Քրեական հանցագործությունների վիճակագրության վերաբերյալ պաշտոնական զեկույցի համաձայն՝ 2023 թվականի առաջին 5 ամիսներին Վրաստանում սեռական բռնության զոհ է ճանաչվել 75 անչափահաս։
Բացի այդ, նույն ժամանակահատվածում տուժողի կարգավիճակ է տրվել 633 անչափահասի, ամենից հաճախ ընտանեկան բռնության են ենթարկվել դեռահասները։ Ընդհանուր առմամբ ընտանեկան բռնության 269 դեպքի առթիվ հարուցվել է քրեական գործ։
Հունվար ամսվա վիճակագրության համաձայն՝ գրանցվել է 16 տարեկանից փոքր անձի հետ անմիջական սեռական հարաբերության կամ սեռական բնույթի այլ գործողությունների 7 դեպք, սեռական ոտնձգության՝ 4, բռնաբարության՝ 2 և անպարկեշտ գործողությունների՝ 1 դեպք։
Փետրվարին անչափահասները տուժող են ճանաչվել 16 դեպքով։
Մարտին անչափահասները սեռական անձեռնմխելիության դեմ ուղղված հանցագործությունների զոհ են ճանաչվել 16 դեպքով։
Ապրիլին անչափահասները տուժող են ճանաչվել 17 դեպքով։
Մայիսին արձանագրվել է 16 տարին չլրացած անձի հետ սեռական հարաբերությունների կամ սեռական բնույթի այլ գործողությունների 5 դեպք։
Անչափահասի նկատմամբ բռնության վերջին աղմկահարույց դեպքը տեղի է ունեցել Բաթումիում։ Բաթումիի քաղաքային դատարանը ազատազրկման է դատապարտել տղամարդու, ով մեղադրվում է իր 13-ամյա երեխային բռնաբարելու մեջ։
Հուլիսի 12-ին բերման է ենթարկվել մոտ 40 տարեկան տղամարդ։ Նրան մեղադրանք է առաջադրվել Քրեական օրենսգրքի 137-րդ հոդվածի ենթակետերով (ընտանիքի անչափահաս անդամի բռնաբարություն), նախատեսված է պատիժ՝ ազատազրկում 15-20 տարի ժամկետով։
Իրավապաշտպան և «Սապարի» («Ապաստարան») ՀԿ-ի գործադիր տնօրեն Բայա Պատարայան ասում է, որ իր ղեկավարած կազմակերպությանը հայտնի են մանկապղծության բազմաթիվ դեպքեր:
