Ապրիլ-հունիս ամիսներին Վրաստանի սահմանն ամենաշատը հատել են ՌԴ քաղաքացիները
Ռուսներն ամենաշատն են հատել Վրաստանի սահմանը
Ներքին գործերի նախարարության տվյալներով՝ 2023 թվականի երկրորդ եռամսյակում (ապրիլ-հունիս) Վրաստանի սահմանը հատվել է ընդհանուր առմամբ 4 918 036 անգամ (մուտք + ելք)։ Սահմանը հատողների 30 տոկոսը Վրաստանի քաղաքացիներ են, 70 տոկոսը՝ օտարերկրացիներ, որոնց մեջ գերակշռում են Ռուսաստանի քաղաքացիները (443.624 մարդ)։
Վրաստանի սահմանը հատելու թվով Ռուսաստանին հաջորդում են Թուրքիան (413․127), այնուհետև Հայաստանը (285․403) և ԵՄ երկրները (119․855)։
Ապրիլ-հունիս ամիսներին Վրաստան ժամանածների ընդհանուր թիվը կազմել է 1 մլն 754 հազար 992 մարդ, որից 1 մլն 92 հազար 903-ը երկրում մնացել է մեկ օրից ավելի, իսկ Վրաստանի տարածքով տրանզիտից օգտվել է 257 հազար 872 մարդ։
Նշված ժամանակահատվածում երկիրը լքել է Վրաստանի 746 734, մուտք է գործել 732 743 քաղաքացի։
- Ռուսները Վրաստանում ամսական միջինը 1300 ընկերություն են գրանցում․ Transparency International
- «Մինչ մենք սովորում ենք, նրանք հաստատվում են»․ ծովափնյա սեզոնը «օկուպացված» Բաթումում
- Բաթումիի որոշ սրճարաններ վրացերենով չեն սպասարկում հաճախորդներին
● Ռուսաստանի Դաշնության Նախագահի 2023 թվականի մայիսի 10-ի որոշմամբ վերականգնվեց ուղիղ օդային հաղորդակցությունը Վրաստանի և Ռուսաստանի միջև։
● Չնայած նախագահի, քաղաքացիական հասարակության, ընդդիմության և արևմտյան գործընկերների բողոքներին, Վրաստանի կառավարությունն աջակցեց Պուտինի նախաձեռնությանը։ Մայիսի 20-ին «Georgian Airways» ավիաընկերությունը՝ գլխավոր ազգային ավիափոխադրողը, կատարեց իր առաջին չվերթը Թբիլիսիից Մոսկվա։ Այդ պատճառով Վրաստանի նախագահ Սալոմե Զուրաբիշվիլին ավիաընկերությանը բոյկոտ հայտարարեց։
● Հուլիսի 1-ին Ուկրաինան ընդունեց պատժամիջոցների նոր փաթեթ։ Ռուսական և բելառուսական ընկերությունների հետ պատժամիջոցների ցանկում ընդգրկվեց նաև Georgian Airways-ը։ Վրացական ավիափոխադրողի նկատմամբ պատժամիջոցներ են սահմանվել 10 տարի ժամկետով, դրանք ներառում են նաև Ուկրաինայի տարածքում թռիչքների ամբողջական արգելք։
