Gürcüstana səfər zamanı ən çox ABŞ və ərəb ölkələri vətəndaşları pul xərcləyir

Gürcüstanda turizm

2020-ci ilin martında koronavirus pandemiyasına görə sərhədləri tamam bağlayan Gürcüstan 2021-ci ilin mart-aprel aylarında yenidən səfərlər üçün qismən açılıb. İqtisadçıların dəyərləndirməsinə görə, bu müddət ərzində turizm sahəsinə böyük ziyan dəyib. Milli Turizm Agentliyinin dərc etdiyi 2019-cu ilin statistikası ilə müqayisədə də bunu görmək mümkündür.

Pandemiya başlamazdan əvvəlki son il bu sahə və ölkə büdcəsi üçün müstəsna olub.

2019-cu ildə Gürcüstana doqquz milyondan çox turist səfər edib, turistlərin iqtisadiyyata qatqısı ümumilikdə 3,2 milyard dollar təşkil edib.

2019-cu il statistikasının analizi əsasında Gürcüstana turist səfərləri zamanı ən çox amerikalılar pul xərcləyib: bir səfər zamanı orta hesabla 3 813 lari [1 100 dollara yaxın].

Bu göstərici üzrə amerikalıların ardınca Səudiyyə Ərəbistanı – 3 632 lari [1 000 dollara yaxın] və Böyük Britaniya – 2 453 lari [716 dollara yaxın] vətəndaşları gəlir.

• Dondurulmuş mövsüm. Pandemiya Gürcüstanın qış kurortlarına necə təsir edib?
• Gürcüstandan Rusiyaya əsas yol – Qafqazın “dar yeri”

Rusiyadan gələn turistlər siyahıda 16-cı yeri tutur – onların Gürcüstana bir səfər zamanı xərclərdikləri orta hesabla 1282 lari [370 dollara yaxın] təşkil edir.

Amma 2019-cu ildə ruiyalı turistlərin sayı amerikalılardan xeyli daha çox olub. Buna görə də Gürcüstan iqtisadiyyatına rusiyalıların qatqısı daha çox olub və 2,1 milyard lari [613 milyon dollara yaxın]

ABŞ-dan gələn qonaqlar Gürcüstan iqtisadiyyatına təxminən 10 dəfə az xeyir veriblər – 227 milyon lari [66,3 milyon dollara yaxın].

Gürcüstana bir turist səfəri zamanı xərclərin həcminə görə son üç yerdə Türkiyə (270 dollara yaxın), Ermənistan (170 dollara yaxın) və Azərbaycan (114 dollara yaxın) gəlir.

• 2015-ci ildə Gürcüstana ABŞ-dan 46 558; Səudiyyə Ərəbistanından 75 155, Birləşmiş Ərəb Əmirliklərindən 10 483; Böyük Britaniyadan 37 478; Rusiyadan 1 471 558 turist gəlib.
• 2020-ci ildə bütün dünyada yayılan pandemiyaya görə turistlərin kəskin azalması nəticəsində Gürcüstan iqtisadiyyatı 2,7 milyard dollar həcmində zərər çəkib.