Կորոնավիրուս, նորություններ։ Ադրբեջանում հերթական մահը, Վրաստանում բեռնատարների վարորդներն են հիվանդացել, Հայաստանում 335 նոր դեպք է արձանագրվել

Չեչնիայի նախագահ Ռամզան Կադիրովը Մոսկայում է՝ բժիշկների հսկողության տակ, բժիշկները կասկածում են, թե նա կորոնավիրուս է վարակվել։ Այս մասին հաղորդում է Նովայա գազետան՝ վկայակոչելով «Ինտերֆաքս» գործակալության և Baza Տելեգրամ–ալիքի տվյալները։

«Չեչնիայի ղեկավարի թոքերը 70%–ով վնասված են, անանուն կերպով պատմում են բժիշկները։ Մոսկվայի Կենտրոնական կլինիկական հիվանդանոցի հատուկ բաժանմունքում չտեսնված իրարանցում է, ուր տեղափոխում են կորոնավիրուսով վարակված «ամենակարևորներին»։ Այն պաշտոնյաներին, ում հնարավոր է դուրս գրել, շտապում են դուրս գրել, մյուսներին տեղափոխում են այլ հիվանդասենյակներ, որպեսզի մեծ «փակ» տարածք բացեն ինչ–որ սուպերհերոսի համար։ Ուժեղացված է անվտանգության ծառայությունը, ամեն ինչ տեղի է ունենում մեծ գաղտնիության պայմաններում», — գրում է ՖերտանգաORG Տելեգրամ–ալիքը։

• Ավելի վաղ՝ հինգշաբթի, «ՄԲԽ մեդիա» պարբերականը հայտնաբերել էր, որ VQ-BVQ պետհամարանիշներով ինքնաթիռը, որը կապում են Չեչնիայի ղեկավարի հետ, Մոսկվա է մեկնել և ցերեկը վայրէջք է կատարել «Վնուկովո» օդանաակայանում

Մահերի թիվը հասել է 44-ի:

Վարակվածների ընդհանուր թիվը 3,749 է։

2,340 մարդ առողջացել է և դուրս գրվել հիվանդանոցներից:

Կորոնավիրուսի դեմ պայքարը Ադրբեջանում 

Կարանտինը Ադրբեջանում կշարունակվի մինչև մայիսի 31-ը, թեև շատ սահմանափակումներ արդեն չեղարկվել են։

Մարդիկ կարող են ազատ տեղաշարժվել իրենց բնակավայրի սահմաններում, արդեն թույլատրվել է բիզնեսի բոլոր տեսակների աշխատանքը, սկսել են գործել վարսավիրանոցնեը, թանգարաններն ու այգիները։

Բաց են բոլոր կաֆեներն ու ռեստորաններն, բայց միայն ժամը 8:00-ից մինչև 18:00։

Աշխատում են բոլոր խանութները, բացի մեծ առևտրական կենտրոններից։ Բաքվում աշխատում է հանրային տրանսպորտը, այդ թվում մետրոն։ Շրջաններում չեղարկվել են տեղաշարժի բոլոր սահմանափակումները, բացվել են սրճարանները, ռեստորաններն ու այգիները։

Դեռևս փակ են Բաքվի, Սումգայիթի, Գյանջայի, Լենքորանի և Ապշերոնյան թերակղզու մուտքն ու ելքը։ Դեռ չի վերականգնվել ավիահաղորդակցությունը, փակ են սահմանները։ Արգելված են բոլոր մասսայական միջոցառումները, այդ թվում հարսանիքներ ու հոգեհացի արարողությունները։

Փակ են մարզասրահները, ուսումնական հաստատությունները և մանկապարտեզները։

Այս դատողությունները Կորոնավիրուսի հարցերով տեղեկատվական կենտրոնի ղեկավար Ալեքսանդր Մյասնիկովն արել է «Սոլովյով LIVE» youtube-ալիքի եթերում։

«Պետք չէ ամեն ախտանիշի դեպքում հենց կորոնավիրուս կասկածել։ Անգամ եթե կորոնավիրուս է՝ ի՞նչ կա որ։ Դե, իհարկե, պետք է թեստ հանձնել, որպեսզի ուրիշներին չվարակես։ Բայց դուք հասկանում եք, որ սա պատրանք է:

Դուք պարզապես ապրում եք: Վիրուսը մեկ է իրենն անելու է։ Մենք բոլորս կհիվանդանանք: Ով որ պետք է մահանա, կմահանա », — կարծում է Մյասնիկովը:

335 նոր դեպք մեկ օրում։ Ընդհանուր առմամբ, վարակվել է 5 606 մարդ։ 2 581 պացիետն առողջացել է և դուրս գրվել հիվանդանոցներից։

Կորոնվիրուսի դեմ պայքարը Հայաստանում

Արտակարգ դրությունը Հայաստանում կշարունակի գործել մինչև հունիսի 13-ը:

Բայց մայիսի 4-ից արդեն չեղարկվել է մարդկանց տեղաշարժի սահմանափակումը, սկսել են աշխատել գրեթե բոլոր տնտեսվարողները, բացվել են ձեռնարկություններից շատերը, խանութները, վարսավիրանոցները:

Մայիսի 18-ից սկսել է գործել հանրային տրանսպորտը։ Այն անընդմեջ մանրակրկիտ ախտահանվելու է: Բոլոր ուղևորները պետք է օգտվեն տրասպորտից պաշտպանիչ դիմակներով:

Կորոնավիրուսի դեմ պայքարի գերարդյունավետ միջոցը անհատական պատասխանատվությունն է — Հայաստանի վարչապետ

8 նոր դեպք Վրաստանում, ընդհանուր՝ 721։

Նրանցից ապաքինվել է 485 մարդ, 12–ը մահացել է։

Նոր դեպքերից երկուսը գրանցվել է բեռնատար մեքենաների վարորդների մոտ։ Այդ պատճառով էլ Վրաստանում որոշում է ընդունվել թեստավորել բոլոր վարորդներին, որոնք ինչ–որ ժամանակ անցկացնում են երկրի տարածքում։ Այն վարորդները, որոնք առանց կանգառների տարանցիկ երթուղով անցնում են, չեն թեստավորվի։

«Այս միջոցն անհրաժեշտ է, որովհետև Վրաստանը շրջապատված է երկրներով, որտեղ դեռևս անբարենպաստ համաճարակային իրավիճակ է՝ Ռուսաստան, Հայաստան, Ադրբեջան և Թուրքիա», – ասել է Հիվանդությունների վերահսկման ազգային կենտրոնի նախագահ Ամիրան Գամկրելիձեն։

Թեստավորման թիրախային խմբում կներառվեն նաև դեղագործներն ու ատամնաբույժները։

Թբիլիսին դուրս է գալիս կարանտինից

Հյուսիսային Օսիայի առողջապահության նախարար Թամերլան Գոգիչաևը տեսանյութ է հրապարակել, որում հաստատել է, որ վարակվել է կորոնավիրուսով։ Նա տանն ինքնամեկուսացված է։

Գոգիչաևը դիմել է հանրապետության բնակիչներին և խնդրել զգույշ լինել, խուսափել հասարակական վայրերից և օգտագործել անհատական պաշտպանության միջոցներ։

Ըստ պաշտոնական վիճակագրության՝ Հյուսիսային Օսիայում կորոնավիրուսով վարակված է 2 387 մարդ, մահացել է 22–ն, ապաքինվել՝ 1 164 մարդ։

Ընդհանուր առմամբ, Ադրբեջանում համաճարակի ընթացքում մահացել է 43 մարդ:

Վարակվել է 3 631 մարդ: 2 253 պացինետ առողջացել և դուրս է գրվել հիվանդանոցներից:

Կորոնավիրուսի դեմ պայքարը Ադրբեջանում

Ադրբեջանում կարանտինը կշարունակվի մինչև մայիսի 31-ը, թեև շատ սահմանափակումներ արդեն չեղարկվել են։

Մարդիկ կարող են ազատ տեղաշարժվել իրենց բնակավայրի սահմաններում, արդեն թույլատրվել է բիզնեսի բոլոր տեսակների աշխատանքը, սկսել են գործել վարսավիրանոցնեը, թանգարաններն ու այգիները։

Բաց են բոլոր կաֆեներն ու ռեստորաններն, բայց միայն ժամը 8:00-ից մինչև 18:00։

Աշխատում են բոլոր խանութները, բացի մեծ առևտրական կենտրոններից։ Բաքվում աշխատում է հանրային տրանսպորտը, այդ թվում մետրոն։ Շրջաններում չեղարկվել են տեղաշարժի բոլոր սահմանափակումները, բացվել են սրճարանները, ռեստորաններն ու այգիները։

Դեռևս փակ են Բաքվի, Սումգայիթի, Գյանջայի, Լենքորանի և Ապշերոնյան թերակղզու մուտքն ու ելքը։ Դեռ չի վերականգնվել ավիահաղորդակցությունը, փակ են սահմանները։ Արգելված են բոլոր մասսայական միջոցառումները, այդ թվում հարսանիքներն ու հոգեհացի արարողությունները։

Փակ են մարզասրահները, ուսումնական հաստատությունները և մանկապարտեզները։

• Ադրբեջանում սկսվել է կորոնավիրուսով վարակման երկրորդ ալիքը, սակայն դա գրեթե չի քննարկվում

Հայաստանում մեկ օրվա ընթացքում գրանցվել է ևս երեք մահ, հաստատվել է 230 նոր դեպք:

Ընդհանուր առմամբ, համաճարակի սկսվելուց ի վեր 67 մարդ է մահացել:

Վարակվել է 5 271 մարդ: 2 419-ը ապաքինվել և դուրս են գրվել հիվանդանոցներից:

Կորոնվիրուսի դեմ պայքարը Հայաստանում

Արտակարգ դրությունը Հայաստանում կշարունակի գործել մինչև հունիսի 14-ը:

Բայց մայիսի 4-ից արդեն չեղարկվել է մարդկանց տեղաշարժի սահմանափակումը, սկսել են աշխատել գրեթե բոլոր տնտեսվարողները, բացվել են ձեռնարկություններից շատերը, խանութները, վարսավիրանոցները:

Մայիսի 18-ից սկսել է գործել հանրային տրանսպորտը։ Այն անընդմեջ մանրակրկիտ ախտահանվելու է: Բոլոր ուղևորները պետք է օգտվեն տրասպորտից պաշտպանիչ դիմակներով:

Երևանը վերադառնում է իր բնականոն կյանքին, չնայած կորոնավիրուսով վարակվածների թվի աճին։ Տեսանյութ

Ընդհանուր առմամբ, Վրաստանում համաճարակի սկսվելուց ի վեր գրանցվել է 713 դեպք:

Վարակվածներից 475-ն առողջացել է, 12 պացիենտ մահացել է:

Նոր դեպքերի թվում է նաև այն հիվանդը, որը կորոնավիրուսից բուժում է ստացել Սաչխերե քաղաքի հիվանդանոցում և դուրս գրվել: Սակայն նրա մոտ կրկին կորոնավիրուսի ախտանիշներ են նկատվել, և թեստը նորից է հաստատել հիվանդությունը:

«Հիվանդությունների վերահսկման ազգային կենտրոնի» փոխտնօրեն Պաատա Իմնաձեն ասում է, որ Վրաստանում սա առաջին նման դեպքն է, սակայն աշխարհում արդեն հաստատվել է կրկնակի վարակման 150 դեպք:

Արտակարգ դրությունը Վրաստանում

Հայտարարվել է մարտի 21–ին, կտևի մինչև մայիսի 22–ը։ Սակայն շատ սահմանափակումներ արդեն չեղարկվել են։

Մայիսի 11-ից բացվել են բոլոր խանութները, բացառությամբ հագուստի և կոշկեղենի, փակ են նաև մեծ առևտրի կենտրոնները։

Բիզնեսի մեծ մասը վերսկսել է աշխատանքը։

Դեռ չի աշխատում հանրային տրանսպորտը, գործում է պարետային ժամ 21:00–ից մինչև 06:00–ն։

• Վրաստանի ընդդիմադիր կուսակցությունը պահանջում է չեղարկել պարետային ժամը սահմանադրական դատարանում

Նախագահ Պուտինի որոշմամբ Դաղստան են ուղարկվել զինվորական և քաղաքացիական մասնագետների ջոկատներ, որոնք կանցկացնեն զանգվածային ախտահանում հանրապետության բոլոր օբյեկտներում: Նաև հայտարարվել է, որ նրանք Դաղստանում կկառուցեն առնվազն 200 տեղանոց նոր բժշկական կենտրոն:

Ծանր վիճակում վերակենդանացման բաժնում է Հյուսիսային Կովկասի մահմեդականների համակարգող կենտրոնի ղեկավար, Կարաչայ-Չերքեզիայի մուֆթի Իսմայիլ Բերդիևը:

Պաշտոնական տեղեկություններով՝ Դաղստանում արձանագրվել է կորոնավիրուսի 3553 դեպք, վարակվածներից 32-ը մահացել են:

Համաճարակի մեկնարկից ի վեր ավելի քան 700 մարդ է մահացել թոքաբորբից, և այդ ախտորոշմամբ գրեթե 15 հազար մարդ է գտնվում հիվանդանոցներում։

•Կորոնավիրուսի տարօրինակ վիճակագրություն Ռուսաստանում․ շատ լավ բժշկությո՞ւն, թե՞ Պուտինն ուզում է իշխանության մնալ

https://youtu.be/E-uZsUvjpPg

• Կովկասում կորոնավիրուսի համաճարակի վերաբերյալ նախորդ օրերի տեղեկատվությունը