işçisidir

Xəstələnən dörd tibb işçisi Tbilisidəki Respublika Xəstəxanasının əməkdaşlarıdır.

Ümumilikdə Gürcüstanda 837 nəfər yoluxub, onlardan 697 nəfər sağalıb.

Ümumilikdə epidemiya başlayandan Gürcüstanda 13 nəfər ölüb.

Gürcüstanda pandemiya ilə əlaqədar karantin məhdudiyyətləri aprelin 27-dən yumşaldılmağa başlayıb. İyunun 15-dən Gürcüstan daxili turizmi bərpa etməyə, iyulun 1-dən isə sərhədləri açıb, əcnəbi turistləri qəbul etməyə hazırlaşır.

Gürcüstan Ermənistana gündəlik 1000 PCR test və tibb personalı ilə yardım edəcək

Ermənistanda sutka ərzində 428 yeni yoluxma və 10 ölüm halı qeydə alınıb.

Epidemiya başlayandan Ermənistanda ümumilikdə 227 nəfər ölüb.

14103 nəfər yoluxub, onlardan 5226 nəfər sağalıb.

Sutka ərzində sağalıb xəstəxanadan evə buraxılanların rekord sayda olması iyunun 10-da COVID-19 virusuna yoluxan simptomsuz xəstələrin karantin müddətinin bitməsi ilə əlaqədardır.

Ermənistanda fövqəladə vəziyyət iyunun 13-də bitməlidir, amma müddətin uzadılacağı haqda bildirilib.

Jurnalist Demis Poladov Telegram kanalında – “Adıgey Xeku – çərkəz kanalı” belə icmal dərc edib (qısaldılmış versiya):

“Qaraçay-Çərkəz od tutub yanır. Biçarə insanlar xəstə qohumları ilə dolaşır, onları xəstəxanaya soxuşdurmağa çalışır. Amma bu, praktiki olaraq real deyil. Yer yoxdur. Həkim də demək olar ki, qalmayıb.

Yaşlıları təklikdə dəfn edirlər, qohumlara sonradan xəbər verirlər. Qafqaz mədəniyyəti ilə böyüyənlər bilirlər ki, yaşlılar üçün bu, ağır zərbədir. Onları dəfn etməyə kim gələcək, hansı kəfənə bürüyəcəklər – bu düşüncə ilə günlərini başa vururlar. İndi isə onlara ancaq ümidsizə bir şey demək qalıb – “Heç olmasa qara plastik torbaya qoymasınlar”…

İnsanlar həftələrlə yanır, qızdırmanı sala bilmirlər. Bütöv ailələrlə xəstə yatırlar, yemək bişirməyə adam olmur. Şəhərlərdə xəstələnirlər, artıq aullara da korona gəlib.

Olur ki, cavanlar ölür, çünki xəstəxanalar onları qəbul eləmir. Axı moskvalı quruları onlara “yüngül forma” söz vermişdi. Çox vaxt da onlarda covid təsdiqlənməmiş olur, yəni nəticələri on gün gözləmək lazım gəlir.

Budur, qara paketə qapadılmış gənc qadını gətiriblər, anası elə də dəfn elədi. Ölüm haqda arayışda isə hipertenziya yazılıb. Əgər hipertenziyadırsa, niyə onu covid xəstələri ilə infeksion şöbədə saxlayırdız? Anası onunla heç vidalaşa da bilməyib […]

Bu gün Uçkekendə insanlar küçələrdədir. İnsanlar çarəsizlik içindədir, onları sadəcə atıblar”. 

Rəsmi statistikaya əsasən, Qaraçay-Çərkəzdə 1729 nəfər yoluxub, onlardan 9 nəfər ölüb.

Amma həkimlər və fəallar sosial şəbəkələrdə göstəricilərin dəfələrlə kiçildildiyi və əslində söhbətin minlərlə yoluxandan və yüzlərlə öləndən getdiyini bar-bar bağırırlar.

Qaraçay-Çərkəz Şimali Qafqazda ən kiçik respublikadır, burada 500 mindən az insan yaşayır.

• Rusiyada koronavirusun qəribə statistikası: çox yaxşı səhiyyə və ya Putin hakimiyyətdə qalmaq istəyir?

Azərbaycanın 800-dən çox vətəndaşı hələ də Dağıstanda qapalı Rusiya-Azərbaycan sərhədində vətənə buraxılacaqları günü gözləyirlər. Onlar qeyri-sanitar vəziyyətdən və digər problemlərdən şikayətlənirlər, onlardan onlarla insan isə hətta etiraz əlaməti olaraq aclıq elan edib – “Kavkazskiy uzel” xəbər verib.

Azərbaycan vaxtaşırı olaraq 100-ə qədər insanı vənətə gətirir, amma bu, problemi çözmür.

13 nəfərdə koronavirus aşkarlandığı üçün xəstəxanaya yerləşdirilib və indi onlar təkrar analizin cavabını gözləyirlər.

• Dağıstanda ilişib qalan azərbaycanlılar əsasən çadırlarda yaşayırlar

Ermənistanda sutka ərzində 350 yeni yoluxma və 6 ölüm halı qeydə alınıb.

Epidemiya başlayandan Ermənistanda ümumilikdə 217 nəfər ölüb.

13 675 nəfər yoluxub, onlardan 4 451 nəfər sağalıb.

Səhiyyə naziri Arsen Torosyan koronavirus xəstələrini qəbul edən klinikaların rəhbərlərilə müzakirə aparıb. Daha sonra jurnalistlərə bildirib ki, hətta hazırkı yüksək yoluxma səviyyəsi dəyişməz qalsa da, Ermənistanda xəstələrin tibbi yardımdan məhrum qalması riski artıq yoxdur. Yaxın zamanda belə xəstələri ölkənin müxtəlif yerlərində daha bir neçə klinika qəbul edəcək.

• Niyə Ermənistan yoluxanların sayına görə region lideri olub?

• Koronavirus pandemiyası ilə bağlı Qafqazda hadisələrin xronikası