#NBAVOTE Zaza Pachulia
#NBAVOTE Zaza Pachulia – Gürcüstanın sosial şəbəkələrindəki bu hashtag trendə çevrilib. Artıq ikinci ildir ki, sosial şəbəkələrin gürcü istifadəçiləri bu hashtagsiz heç nə yazmır. Onlar bu yolla NBA-nın səsverməsində iştirak edərək, basketbol üzrə milli yığmanın kapitanı və “Golden State Warriors”un oyunçusu olan Zaza Paçuliyanın NBA-nın bütün ulduzlarının oyununda iştirakını təmin etmək istəyirlər.
NBA-nın bütün ulduzlarının oyunu hər il keçirilir, bu oyunda dünyada ən güclü liqanın ən yaxşı oyunçuları iştirak edir. Bu, basketbol həyatında ən vacib oyun və azarkeşlər üçün əsl bayramdır – onlar unudulmaz şouya şahid olurlar. Oyun iştirakçılarının özləri üçün isə bu, son dərəcədə prestijlidir.
Oyun iştirakçılarının əsas tərkibini azarkeşlər seçir. Bunun üçün sosial şəbəkələrdə #NBAVote yazıb, oyunda görmək istədiyin basketbolçunun soyadını əlavə etmək lazımdır. Status public olmalı və hər bir istifadəçi “öz” oyunçusunun adını 24 saat ərzində bir dəfə paylaşmalıdır. Səsvermə prosedurunun özü dekabrın 25-də başlayıb və yanvarın 16-da bitəcək. Yanvarın 19-da səsvermənin nəticələri elan ediləcək.
Gürcü azarkeşləri elə böyük fəallıq göstəriblər ki, onların bu fəallığı NBA-da – Milli Basketbol Assosiasiyasında kəskin müzakirə mövzusuna çevrilib.
Basketbol dünyasında gürcü idmançısının pərəstişkarlarının sayı heyrətə səbəb olub, axı NBA-da daha güclü oyunçular az deyil.
Ötən il Zaza Paçuliyaya bütün ulduzların oyununda iştirak etmək üçün cəmi 15 min səs çatmamışdı. Bu il onun şansı daha çoxdur.
İlk baxışdan Zaza astagəl, çevikliyi ilə fərqlənməyən, xüsusi fiziki bacarıqları olmayan basketbolçudur. Qəşəng slam dunk etmək iqtidarında deyil, hücumda xüsusi olaraq fərqlənməyib. Statistikası da çox elə yaxşı deyil – oyun ərzində orta hesabla 5.6 xal və 5.7 topa sahib olma toplayıb.
Bütün bunlara baxmayaraq, Zaza səsvermədə liderdir ki, bu da hər sutka ona səs verməyi unutmayan gürcü azarkeşlərinin sayəsində mümkün olub. Bu, Amerika mətbuatında əməlli-başlı qıcıq yaradıb: Paçuliyanın xeyrinə yığılan gözlənilməz çox sayda səs bəzilərinin etirazına, digərlərinin isə Zaza və ölkəsinin ünvanına rişxənd səsləndirməsinə səbəb olub.
Bununla belə, vəziyyəti layiqincə qiymətləndirən və gürcü basketbolçusunun dəstəklənməsi kampaniyasına qoşulanlar da tapılıb. Misal üçün, məşhur amerikalı reper Wyclef Jean Zazanı internetdə yerləşdirdiyi mahnı ilə dəstəkləyib.
https://youtu.be/WhdQmpqVO7w
Sosial şəbəkələrdə də baş verənlər çoxsaylı zarafatlara əsas verib:
Hillary should’ve got Zaza Pachulia to run her Presidential campaign. Sad! #NBAVote
— Hinkie’s Orchard ???? (@FrancisOKC) January 5, 2017
If this tweet gets 10k retweets, I’ll name my first kid Zaza Pachulia, boy or girl. #NBAVote
— keanu (@kph_15) January 13, 2017
Bu tweet 10000 retweet toplasa, birinci övladımın, fərqi yoxdur qız olacaq ya oğlan – adını “Zaza Paçuliya” qoyacam
İnsanları təəccübləndirən odur ki, balaca bir ölkə milli yığmanın kapitanı ətrafında necə toplaşa və xidmətlərini kütləvi səsvermə ilə qiymətləndirə bilib:
Maaaan, I just need to find someone to love and support me like Zaza Pachulia’s country loves him
— Johnny Cage (@WhiteCoatShawty) January 5, 2017
Mən də Zaza Paçuliyanı ölkəsi sevdiyi və dəstəklədiyi qədər sevən və dəstəkləyən birini tapmaq istərdim.
Naməlum bir ölkədən, gülməli tələffüzü olan Zaza çoxları üçün müsbət personaj və nümunəyə çevrilib.
NBA-da oynayan fransalı basketbolçu, Zazanın rəqibi Rudi Qober özünün Twitter səhifəsində yazıb ki, Zazanın azarkeşlərini görəndən sonra ciddi-ciddi vətəndaşlığını dəyişmək barədə düşünür:
Seriously thinking about changing nationality ????????/ Je pense sérieusement à changer de nationalité ???????? #countrysupport
— Rudy Gobert (@rudygobert27) January 12, 2017
Gürcüstan bunu Zaza üçün edə bilirsə, niyə basketbolu dəli kimi sevən filippinlilər eyni şeyi JC üçün edə bilmir?
Çoxları indiyə qədər anlaya bilmir, Zaza haradandır – Amerikanın Corciya ştatından, yoxsa Avropadakı kiçik ölkədən. Bəziləri isə gürcü basketbolçunun rus olduğunu düşünür və ətrafında yaranan ajiotajı rus hakerlərinin hücumu ilə əlaqələndirir.
Zazanın bu qədər səsi hardandır? Anlamıram, onun pərəstişkarları kimlərdir. Gürcülər. (Corciyalılar). A, hə, haqlısan. Yadımdan çıxıb ki, Zaza Corciyada, “Atlanta”da oynayırdı.
İndi, bu cür ajiotajdan sonra Amerikada Zaza Paçuliyanın kim olduğunu yaxşı bilirlər və ən əsası da bilirlər ki, “Corciya” təkcə Amerikanın ştatı deyil, həm də Avropa ölkələrindən birinin adıdır.
Biz də milli yığmanın kapitanını bütün ulduzların oyununda görmək istəyiriksə ərinmədən həm Facebook, həm Twitter, həm Google və s. yerlərdə ona səs verməyə davam etməliyik. Bu zaman 24 saatlıq intervalı da unutmamalıyıq.
