Rusiya hərbi təyyarələri Gürcüstan üzərində – müharibədən 12 il sonra səma ilk dəfə açılıb
Rusiya hərbi təyyarələri Gürcüstan üzərində – müharibədən 12 il sonra səma ilk dəfə açılıb
Rusiyanın hərbi-nəqliyyat təyyarələri Flightradar24-ün məlumatlarına əsasən, noyabrın 10-u və 11-i Gürcüstan hava məkanından keçərək Ermənistana istiqamət alıb.
Təyyarələr Dağlıq Qarabağda dislokasiya olunmalı iki min rusiyalı sülhməramlını daşıyır. Həm Azərbaycan, həm də Ermənistan münaqişə zonasında rusiyalı sülhməramlıların yerləşdirilməsi barədə razılaşmaya qol çəkib, odur ki, bu uçuşlarda qeyri-qanuni heç nə yoxdur.
- “Bütün bunlara görə şəxsən mən məsuliyyət daşıyıram” – Ermənistanın baş naziri Qarabağdakı vəziyyət haqqında
- “Bu gün biz maksimum mümkün olanı əldə etmişik”: Bakıdan şərhlər
- Ermənistanda etiraz aksiyası, Qarabağ üzrə razılaşma, LİVE
Hazırkı vəziyyətdə yeganə xəbər Gürcüstan hava məkanının 2008-ci il avqust müharibəsindən sonra artıq 12 ildir ki, Rusiyanın hərbi təyyarələri üçün bağlı olması ilə əlaqədardır.
Məlumat Facebook istifadəçiləri Flightradar24 hava məkanı monitorinqi üçün əlavədəki Rusiya hərbi-nəqliyyat təyyarələrinin Gürcüstan üzərində uçduğunu sezəndən sonra sosial şəbəkədə yayılıb.
Jurnalistlər bundan sonra izahat üçün Gürcüstan hakimiyətinə müraciət edib, onlar Rusiya hərbi-nəqliyyat təyyarələrinin uçması barədə faktı təsdiqləyib.
Tbilisi hava məkanının açılmasına sülh prosesində iştirak kimi baxır.
Rusiya ilə əlaqələr üzrə baş nazirin xüsusi nümayəndəsi Zurab Abaşidzenin sözlərinə görə, hava məkanı Rusiya təyyarələri üçün təkcə razılaşmaya qol çəkən ölkələrin – Azərbaycan və Ermənistanın xahişi ilə “müstəsna olaraq” açılıb.
Onun dediyinə görə, bu, sülhməramlıların təyinat yerinə qısa müddət ərzində çata bilməsi üçün edilib. O, Dağlıq Qarabağda sülh şətaitinə riayət olunması üçün mühümdür.
“Azərbaycan və Ermənistanın sorğusu üzrə sülh razılaşmasına riayət məqsədilə rusiyalı sülhməramlıların bir hissəsi Gürcüstan hava məkanından istifadə edilməklə öncədən razılaşdırılmış müddətə münaqişə zonasına köçürüləcək. Bizim partnyorlarımız da bu barədə məlumatlandırılıb”, – Abaşidze bəyan edib.
_______________________________________________________________
Noyabrın 10-a keçən gecə Azərbaycan, Ermənistan və Rusiya arasında Qarabağda hərbi əməliyyatların dayandırılması barədə razılaşmaya qol çəkilib. Razılaşmada sərhəd ərazilərin Azərbaycana qaytarılması və azərbaycanlı qaçqınların qarabağa qaytarılması nəzərdə tutulub.
Sənədə əsasən, münaqişə tərəfləri 10 noyabr 2020-ci il Moskva vaxtı ilə 00:00-da bütün hərbi əməliyyatlara son qoymağı öhdəliklərinə götürüb.
Rusiya federasiyasının 1960 hərbi qulluqçu, 90 zitehli avtomobil, 380 ədəd texnika və xüsusi texnikadan ibarət sülhməramlı kontingenti Dağlıq Qarabağda təmas xətti və Laçın dəhlizi boyu yerləşdiriləcək.
