Կորոնավիրուսը Կովկասում: ապրիլի 23-24ը 2020
Live
-
Ապրիլի 27–ից Վրաստանում աստիճանաբար կսկսեն չեղարկել կարանտինի սահմանափակումները
-
Ադրբեջանում ևս մեկ մահ է գրանցվել, ապրիլի 27–ից կբացվեն խանութները
-
Եվս երեք մահ Հայաստանում, 73 նոր դեպք
-
11 նոր դեպք վրաստանում, աճում է վարակվածների թիվը Թերջոլի շրջանի գյուղում
-
30 նոր դեպք Ադրբեջանում, ընդհանուր՝ 1,512
-
50 նոր դեպք Հայաստանում, ընդհանուր առմամբ՝ 1,523
-
9 նոր դեպք Վրաստանում, մեկուսացվել է Արևմտյան Վրաստանի գյուղերից մեկը
-
Կովկասում կորոնավիրուսի համաճարակի վերաբերյալ նախորդ օրերի տեղեկատվությունը
-
Ապրիլի 27–ից Վրաստանում աստիճանաբար կսկսեն չեղարկել կարանտինի սահմանափակումները
Ապրիլի 27–ից Վրաստանում կսկսեն գործել տաքսիներն ու հնարավոր կլինի օգտվել մասնավոր մեքենաներից։
Աշխատանքը կվերսկսեն ագրարային շուկաները։
Կթույլատրվի առցանց վաճառքը։
Հակաճգնաժամային պլանի շրջանակում վեց ամսվա ընթացքում աշխատանքը կորցրած քաղաքացիները կստանան ամսական 200 լարի [մոտ $70], սոցիալապես անապահովները, բազմազավակ ընտանիքները, հաշմանդամներն՝ ամսական 100 լարի [մոտ $40]։
-
Ադրբեջանում ևս մեկ մահ է գրանցվել, ապրիլի 27–ից կբացվեն խանութները
Մահացել է 85-ամյա հիվանդը, որը քրոնիկ հիվանդություններ ուներ։
Ընդհանուր առմամբ, համաճարակի մեկնարկից ի վեր Ադրբեջանում մահացել է 21 հիվանդ, վարակվել՝ 1,592–ը, նրանցից 1,013–ն ապաքինվել են։
Ապրիլի 27–ից Ադրբեջանում կբացվեն գրեթե բոլոր խանութները, որոնք այժմ փակ են կարանտինի ռեժիմի պատճառով՝ բացառությամբ առևտրի կենտրոններում տեղակայվածների։ Կթույլատրվի նաև կրկնուսույցների աշխատանքը։
Սա կարանտինային ռեժիմից դուրս գալու առաջին փուլն է, որն ավարտվում է մայիսի 4–ին։
Ըստ Ադրբեջանում Առողջապահության համաշխարհային կազմակերպության ներկայացուցիչ Հանդե Հարմանջիի՝ վարակման դեպքերի աճի, այնուհետև նվազման ցուցանիշները կարող են վկայել այն մասին, որ գագաթնակետը հաղթահարվել է։
-
Եվս երեք մահ Հայաստանում, 73 նոր դեպք
Ընդհանուր առմամբ, համաճարակի մեկնարկից ի վեր արդեն մահացել է 27 մարդ, վարակվել՝ 1,596–ը։
Ապաքինվել է 728 մարդ։
Ընդհանուր առմամբ, երկրում անցկացվել է 16,551 թեստ։
-
11 նոր դեպք վրաստանում, աճում է վարակվածների թիվը Թերջոլի շրջանի գյուղում
Արդեն 12 դեպք է գրանցվել Արևմտյան Վրաստանի Թերջոլի շրջանի Գվանքիթի գյուղում։
Ապրիլի 23–ի երեկոյից այնտեղ լիակատար կարանտին է հայտարարվել։ Գյուղում 705 ընտանիք է բնակվում։
Գյուղի բնակչությունը ջերմաչափվում է։
• Վրաստանը և կորոնավիրուսը․ հաջողո՞ւթյուն, թե՞ բախտ
-
30 նոր դեպք Ադրբեջանում, ընդհանուր՝ 1,512
Համաճարակի մեկնարկից ի վեր 20 մարդ է մահացել։
Ապաքինվել է 947 մարդ։
• Ի՞նչ տեսք ունի քաղաքը, որն, ըստ պաշտոնական վարկածի, գրեթե հաղթահարել է կորոնավիրուսը
-
50 նոր դեպք Հայաստանում, ընդհանուր առմամբ՝ 1,523
659 մարդ ապաքինվել է, 24–ը՝ մահացել։
Ըստ պաշտոնական տեղեկությունների՝ 10 մարդ ծայրահեղ ծանր վիճակում է։
Առողջապահության նախարարի խոսքով՝ Հայաստանում դեռևս բավականաչափ տեղեր կան հիվանդանոցներում։
• Հայաստան․ ինչպե՞ս է անդրադառնալու արտակարգ դրությունը տնտեսության վրա, որքա՞ն կտուժի բիզնեսը կորոնավիրուսից
-
9 նոր դեպք Վրաստանում, մեկուսացվել է Արևմտյան Վրաստանի գյուղերից մեկը
Ընդհանուր առմամբ, Վրաստանում համաճարակի մեկնարկից ի վեր 420 մարդ է վարակվել։ Նրանցից 107–ն ապաքինվել է, 5–ը՝ մահացել։
Չորս նոր դեպք Թերջոլի շրջանի (Արևմտյան Վրաստան) Գվանքիթի գյուղում, բոլոր վարակվածները մեկ ընտանիքի անդամ են։ Ընդհանուր առմամբ, Գվանքիթիում 10 վարակված կա, բարձր համաճարակային ռիսկի պատճառով գյուղը մեկուսացվել է։
Վերջին օրերի իրադարձությունները
Կարանտինի պատճառով փակ է տղամարդկանց մենաստանը Մարտկոպի գյուղում (Թբիլիսիի մուտքի մոտ) այն բանից հետո, երբ կորոնավիրուս է հաստատվել տեղի բնակիչներից մեկի մոտ, որը վանքում խոստովանության է եղել։ Ութ հոգևորականներ ինքնամեկուսացման մեջ են։
Տեղի իշխանություններն ասում են, որ անհրաժետության դեպքում կարանտինային միջոցները խստացվելու են։
Կորոնավիրուսի տարածման պատճառով փակ է նաև Ցխնեթի ավանի (Թբիլիսիի մուտքի մոտ) եկեղեցին, այնտեղ նույնպես տեղի բնակիչներից մեկի մոտ կորոնավիրուս է ախտորոշվել խոստովանությունից հետո։
Ամենավատ իրավիճակը Բոլնիսի շրջանում է, այնտեղ 54 վարակված կա։ Նրանցից շատերը տեղի շտապօգնության բաժանմունքի աշխատակիցներ են։ Այն նույնպես փակ է։
Փակ է նաև Բոլնիսի Սիոնի տաճարը, այնտեղ կորոնավիրուս է հաստատվել քահանաներից մեկի մոտ։
Բոլնիսն ու հարևան Մառնեուլին խիստ կարանտինի մեջ են մարտի 25–ից կորոնավիրուսի ներքին բռնկման սպառնալիքի պատճառով։
• Վրաստանը և կորոնավիրուսը․ հաջողո՞ւթյուն, թե՞ բախտ
-
Կովկասում կորոնավիրուսի համաճարակի վերաբերյալ նախորդ օրերի տեղեկատվությունը
