Avropa İnsan Hüquqları məhkəməsi Xalid Bağırovun səbəbsiz yerə vəkillikdən kənarlaşdırıldığına qərar verib və Azərbaycan hökumətini 18 min avro cərimələyib. Xalid Bağırov məhkəməyə verdiyi şikayətdə bildirir ki, onu vəkillikdən kənarlaşdırmalarına səbəb, keçmiş siyasi məhbus İlqar Məmmədovun məhkəmədə hüququnu müdafiə etmək olub.
2015ci ildə Xalid Bağırov siyasi məhbus İlqar Məmmədovun hüquqlarının pozulmasıyla bağlı mətbuata verdiyi bəyənata görə, İlqar Məmmədovun işinə baxan hakim onu Vəkillər kollegiyaslna “məhkəmə sisteminin etibarını zədələmə” əsası ilə şikayət edib.
Xalid Bağırov 9 il vəkil işləyib. Onun əsas ixtisaslaşması siyasi məhbusların müdafiəsi olub. Buna görə də o, bu müddət ərzində 2 dəfə vəkillikdən qısamüddətli olaraq uzaqlaşdırılıb və vəkillər kollegiyasının üzvlüyündən çıxarılıb. O, 5 ilə yaxındır ki, vəkillik səlahiyyəindən məhrumdur.
Xalid Bağırov bildirir ki, o Azərbaycan hökumətinin onu vəkilliyə bərpasıyla bağlı qərarını gözləyir: “kompensasiya verilməsi mənim vəkilliyə bərpa olunmağıma mane deyil. Qərarda mənim vəkillər kollegiyasına bərpa olmağımla bağlı ciddi müddəalar var, gözləyirik ki, hökumət bun nə cavab verəcək”.
Ötən həftəsonu nə baş verib?
Azərbaycanda Amerika dollarının alınması qaydaları sərtləşdirilib. 500 dollardan artıq valyuta almaq üçün səbəb, təyinat və mübadilə edilən vəsaitin mənbəyi izah edilməlidir. Eyni qaydalar digər valyutalara da aiddir. Vətəndaşlar bunu hakimiyyətin onların hər addımını nəzarətdə saxlamaq cəhdi kimi qəbul edib. Bəzi iqtisadçılar isə hesab edir ki, tətbiq olunan yeni qayda qara bazarın çiçəklənməsinə səbəb olacaq.
Koronavirusa yoluxanların sayı record həddə çatıb, bir gündə 590 yoluxma qeydə alınıb.
İndi necə olacaq?
500 dollardan artıq valyuta almaq üçün səbəb, təyinat və yaxud mübadilə tələb edilməsini Mərkəzi Bank təkzib edib.
Covid-19 virusuna yoluxmuş vətəndaşların artıq evlərində də müalicəsinə başlanıb.