AZƏRBAYCANCA arrow icon
Bizi dəstəkləyin
Bizi dəstəkləyin
AZƏRBAYCANCA arrow icon
messenger vk-black email copy print
Arxiv-

Rusiya “Eurovision” müsabiqəsində çıxış etməyəcək və yayımı boykot edəcək

messenger vk-black email copy print

Rusiya 2017-ci ildə “Eurovision” müsabiqəsində iştirak edə bilməyəcək – bu haqda rəsmi qərarı musiqi festivalının təşkilatçısı, Avropa Yayım Birliyi qəbul edib.

“Eurovision” müsabiqəsinin finalı Kiyevdə mayın 13-də baş tutacaq. Problemlər Rusiya öz nümayəndəsi qismində müğənni Yuliya Samoylovanı seçəndə başladı, Ukrayna isə dərhal onun ölkəyə girişini üç il müddətinə bağladı, bunu da müğənninin 2015-ci ildə Krıma səfər etməsi ilə izah etdi.

Müğənni “Flame Is Burning” mahnısı ilə çıxış etməliydi.

Go to top

Ukrayna qanunvericiliyinə görə, yarımada “müvəqqəti işğal olunmuş ərazi” sayılır. Ukrayna hakimiyyəti Krıma başqa ölkələrdən girişi ancaq Kiyevdən xüsusi icazənin alınması şərtiylə icazə verir. Bu qaydanın pozulmasına görə, üç ilə qədər azadlıqdan məhrumetmə cəzası nəzərdə tutulur.

Avropa Yayım Birliyi öz bəyanatında bildirib ki, Samoylovanın girişinə qadağadan sonra Rusiyaya iki variant təklif olundu: müsabiqədə distansiyadan iştirak etmək və ya başqa namizəd seçmək.

Hər iki təklif rədd edildi. Həm də Rusiyanın əsas teleşirkəti olan “Birinci kanal” bildirdi ki, ümumiyyətlə müsabiqəni yayımlamayacaq.

Rusiyanın Xarici İşlər Nazirliyi Samoylovanın ölkəyə giriş qadağasını “insanlıqdan kənar akt” adlandırdı.

Bu qadağanı “Eurovision” təşkilatçıları da pislədi. Avropa Yayım Birliyinin müşahidə şurasının sədri Frank-Diter Freylinq deyib ki, “bu, müsabiqənin qeyri-siyasi xarakterinə və missiyasına vurulan zərbədir”.

“Biz çox istərdik ki, 43 ölkənin hamısı iştirak edə bilsin və bu məqsədə nail olmaq üçün əllərindən gələni etsinlər”, – Avropa Yayım Birliyinin bəyanatında deyilir.

Ən Populyar

Xəbərlər

Multimedia