Gürcüstanda koronavirus riski yüksək olan ölkələrdən qayıdan əməkdaşları işə buraxmırlar
Gürcüstanın Xəstəliklərə Nəzarət Mərkəzinin sədri Amiran Qamkrelidze koronavirusla bağlı martın 4-ə olan vəziyyətin yekunlarını elan edib. Əsas baş verənlər:
• Xəstəliklərə Nəzarət Mərkəzi işverənlərə israrla tövsiyə edir ki, risk səviyyəsi yüksək olan ölkələrə səfər etmiş əməkdaşları 14 günlük təcrid rejimini keçmədən işə buraxmasınlar.
• Səhiyyə naziri özünütəcrid məqsədilə işə gedilməyən günlərin üzürlü səbəblə buraxılmış günlər kimi qəbul edilməsi və həmin günlərə görə əməkhaqqının ödənməsi haqda normativ akt qəbul edib.
• Xəstəliklərə Nəzarət Mərkəzi universitetləri onlayn-tədrisə keçməyə çağırır. Martın 2-dən 16-a qədər məktəblərdə və uşaq bağçalarında dərslər dayandırılıb.
• Koronavirus Gürcüstan iqtisadiyyatına zərbə vurur
• İctimai yerlərdə dezinfeksiya işləri aparılır.
• Bütün Gürcüstanda bütün teatrlar və kinoteatrlar proqramlarını təxirə salıb.
• Gürcüstan vətəndaşlarına xüsusi ehtiyac olmadığı müddətcə səfər etməmək tövsiyə olunur (xüsusən də virusun yayıldığı regionlara).
• Gürcüstanda koronavirusun epidemioloji vəziyyəti son üç gündə dəyişməyib. Üç koronavirusa yoluxma halı təsdiqlənib. Hər üç xəstə özünü yaxşı hiss edir. Fevralın əvvəlindən ümumilikdə koronavirus analizi üçün 239 nümunə götürülüb.
• Hazırda Luqar laboratoriyasından koronavirusa yoluxduğu güman edilən 24 pasiyentin analiz cavabları gözlənilir.
• Gürcüstanda 140 nəfər karantin altında saxlanılır, 300 nəfərə yaxın insan isə özünütəcrid rejimindədir.
