Georgi Tsaqareli, Tbilisi

Tbilisi fotoqrafının Georgi Tsaqareli “Mənim sovet həyatımdan seriyası

Sovet dövründə Tbilisidə cəmi bir neçə marşrut taksisi xətti vardı. Onların rahatlığı ondaydı ki, trolleybus və avtobuslardan daha tez gedir və sərnişinlərin tələbi ilə saxlayırdılar – amma gediş qiyməti digər nəqliyyat növlərindən bir neçə dəfə baha idi. Həm də axırıncı dayanacaqlarda uzun növbə gözləməli olurdun.

Qiymət konkret idi və marşrutun uzunluğundan asılı olaraq şəhərlilər 30 və ya 40 qəpik ödəməli olurdular.

Sayını artıq xatırlamadığım bir marşrut taksisi Lenin Meydanından [indiki Azadlıq Meydanı] Kirov-İaşvili-Lermontov-Davitaşvili küçələriylə irəliləyir, sonra da Çonkadzedə dönüb, Vere rayonuna tərəf gedib, dağa qalxırdı.

Dostlarımdan biri orada, Çonkadze küçəsində qalırdı, Tbilisinin ən yuxarıda yerkləşən küçəsinə ayaqla qalxmağa ərindiyimdən bu marşrut taksisinin xidmətlərindən tez-tez istifadə edirdim. Qatarda gediş qiyməti 30 qəpik idi, amma pulun yoxuydusa və ya simicliyindən bu qədər pul ödəmək istəmirdinsə – sürücüyə 20 və hətta 10 qəpik vermək olardı, o da buna etiraz etmirdi.

Amma xırdan olmayıb, bir rubl verəndə də sürücü sənə 50 qəpik xırda qaytarırdı və bu zaman da artıq sən etiraz etmirdin.

Və bu da əsl, tbilisililərə məxsus münasibət idi.

Dərc edilib: 14.05.2016