Ermənistandan xəbərlər. Dağlıq Qarabağın yeni prezidenti vəzifəsinin başına keçib
Dağlıq Qarabağın yeni prezidenti vəzifəsinin başına keçib
Tanınmamış Dağlıq Qarabağ Respublikasının prezidenti seçilən Araik Harutunyanın inauqurasiyası mayın 21-də Şuşi şəhərində baş tutub. Mərasimdə Ermənistan rəhbərliyi də iştirak edib.
Mərasim Şuşi şəhərində, Mədəniyyət və Gənclər Mərkəzinin zalında keçirilib.
Araik Harutunyan konstitusiyanın tələblərinə qeyd-şərtsiz əməl edəcəyinə, insan və vətəndaş haqlarına və azadlıqlarına hörmətlə yanaşacağına dair and içib.
O, prezidentliyi dövründə Dağlıq Qarabağın suverenliyini, ərazi bütövlüyünü və təhlükəsizliyini təmin edəcəyinə söz verib.
- Dağlıq Qarabağda yeni prezident. Ondan nə gözləməli?
- Qarabağda koronavirus və siyasət. Seçki baş tutub. Nə etməli?
Martın 31-də Dağlıq Qarabağda həm prezident seçkiləri, həm də parlament seçkiləri baş tutub. O zaman Mərkəzi Seçki Komissiyasının məlumatına əsasən, prezident kürsüsünə 14 namizəddən heç biri qəti qələbə üçün gərəkli 50 faiz üstü səs toplaya bilməyib.
Aprelin 14-də seçkilərin ikinci turu baş tutub. Səs çoxluğu ilə Araik Harutunyan prezident seçilib.
Yeri gəlmişkən, yeni prezident əvvəlki həmkarlarından daha çox səlahiyyətə sahib olacaq. Məsələ burasındadır ki, 2017-ci ildə Qarabağda yeni konstitusiya qəbul olunub və ona əsasən, respublika yarı-prezident idarəçilik formasından prezident idarəçiliyinə keçib.
Parlament seçkilərinə gəlincə, bu seçkilərdə 12 partiya iştirak edib. Onlardan yeni parlamentə 1 blok və 4 partiya keçə bilib.
Seçici səslərinin çoxunu keçmiş baş nazir Araik Harutunyanın bloku qazanıb.
“Azad Vətən” / “Vahid Vətəndaş Alyansı” bloku 40,4 faiz səs toplayıb.
Parlamentdə Demokratik Partiya, “Vahid Vətən”, “Ədalət”, ERF “Daşnaksütun” siyasi qüvvələri təmsil olunub.
Mayıın 21-də həmçinin parlament sədri də seçilib. Bu, iqtidar fraksiyasını təmsil edən deputat Artur Tovmasyan olub.
Ermənilərin məskunlaşdığı Dağlıq Qarabağ Respublikası de-fakto respublika kimi mövcuddur, Ermənistan da daxil olmaqla dünyanın heç bir dövləti tərəfindən tanınmayıb.
1991-1994-cü illərdə Azərbaycanın Dağlıq Qarabağ Muxtar Vilayətinin və ətraf rayonların ərazisində müharibə gedib. Mühabirə atəşkəs sazişinin imzalanması ilə başa çatıb, amma atışmalar bugünə qədər vaxtaşırı davam edir. Münaqişənin hərbi fazasından sonra azərbaycanlılar Qarabağı tərk edib. Azərbaycan Dağlıq Qarabağı və ətraf əraziləri müharibə nəticəsində işğal olunmuş hesab edir və azad olunmasını tələb edir.
Münaqişənin nizamlanması ilə bağlı danışıqlar beynəlxalq vasitəçiliklə indiyə qədər davam edir. Sonuncu tammiqyaslı hərbi əməliyyatlar 2016-cı ilin aprelində “aprel müharibəsi” və ya “dörd günlük müharibə” zamanı baş verib. Nəticədə hər iki tərəfdən yüzdən çox insan həlak olub.
Məqalə mьəllifinin təklif etdiyi terminlər, toponimlər, fikir və ideyalar onun цzьnə məxsusdur, JAMnews-un və ya ayrэ-ayrэ əməkdaюlarэnэn fikir və ideyalarэ ilə ьst-ьstə dьєməyə bilər. JAMnews məqaləyə yazэlan təhqir, təhdid və ya zorakэlэрa зaрэrэю kimi dəyərləndirilə bilən, yaxud baєqa səbəbdən etik sayэlmayan єərhləri silmək haqqэnэ цzьndə saxlayэr.
Ermənistanın baş naziri: “Əgər biz koronavirusun yayılma tempini dəyişməsək, iyunun 12-də bizdə 20 min nəfər yoluxmuş olacaq”
Yoluxanların sayının kəskin artması ilə bağlı baş nazir Nikol Paşinyan Facebook səhifəsində canlı yayımda insanları, nəhayət, koronavirusa ciddi yanaşmağa çağırıb:
“Əgər biz bu tempi dayandırmasaq, mayın 29-da bizdə artıq 10 min, iyunun 12-də 20 min, iyunun sonunda isə 30 minə yaxın koronavirusa yoluxma halı olacaq. Bu isə ölüm hallarının çoxalması deməkdir, çünki reanimasiya şöbələri dolu olacaq və biz insanlara kömək edə bilməyəcəyik”.
Ermənistanda hər gün koronavirusa yoluxanların sayı yüzlərlə artır. Hələlik ən böyük rəqəm mayın 18-də qeydə alınb – 351 yoluxma halı.
Ermənistanda mayın 20-ə olan göstəricilər:
- Koronavirusa yeni yoluxma halları – 230,
- Ümumilikdə — 5 271,
- Sağalanlar — 2419 человек,
- Ölənlər — 67 .
Hadisələrin daha pis ssenari üzrə inkişafının qarşısını almaq üçün baş nazir vətəndaşları maska taxmağa, sosial məsafəni gözləməyə və əllərini dezinfeksiya etməyə çağırıb:
“Mən bu gün də küçələrdə heç nə olmayıbmış kimi ünsiyyətdə olan insanları görürəm… Biz ciddi tədbirlər görəcəyik, qayda pozucularını cərimə edəcəyik, çünki bu, milli təhlükəsizlik məsələsidir, qaydalara riayət olunması məsələsi”.
Əlamətsiz koronavirus xəstələrini sadəcə evlərində təcrid edəcəklər
Ermənistanda əlamətsiz koronavirus xəstələrini artıq xəstəxanaya yerləşdirməmək qərara alınıb.
Son günlərdə xəstələrin sayı kəskin şəkildə artıb və səhiyyə nazirinin əvvəl xəbərdarlıq etdiyi bu qərar məcburən qəbul edilib.
İndi test nəticələri müsbət çıxan, amma xəstəliyi yüngül formada və əlamətsiz davam edənləri xəstəxana və ya mehmanxanada təcrid etməyəcəklər. Artıq təcrid zonalarında olanları isə bir neçə gündən sonra evə göndərəcəklər. Bu haqda Ermənistanın səhiyyə naziri Arsen Torosyan Facebook səhifəsində yazıb.
Mayın 19-da bir sutka ərzində yoluxanların sayı 218 nəfər çoxalıb, ölkədə onların ümumi sayı 5041 nəfərə çatıb. Bir gün ərzində 145 nəfər sağalıb, ümumilikdə sağalanların sayı 2164 nəfərdir. Ümumilikdə 64 nəfərin həyatını xilas etmək mümkün olmayıb.
Fövqəladə vəziyyət rejimi iyunun 13-ə qədər uzadılıb, amma məhdudiyyətlərin böyük hissəsi aradan qaldırılıb. Demək olar ki, bütün müəssisələr işə başlayıb. Mayın 18-dən hətta Ermənistanda ən təhlükəli yoluxma mənbəyi hesab edilən ictimai nəqliyyatın hərəkəti də bərpa olunub. Hökumət məhdudiyyətləri yeni davranış qaydaları ilə əvəzləmək yolu ilə gedir. Məsələn, qapalı məkanlarda maska taxmaq artıq məcburi olub. Qaydanı pozanları cərimə gözləyir.
Yoluxanların səhhətinə ev şəraitində şəhər poliklinikalarının, kənd ambulatoriyalarının və sağlamlıq mərkəzlərinin həkimləri nəzarət edir.
Səhiyyə naziri Arsen Torosyanın sözlərinə görə, yoluxanların sayının artması “yataq və digər resurslardan səmərəli istifadə etmək nöqteyi nəzərindən əlamətsiz yoluxma hallarına qarşı strategiyanı dəyişməyə” vadar edir.
Ermənistanda koronavirusa yoluxanların sayı kəskin artır, eyni zamanda ictimai nəqliyyat işləyir, uşaq bağçaları açılır
Ermənistanda mayın 18-də koronavirusa yoluxanların sayı kəskin artması ilə yanaşı – 351 yeni yoluxma halı – ictimai nəqliyyat işləməyə başlayıb.
İctimai nəqliyyatın hərəkəti iki ay əvvəl – ölkədə fövqəladə vəziyyət elan ediləndən sonra dayandırılmışdı. Fövqəladə vəziyyət rejimi iyunun 13-ə qədər uzadılıb, amma nəqliyyat yenidən işə düşüb ki, insanlar işə gedib-gələ bilsinlər.
Hələ mayın 4-dən Ermənistanda fövqəladə vəziyyət dövründə bağlanan demək olar ki, bütün müəssisələrin işi bərpa olunub. İnsanlar işə piyada, taksi ilə, öz avtomobillərində və ya yolüstü maşınlarla getməli olurdular, çünki nəqliyyat virusun yayılması üçün ən təhlükəli ocaq hesab edilirdi.
Yoluxma riskinin minimuma endirilməsi üçün meriya indi sərt qaydalar tətbiq edir: bütün nəqlliyyat vasitələri ciddi şəkildə dezinfeksiya edilməlidir, bütün sərnişinlər isə maska taxmalıdır.
İşə qayıdanlara kömək olaraq mayın 20-dən uşaq bağçaları da açılacaq.
İndi Ermənistan hökuməti məhdudiyyətlərin minumuma endirilməsi və yeni davranış qaydalarının tətbiqi yolu ilə gedir. Məsələn, söhbət maska taxmaqdan gedir – mayın 18-dən bütün qapalı məkanlarda, mayın 25-dən isə hər yanda maska taxmaq məcburi olacaq.
Mayın 18-ə olan məlumata əsasən, ölkədə ümumilikdə 4823 virusa yoluxub. Son sutka ərzində 94 nəfər sağalıb, bir nəfər ölüb. Ümumilikdə 61 nəfərin həyatını xilas etmək mümkün olmayıb. 2718 nəfər müalicə olunur, 2019 nəfər sağalıb. Ümumilikdə 41850 nəfər testdən keçirilib.
