Վրաստանի հիմնական խնդիրները՝ գործազրկություն, գնաճ, աղքատություն. Edison Research

Edison Research-ի նոր հետազոտության համաձայն՝ Վրաստանի բնակչության 47%-ը կարծում է, որ այս պահին երկրի ամենակարևոր խնդիրը գործազրկություննէ, 45%-ը մատնանշում է գնաճը, իսկ 43%-ը՝ աղքատությունը։

Ամենակարևոր խնդիրը

Հարցին, թե հարցվածները ո՞ր խնդիրներն են համարում այս պահին Վրաստանի համար ամենակարևորը, պատասխանել են հետևյալ կերպ՝

• գործազրկություն – 47%
• գնաճ – 45%
• աղքատություն – 43%
• օկուպացված տարածքներ – 25%
• արտագաղթ – 19%
• կրթություն – 18%
• թմրամիջոցների ապօրինի օգտագործում/տարածում – 15%
• առողջապահություն – 13%
• ռուսների միգրացիան Վրաստան- 13%
• պատերազմ Ուկրաինայում – 8%
• եվրաինտեգրում – 8%
• կոռուպցիա – 8%
• հանցավորություն – 7%
• բնապահպանական խնդիրներ – 3%։

86%-ը կողմ է Եվրամիությանն անդամակցելուն

Հարցման համաձայն՝ բնակչության 86%-ը կողմ է Վրաստանի անդամակցությանը Եվրամիությանը, իսկ 14%-ը դեմ է դրան։ «Ո՞րն է հիմնական պատճառը, որ Դուք աջակցում եք Եվրամիությանն անդամակցելուն» հարցին պատասխանել են հետևյալ կերպ՝

• երկրի անվտանգության բարձրացում – 47%
• տնտեսական օգուտների ստացում- 30%
• ժողովրդավարության զարգացում – 14%
• Վրաստանի եվրոպական ինքնության ամրապնդում – 9%։

• «Վրաստանն ամբողջությամբ կատարել է 12 հանձնարարականներից 3-ը»․Եվրահանձնաժողովի միջանկյալ զեկույց
• Transparency International-ը կոռուպցիայի մեջ կասկածում է ավելի քան 160 վրացի պաշտոնյաների
• Վրաստանը 36-րդ տեղում է «Սթիվ Հանկեի տառապանքի ինդեքսում»

Քաղաքական վարկանիշ

Հարցին, թե որ կուսակցության օգտին կքվեարկեին, եթե խորհրդարանական ընտրությունները տեղի ունենային այսօր, 37%-ը պատասխանել է, որ իր ձայնը կտար իշխող «Վրացական երազանք» կուսակցությանը։ Ընդդիմադիր «Ազգային շարժում» և «Ագմաշենեբելի ռազմավարություն» կուսակցությունների օգտին պատրաստ է քվեարկել հարցվածների 21%-ը։ Մնացած կուսակցությունների օգտին հանդես է եկել հարցվածների 9-1%-ը։

Բնակչության 80%-ը մտադիր է մասնակցել խորհրդարանական ընտրություններին

Բնակչության 80 տոկոսը մտադիր է մասնակցել 2024 թվականի խորհրդարանական ընտրություններին։ Հարցին, թե որքանով է հավանական մասնակցությունն այդ ընտրություններին, տվել են հետևյալ պատասխանները՝

• անպայման կմասնակցեմ- 80%
• հավանաբար կմասնակցեմ -13%
• հավանաբար չեմ մասնակցի – 3%
• հաստատ չեմ մասնակցի – 4%։

Հարցման մասնակիցների 60%-ը կարծում է, որ երկիրը զարգանում է սխալ ուղղությամբ, իսկ 40%-ը կարծում է, որ ճիշտ ուղղությամբ է ընթանում։

Բացի այդ, ըստ հարցման արդյունքների, մեծ մասը՝ 68%-ը, նախընտրում է, որ խորհրդարանական մեծամասնություն լինի մեկ այլ կուսակցություն, ոչ թե ներկայիս «Վրացական երազանք»-ը։

Հատկանշական է, որ Edison Research-ի անցկացրած նախորդ հարցման արդյունքներով՝ սեպտեմբերին այդ ցուցանիշը 67% էր։

Հարցվածների 56%-ը կարծում է, որ նախկին նախագահ Միխեիլ Սաակաշվիլիին պետք է ներում շնորհել, 44%-ը համարում, որ պետք չէ նրան ազատել բանտից։

Հետևեք մեզ — Facebook | Youtube | Telegram