İranda hər beş ölümdən biri koronavirusun nəticəsidir, Tehranda böhran
Son bir həftə ərzində İranda koronavirusa yoluxma və ölüm halları ilə bağlı statistika pisləşib, Tehran xüsusilə təhlükəli vəziyyətdədir – “Azadlıq Radiosu”nun məlumatına görə, iyulun 26-da İranın səhiyyə nazirinin müavini İrac Hərirçi bildirib.
Hərirçi deyib ki, Tehranda hər gün xəstəxanalara azı 600 yeni COVID-19 xəstəsi daxil olur.
İranda artıq hər beş ölümdən biri koronavirusla əlaqəlidir.
İyulun 26-a olan rəsmi məlumata əsasən, İranda 291172 nəfər koronavirusa yoluxub, onlardan 15700 nəfər ölüb.
Amma 2020-ci il iyulun əvvəlində İran prezidenti Həsən Ruhani çox pis xəbər elan edib:
Koronavirusa yoluxanların sayı 25 milyona yaxın ola bilər cə daha 35 milyon nəfərin yaxın aylarda yoluxma ehtimalı var.
Bu zaman prezident İranın Səhiyyə Nazirliyinin yeni hesabata daxil olan məlumatına əsaslanıb. Hesabatın özü isə məxfidir.
İran hakimiyyəti “ictimai immunitetə” ümid edir?
Təhlükəli vəziyyətə baxmayaraq, İran hakimiyyəti sərt karantin rejimi tətbiq etmir və bu ekspertlərdə belə bir şübhə yaradıb ki, İran hökuməti “ictimai immunitet” formalaşdırılması siyasətinə ümid edir.
Bir neçə iranlı həkim bu şayiələrə reaksiya verib və bildiriblər ki, əgər belə bir siyasət varsa, ölümcül təhlükəlidir, çünki infeksiya daha milyon insana yoluxarsa, ölkənin səhiyyə sistemi tab gətirməyəcək.
• İranda hər beş ölümdən biri koronavirusun nəticəsidir, Tehranda böhran
• İranda koronavirus: dünyanın ən böyük yoluxma mərkəzlərindən biri və hakimiyyətin yalanları
• İran, hadisələr, faktlar, təhlil
Amma səhiyyə nazirinin müavini “ictimai immunitet” formalaşdırılması haqda hər hansı ideyanın olduğğunu qəti şəkildə inkar edib.
“Böyük Britaniya və İsveçin bu siyasətdən ziyan çəkdiyi yetərlidir”, – İrac Hərirçi bildirib.
Pandemiyanın iqnir edilməsi, sanksiyalar və zəif iqtisadiyyat mümkün fəlakətdən xəbər verir
İran hökuməti fevralın 19-da virusla bağlı ilk rəsmi bəyanatında narahat olmamağı məsləhət görürdü, ali dini rəhbər Ayətullah Əli Xamenei isə İranın “düşmənlərini” təhlükənin miqyasını şişirtməkdə günahlandırmışdı.
Bir həftə sonra yoluxanların və ölənlərin sayı sürətlə artdığı zaman prezident Həsən Ruhani iranlıları qorxutmağı və ölkədə normal həyat axarını dayandırmağı hədəfləyən “düşmən sui-qəsdi” haqda bildirdi.
Prezident iranlıları öz gündəlik həyatlarına davam etməyə və işə gedib-gəlməyə çağırdı.
2020-ci il martın ortalarında dövlət kanalında bildirildi ki, koronavirus ABŞ tərəfindən istehsal olunmuş “bioloji silah” ola bilər, Xamenei isə Twitter-də “bioloji hücum” haqda yazdı.
İranda yoluxanların sayının kəskin artması epidemiyanın qızğın çağında hakimiyyət parlament seçkilərini keçirəndən (birinci tur 2020-ci ilin fevralında, ikinci tur isə aprelində) sonra baş verdi.
Ticarət mərkəzləri və məscidlər işinə davam edirdir. Əsasən buna görə yoluxma episentri Tehranla yanaşı ölkənin dini paytaxtı Qum şəhəri oldu.
Kimyəvi müdafiə kostyumlarında olan insanların küçtəvi dəfn həyata keçirdiyini əks etdirən video yayılandan sonra problemi artıq gizlətmək mümkün olmadı. O zaman məhdudiyyətlər həyata keçirildi, amma artıq gec idi
Dünyada və ölkədə çoxları hesab edir ki, bununla da epidemiyanın miqyası ilə bağlı hökumətin gizlətdiyi böyük qorxular təsdiqini tapıb. Video New York Times/Reuters
Yoluxanların sayının sürətlə artmasına rəğmən İran digər ölkələrdən daha əvvəl – 2020-ci ilin aprelində məhdudiyyətləri aradan qaldırmağa başladı.
Hakimiyyət bu qərarı iqtisadiyyatın böhran vəziyyətində olması ilə əlaqədar olaraq qəbul etdi. İranda iqtisadi böhran pandemiyadan çox əvvəl başlamışdı – korrupsiyaya, pis menecmentə və ABŞ-ın sanksiyalarına görə.
Hətta Ayətullah Xamenei də bu dəfə karantin tədbirlərini dəstəkləyib
Yaxın aylarda vəziyyət böhranın ilk altı ayından daha betər olacaq – İrac Hərirçi xəbərdarlıq edib.
Yeni karantin haqda elan olunub – eyni məkanda yerləşən kafelər, zooparklar və hovuzlar bağlanacaq. İctimai yerlərdə maska taxmaq məcburi olacaq.
Təhlükəsizlik tədbirlərinin həyata keçirilməsinə polis nəzarət edəcək.
Maraqlıdır ki, bu dəfə İranın ali dini lideri Ayətullah Xamenei də əksər məsələlərdə opponenti olan prezidenti dəstəkləyib.
