Bakı pabları xarici azarkeşlərə xidmət göstərməyə hazır deyil
“Bəzi şəhər pabları xarici azarkeş axınına xidmət göstərməyə hazır deyil. Onlar lazımi səviyyədə işləməyiblər. Bəzilərində pivə bitib. Ümid edirəm ki, Avropa Çempionatı zamanı bu məqamlar nəzərə alınacaq”, – Azərbaycan Futbol Federasiyaları Assosiasiyasının (AFFA) baş katibi Elxan Məmmədov deyib.
Söhbət Avropa Liqasının 2019-cu ilin mayında Bakıda keçirilən finalından gedir. Məmmədovun sözlərinə görə, bu tədbirlə əlaqədar olaraq şəhəri üç gün ərzində 38 min əcnəbi azarkeş ziyarət edib.
2020-ci ilin yayında Bakıda futbol üzrə Avropa Çempionatının dörd oyunu keçiriləcək və AFFA nümayəndəsi ümid edir ki, o zamana qədər pablar hazırlaşa biləcək.
•Bakı Avropa Liqasının finalına necə hazırlaşır?
•Bakıda futbol finalı ətrafında qalmaqal. Qərəzli şərh
