Վրաստանից արտահանվող մեքենաների մեծ մասը գնում է Ադրբեջան և Հայաստան
Վրաստանում ավտոմեքենաների արտահանման վիճակագրություն
2023 թվականի հունվար-մարտ ամիսներին Վրաստանից արտասահմանյան երկրներ է արտահանվել 22,4 հազար ավտոմեքենա՝ 412 մլն դոլար արժողությամբ։
Սա 333 տոկոսով ավելի է, քան մեկ տարի առաջ։
Վրաստանից վերաարտահանվող մեքենաների մեծ մասը շահագործված է եղել։ Վերաարտահանված մեկ մեքենայի միջին արժեքը կազմել է 18000 դոլար։
Վերաարտահանման գծով առաջին տեղում է Ադրբեջանը, որտեղ արտահանվել է 7,3 հազար ավտոմեքենա՝ 99,7 մլն դոլար արժողությամբ։ Երկրորդ տեղում Հայաստանն է՝ 87,3 մլն դոլարի վերաարտահանմամբ, երրորդում՝ Ղազախստանը՝ 87,2 մլն դոլարի վերաարտահանմամբ։
Վիճակագրության համաձայն՝ ամենաթանկ մեքենաները (միջին արժեքը՝ 84 հազար դոլար) ուղարկվում են Արաբական Միացյալ Էմիրություններ։ Ամենաէժան մեքենաներն (միջին արժեքը՝ 10 հազար դոլար) ուղարկվում են Տաջիկստան և Ադրբեջան (միջին արժեքը՝ 13,600 դոլար):
-
Ավտոմեքենաների արտահանման վիճակագրությունը՝ ըստ երկրների
1. Ադրբեջան՝ 99,68 մլն դոլար, 7348 ավտոմեքենա, մեկ մեքենայի միջին արժեքը՝ 13,6 հազար դոլար,
2. Հայաստան՝ 87,29 մլն դոլար, 4845 մեքենա, մեկ մեքենայի միջին արժեքը՝ 18,0 հազար դոլար,
3. Ղազախստան՝ 87,17 մլն դոլար, 4757 ավտոմեքենա, մեկ մեքենայի միջին արժեքը՝ 18,3 հազար դոլար,
4. Ղրղզստան՝ 87,12 մլն դոլար, 2398 մեքենա, մեկ մեքենայի միջին արժեքը՝ 36,3 հազար դոլար,
5. Ռուսաստան՝ 21,61 մլն դոլար, 1544 ավտոմեքենա, մեկ մեքենայի միջին արժեքը՝ 14,0 հազար դոլար,
6. Տաջիկստան՝ 8,12 մլն դոլար, 815 ավտոմեքենա, մեկ մեքենայի միջին արժեքը՝ 10,0 հազար դոլար,
7. Բելգիա՝ 5,71 մլն դոլար, 119 մեքենա, մեկ մեքենայի միջին արժեքը՝48,0 հազար դոլար,
8. Արաբական Միացյալ Էմիրություններ՝ 5,16 մլն դոլար, 61 ավտոմեքենա, մեկ մեքենայի միջին արժեքը՝ 84,5 հազար դոլար,
9. Ուկրաինա՝ 3,32 մլն դոլար, 189 ավտոմեքենա, մեկ մեքենայի միջին արժեքը՝ 17,5 հազար դոլար,
10. Չինաստան՝ 1,46 մլն դոլար, 33 մեքենա, մեկ մեքենայի միջին արժեքը՝ 44,3 հազար դոլար։
Վրաստանից արտահանման ընդհանուր ծավալի մեջ զգալի մասնաբաժին է զբաղեցնում ավտոմեքենաների արտահանումը։ 2022 թվականի հունվար-հոկտեմբեր ամիսներին մարդատար ավտոմեքենաների վերաարտահանումը զբաղեցրել է երկրորդ տեղը՝ 661,3 մլն դոլարով (ընդհանուր արտահանման 14,5 տոկոսը)։ Առաջին տեղը զբաղեցրել են պղնձի հանքաքարերն ու խտանյութերը, իսկ երրորդը՝ ֆեռոհամաձուլվածքները։
Վրաստանում ավտոմեքենաների արտահանման վիճակագրություն
