Bakıda bərbərxanalar açılıb, əyalətdə isə evdən icazəsiz çıxmaq olar

Mayın 4-dən Azərbaycanda karantin rejimi qismən yumşaldılıb.

Yumşalmalar əsasən əyalətləri əhatə edib: orada kafelər, restoranlar və parklar açılıb, ən əsası isə hərəkət məhdudiyyəti aradan qaldırılıb. Yəni insanlar artıq evdən çıxmaq üçün hakimiyyətdən sms-lə icazə almalı deyillər.

Bakı, Sumqayıt, Gəcə və Lənkəran kimi böyük şəhərlərdə hərkət məhdudiyyəti yenə də qüvvəsində qalır, kafe və restoranlar yenə də bağlıdır, əvəzində isə bərbərxanalar və gözəllik salonları işləməyə başlayıb, dövlət qurumlarının əməkdaşları da işlərinin başına qayıdıblar. Küçəyə çıxmaq üçün yenə də ya işdən arayış olmalı, ya da sms-lə icazə (gündə 3 saatlıq) almaq lazımdır.

• Azərbaycanın koronavirus üzərində parlaq qələbəsi: müəmmadırmı? Şərh
• Neft və koronavirus – Azərbaycan iqtisadiyyatının iki bəlası
• Koronavirusun öhdəsindən gəlmək nə deməkdir? Yoluxanlar və artıq sağalanlar nə danışır?

Bakı, Sumqayıt, Gəncə, Lənkəran və Abşeron yarımadasından giriş və çıxışa qoyulan qadağa da qüvvədə qalır.

Daha əvvəl, aprelin 27-də bütün ölkə ərazisində bütün mağazalar (ticarət mərkəzlərində yerləşənlərdən başqa), atelyelər və fotostudiyalar açılmışdı.

Karantin rejimi mayın 31-ə qədər davam etməlidir.

Mayın 4-ü səhər saatlarına olan rəsmi məlumata əsasən, Azərbaycanda 1932 COVID-19 virusuna yoluxma halı qeydə alınıb. 25 nəfər ölüb, 1441 nəfər artıq sağalıb.

Bakı metropoliteninin nə zaman işləyəcəyi hələlik məlum deyil, amma hakimiyyət bildirir ki, metroda mütləq maska taxmaq lazım olacaq.

Bərbərxanaları və gözəllik salonlarını açaraq hakimiyyət onların bundan sonra necə işləyəcəyinə dair qaydalar müəyyənləşdirib. Artıq qəbula onlayn yazılmaq, salonda maska və əlcək taxmaq lazımdır. Qalan məsələlərdə isə “yeni” qaydalar adi gigiyenik standartların tələbindən çox da fərqlənmir, hansılara ki, elə əvvəl də əməl olunmalı idi, məsələn, əllərin yuyulması və alətlərin dezinfeksiyası.

Bütün bunlar ictimai iaşə müəssisələinə də aiddir – maska taxmaqdan savayı, onlardan banal olaraq gigiyena qaydalarına əməl eləmək tələb olunur.

Sosial şəbəkələrdə yazılanları nəzərə alsaq, Bakı sakinləri əsasən bərbərxanaların açılmasını gözləyirmiş. Bəziləri artıq gedib saçını kəsdirib və təəssüratlarını bölüşüblər. Deyilənlərə görə, kişi salonlarında böyük növbələr toplanıb, maska taxan olmalıyıb, məsafə gözləyən də, müştərilər isə hər şeydən məmnun qalıblar, heç kim öz “ustasını” pis vəziyyətdə qoymaq istəmir. 

Baxmayaraq ki, Bakıda və ətraf ərazilərdə rəsmən ciddi karantin qüvvəsində qalır, küçələr insanlarla doludur. Kənar rayonlarda isə karantin qaydalarına praktiki olaraq heç kim nəzarət etmir.