Պուտինի լռությունը․ ինչո՞ւ է նա ճամփորդում, երբ ուկրաինական բանակը խորանում է Ռուսաստանի տարածք

Պուտինի արձագանքը Ուկրաինայի ԶՈՒ ներխուժմանը Կուրսկ

Հեղինակ՝ Ալեքսանդր Ժելենին, հրապարակման բնօրինակը՝ Republic կայքում

Կուրսկի ռազմական գործողությունների թատերաբեմում իրավիճակը Պուտինի համար դառնում է ավելի ու ավելի ամոթալի։ Ըստ Ուկրաինայի Զինված ուժերի գլխավոր հրամանատար Օլեքսանդր Սիրսկու հնչեցրած վերջին տվյալների՝ Կուրսկի շրջանում ուկրաինացի զինվորականների վերահսկողության տակ է արդեն 1263 քառակուսի կիլոմետր տարածք և 93 բնակավայր։

Նրա խոսքով՝ «Կուրսկի մարզի տարածքում հարձակման ժամանակ Ուկրաինայի զինված ուժերն առաջ են շարժվել հակառակորդի պաշտպանության խորքը 28-ից մինչև 35 կիլոմետր»։

Գերմանական «Bild» պարբերականի ռազմական մեկնաբան Յուլիան Ռյոպկեի տվյալներով՝ «Ուկրաինայի զինված ուժերն այնտեղ գրավել են Սնագոստ և Ապանասովկա գյուղերը, և մինչև Սեյմ գետը, այնպես որ «կաթսան» փակելու համար նրանց մնացել է վերցնել 5 կիլոմետր։ Ընդ որում՝ ըստ ուկրաինական տվյալների, կաթսայի ներսում մնում են 2-ից 3 հազար ռուս զինվորներ»։

Կուրսկի վրա հարձակման նախնական հետևանքները․ ինչպես Ուկրաինան շրջեց իրավիճակը

Որքանո՞վ է Կուրսկի գործողությունը սպառնում Պուտինի ռեժիմի կայունությանը, հնարավո՞ր է արդյոք տարածքների փոխանակում Ռուսաստանի հետ, և ինչպես է այս հարձակումը փոխել Արևմուտքի վերաբերմունքը պատերազմին։

Պուտինի անհաջողությունները նվաստացնում են նաև նրա ազդեցիկ ջատագովներին, մասնավորապես՝ Չեչնիայի ղեկավար Ռամզան Կադիրովին, որը, ինչպես բոլորը հիշում են, խոստացել էր Կուրսկը վերցնել «երեք օրում»։

Հիմա նա ամոթխած լռել է՝ փորձելով հանրության ուշադրությունը շեղել իր այս նվաստացումից՝ հորինելով, թե իբր Իլոն Մասկը նրան նվիրել է իր Tesla Cybertruck էլեկտրամեքենան։ Եվ այս հորինվածքի կապակցությամբ էլ Կադիրովի սուտը ջրի երես դուրս եկավ. Մասկը վճռականորեն հերքեց նրա ասածը։

Ռուսաստանի ղեկավարության լռությությունը երկար է տևում, Ուկրաինայի զինված ուժերը Կուրսկի մարզում վստահորեն առաջ են շարժվում, իսկ Պուտինը դեռ չի կործանել գեհենի կրակով Վաշինգտոնը, Լոնդոնը, Փարիզը և այլ թշնամական մայրաքաղաքներ կամ գոնե հարազատ Կուրսկի մարզը։

Բայց ի՞նչ կարող է նա իրականում անել հիմա։ Բլոգերներից ոմանք պահանջում են հայտարարել համընդհանուր զորահավաք։ Իսկ հետո ի՞նչ քայլեր պետք է կատարվեն։

Միլիոնավոր զինվորների պետք է ոչ միայն հագցնել ու կերակրել, այլ նաև սովորեցնել կռվել և զինել։ Եվ հենց այս տիրույթում Ռուսաստանում արդեն խնդիրներ կան։

1.

Սովետական զենքի պաշարները անսահմանափակ չեն եղել։ Իսկ նոր զենքը արտադրվում է ոչ այն տեմպերով, որով այն օգտագործվում է ուկրաինական ռազմաճակատում։

2.

Եթե Ռուսաստանում հիմա զինեն մի քանի միլիոն մարդու, ապա ո՞վ է աշխատելու և արտադրելու այդ զենքը, որն առանց այդ էլ արդեն չի բավականացնում։ ՌԴ-ում դեռ անցյալ՝ 2023 թվականի վերջին գրեթե 5 միլիոն աշխատուժի պակաս ԿԱՐ։

3.

Միջուկային զենքի հարվածները ոչ միայն ՆԱՏՕ-ի որևէ երկրի, այլ նույնիսկ Ուկրաինայի դեմ արդեն բացառված են։ Մոսկվային շատ հասկանալի են բացատրել, թե ինչ կպատահի նման պարագայում։ Այն է՝ ՆԱՏՕ-ն անմիջապես իր բոլոր ուժերով կմտնի պատերազմի մեջ Ուկրաինայում։ Բոլոր հնարավոր հետևանքներով ռուսական բանակի համար։ Եվ անձամբ Պուտինն այս դեպքում կդառնա օրինական թիրախ ամերիկյան բարձր ճշգրտության հրթիռների համար։

4.

Էլ ի՞նչ կարող է ձեռնարկել Պուտինն իր ներկա պահին։ Ինչպես ասում են Կրեմլում՝ կարող է հարվածներ հասցնել «որոշումների կայացման կենտրոնների ուղղությամբ»։ Կիևի վրա հերթական նման հարձակումն արդեն տեցի է ունեցել է։ Բայց, ըստ ուկրաինական լրատվամիջոցների՝ բոլոր անօդաչուները և, որ ավելի կարևոր է, «Իսկանդերների» բալիստիկ հրթիռները խոցվել են։

Նախկինում հենց բալիստիկ հրթիռներից պաշտպանությունն էր ամենամեծ խնդիրը ուկրաինական հակաօդային պաշտպանության համար։ Եվ ահա՝ ամեն ինչ խոցվել է։ Չի բացառվում, որ սա ուկրաինական F-16-երի աշխատանքի արդյունքն էր. մեծապես հենց դրա համար էլ դրանք ձեռք էին բերվել Կիևի կողմից։

Այս ամենի հետ մեկտեղ վերջին օրերին աչքի են ընկնում Պուտինի քիչ հասկանալի դիվանագիտական քայլերը

Նա ավելի քան տարօրինակ «պաշտոնական այց» է կատարում Բաքու՝ այսպիսի արտակարգ պայմաններում։ Հարց է առաջանում՝ ինչի՞ համար։ Ըստ պրոկառավարական լրատվամիջոցների՝ Պուտինն այնտեղ Ադրբեջանի նախագահ Իլհամ Ալիևի հետ քննարկել է ռուսական գազի մատակարարումները։

Հարց է առաջանում. արդյո՞ք սա այն է, ինչ պետք է անի պետության ղեկավարը, երբ հակառակորդի զորքերը վստահորեն առաջ են շարժվում իր երկրի ներսում։

Ոչ պակաս հետաքրքիր է եմկ այլ՝ լրատվամիջոցներում հայտնված դիվանագիտական լուրը։

Ամերիկյան Bloomberg գործակալությունը հաղորդել է, որ օգոստոսի 23-ին Կիև կատարվելիք այցի ժամանակ Հնդկաստանի վարչապետ Նարենդրա Մոդին կարող է Ուկրաինայի նախագահ Վոլոդիմիր Զելենսկուն փոխանցել Պուտինից ինչ-որ ուղերձ։

Ե՞րբ է Պուտինը վերջին անգամ անձամբ դիմել Զելենսկուն, թեկուզև միջազգային միջնորդների միջոցով։ Նման բան չի եղել նույնիսկ մինչև Ռուսաստանի՝ Ուկրաինա լայնածավալ ներխուժման սկիզբը, չխոսելով արդեն պատերազմի վերջին երկուսուկես տարիների մասին։

Եվս մեկ տարօրինակ և զարմանալի՝ հատկապես Պուտինի համար, գործողություն, որը նա ձեռնարկել է օգոստոսի 20-ին։

Բեսլանի դպրոցում պատանդների գրավումից հետո առաջին անգամ 20 տարում նա այնտեղ է թռել և ծնկի է իջել 2004 թվականի սեպտեմբերի 1-ի ահաբեկչության 333 զոհերի հուշարձանի առջև։

Ի՞նչ է սա։ Այն իրավիճակում, երբ ապագան նրա համար անորոշ է, Պուտինը որոշել է ապաշխարել իր ամենասարսափելի հանցագործություններից մեկի համա՞ր։

Եվս մեկ հետաքրքիր տեղեկատվություն է ստացվել այս անգամ արդեն ուկրաինական կողմից։

ՈՒՆԻԱՆ-ը, հղում անելով Politico-ին, օգոստոսի 20-ին հաղորդել է, որ Կիևը մտադիր է օգտագործել Մոսկվայի հետ բանակցությունների ձևաչափը, որը հաջողությամբ փորձարկվել է հացահատիկային գործարքի կնքման ժամանակ։

Պարբերականը հիշեցնում է, որ Ուկրաինայի և Ռուսաստանի միջև բանակցություններն այն ժամանակ տարվել են ոչ թե ուղղակիորեն, այլ միջնորդի՝ Թուրքիայի միջոցով։

Հատկանշական է, որ նույն այդ հաղորդագրությունը Politico-ից նույն օրը առանց որևէ մեկնաբանության հաղորդեց նաև կառավարական «Ռոսիյսկայա գազետան»:

Հետաքրքիր տեսանյութ է գրեթե նույն օրը գրանցել նաև կադիրովյան «Ախմատի» հրամանատար Ապտի Ալաուդինովը:

Ուկրաինայի զինված ուժերի՝ Կուրսկի շրջան մտնելու օրը նա բարեհոգաբար խորհուրդ տվեց ռուսներին չանհանգստանալ և պոպկորն նախապատրաստել՝ իբր շուտով նրանց ջախջախելու են։ Եվ ահա նա կրկին մարգարեանում է:

Հավաստիացնում է, որ երկու-երեք ամսից պատերազմը կավարտվի ոչ միայն Կուրսկի շրրջանում, այլ նաև «հատուկ ռազմական գործողության» ողջ տարածքում:

Ահա այստեղ կարող եմ համաձայնել նրա հետ: Բազմիցս գրել եմ, որ Ռուսաստանը ԱՅՍՊԻՍԻ պատերազմի երեք տարի չի դիմանա:

Հետևեք մեզ — Facebook | Youtube | Telegram

Պուտինի արձագանքը Ուկրաինայի ԶՈՒ ներխուժմանը Կուրսկ