Վրաստանի ՀԿ-ները «ռուսական օրենքի» դեմ սահմանադրական հայց են նախապատրաստում
Սահմանադրական հայց օտարերկրյա գործակալների օրենքի դեմ
Վրաստանում գործող ոչ կառավարական կազմակերպությունները հայտարարում են, որ շարունակելու են «օտարերկրյա գործակալների օրենքի» դեմ պայքարը դատարանում։ Մայիսի 30-ին կայացած համատեղ ճեպազրույցում ՀԿ-ների ներկայացուցիչներն ասել են, որ օրենքի կիրարկումն արգելափակելու համար օգտագործելու են ինչպես ներքին, այնպես էլ միջազգային մեխանիզմներ։ «Օտարերկրյա գործակալների մասին» օրենքը բողոքարկելու են Վրաստանի Սահմանադրական դատարանում և ՄԻԵԴ-ում։
Ի՞նչ է ասված հայտարարության մեջ
«Վրացական հասարակական կազմակերպությունները «ռուսական օրենքի» դեմ պայքարը շարունակելու են դատարանում: Մենք հայտարարում ենք, որ չենք ապրելու «ռուսական օրենքի» նորմերով և կօգտագործենք բոլոր ներպետական և միջազգային մեխանիզմները՝ կանխարգելելու դրա գործողությունը մինչև օրենքը կչեղարկվի:
Այդ նպատակով մենք հայց ենք պատրաստում Վրաստանի Սահմանադրական դատարան և մոտ ապագայում այն կներկայացնենք։ Դատարանը կարող է գործել սահմանադրությամբ իրեն վերապահված լիազորությունների շրջանակում և կասեցնել օրենքի համապատասխան հոդվածների գործողությունը։
Մենք Սահմանադրական դատարանը չենք համարում իրավական պայքարի միակ ճանապարհ։ Եթե դատարանը չգործի սահմանադրության շրջանակներում, մենք կկիրառենք այլընտրանքային իրավական մեխանիզմ: Պատրաստվում ենք հայց ներկայացնել նաև Մարդու իրավունքների եվրոպական դատարան, դրան կանդրադառնանք ավելի ուշ»:
Հետևեք մեզ — Facebook | Youtube | Telegram
Սահմանադրական հայց օտարերկրյա գործակալների օրենքի դեմ