AZƏRBAYCANCA arrow icon
Bizi dəstəkləyin
Bizi dəstəkləyin
AZƏRBAYCANCA arrow icon
messenger vk-black email copy print
Arxiv-

İran turistlərinin gəlişini gözləyən Yerevanda mənzillərin kirayə haqqı artıb

messenger vk-black email copy print

Novruz bayramı ərəfəsində (İran Yeni ili martın 21-də girir), çoxlu sayda iranlı turist bu bayramı qeyd eləmək üçün Ermənistana axışdığından, mənzillərin kirə haqqı, demək olar ki, iki dəfə artıb, xüsusilə də günhesabı verilənlərin.

Novruz martın dördüncü həftəsindən başlayır və on üç gün davam edir. Ermənisatn bu iki həftə ərzində 20-25 min iranlı qəbul edir.

List.am saytında təqdim olunan kirayə elanlarını Tert.am araşdırıb və onlardan bir neçəsini dərc edib:

Mariya adlı bir qadın Yerevanın mərkəzində mənzili 10 min drama kirayə verib, lakin martın 20-dən elə həmin mənzilin kirayə haqqı 24 min dramadək dəyişib.

 

Broker agentliyinin əməkdaşı Mari şəhərin Abovyan küçəsindəki (Yerevanın mərkəzi küçələrindən biri) birotaqlı mənzili martın 19-dək 15 min drama kirəyə verirdi, martın 20-dən isə bu qiymət 31 min drama dəyişib.

İrandan Ermənistana gələn turistlərin sayı son illərdə kəskin şəkildə artıb. Özü də ekspertlər xəbər verir ki, onlar Ermənistanda 4-5 gün tətil edirlər və hər biri 800 dollar xərcləyir.

2016-cı ilin yanvar-sentyabr aylarında Ermənistana 160 mindən çox iranlı turist gəlib.

Bununla belə, iranlılar sanksiyalar ucbatından Ermənistandakı mehmanxanaları onlayn bronlamaq üçün hələ ki Visa və Mastercard kartlarından istifadə edə bilmirlər.

Adlarının çəkilməsini istəməyən iranlılar JAMnews-un ekspertinə xəbər veriblər ki, əlavə problemlərlə üzləşmək istəməyən Ermənistan bankları İran vətəndaşlarına hesab açmaqdan boyun qaçırır. Hazırda Ermənistanda iranlılara təkcə İran kapitalı ilə işləyən Mellat bank xidmət göstərir.

Ən Populyar

Xəbərlər

Multimedia