Azərbaycan: ötən qışın əsas fotosunun tarixi

Azərbaycanın Dəlləkli kəndinin sakini maşın almaq qərarına gəlsə bu, çox güman ki, “Niva” olacaq. “Porsche” bura sadəcə qalxa bilməyəcək. Bu il qış da sərt keçdi, qar dizə çatırdı.

Kənddə məktəb var, amma burada ancaq 9-cu sinfə qədər oxuyurlar, 10 və 11-ci siniflərdə təhsilini davam etdirmək üçün isə artıq rayon mərkəzinə, Yardımlıya getmək lazımdır.

Məktəbə çatmaq üçün uşaqlar bir kilometrdən bir qədər az məsafəni qət etməli olurlar. Uzaq yol deyil, amma qarlı havada balacalar qarda batıb qaldıqları üçün, müəllim Nəcəf Məhərrəmov iş gününə şagirdlərini dərsə yola salmaqla başlayır.

Bu şəkli yerli Mədəniyyət Evinin işçisi Sakit Ziyadov adlı birisi çəkib. Foto internetə düşən kimi çox böyük populyarlıq qazandı, onu ötən və gözlənilməz qarlı qışın əsas fotosu hesab etmək olar.