Կորոնավիրուսի համաճարակը Կովկասում։ 2020թ․ մարտի 20-23-ը

Կորոնավիրուսի յոթ նոր դեպք Ադրբեջանում: Այսպիսով, դեպքերի ընդհանուր թիվը հասավ 72-ի: Վարակվածներից մեկը մահացել է, տասը՝ առողջացել:

25 կետով ավելացել է այն երկրների ցանկը, որտեղից չի կարելի Հայաստան գալ։ Այժմ այդ երկրների թիվը հասնում է 41–ի։ Որոշումն ընդունվել է կորոնավիրուսի տարածումը կանխելու նպատակով։

Հայաստանում արտակարգ դրություն է հայտարարվել մարտի 16–ից։ Ընդհանուր առմամբ, հաստատվել է 194 դեպք, հիվանդներից երկուսն ապաքինվել են և դուրս գրվել հիվանդանոցից։

• Ի՞նչն է արգելված Հայաստանում արտակարգ դրության ժամանակահատվածում

Մարտի 24-ի կեսգիշերից սկսած ՝ համակարգող խորհրդի որոշմամբ, ամբողջ Վրաստանում դադարեցվում է հասարակական տրանսպորտի աշխատանքը: Արգելվում են նաև միջքաղաքային ուղևորափոխադրումները ավտոբուսներով և միկրոավտոբուսներով: Սահմանափակումները մտցվում են նաև երկաթուղում: Մասնավոր տրանսպորտային միջոցների տեղաշարժը դեռ թույլատրվում է:

Վրաստանում կորոնավիրուսով վարակվածներից ութն առողջացել են, 5 մարդ արդեն դուրս է գրվել հիվանդանոցից:

Վրաստանում ութ կորոնավիրուսով վարակվածներ ատողջացել են, 5-ն արդեն դուրս են գրվել հիվանդանոցից:

Վրաստանում հաստատվել է կորոնավիրուսով վարակման 54 դեպք: 3.254 մարդ կարանտինի մեջ է, 233-ը գտնվում են հիվանդանոցում:

Նախագահ Իլհամ Ալիևը մեկ միլիարդ մանաթ [մոտ $600 մլն] է հատկացրել Ադրբեջանի տնտեսության վրա կորոնավիրուսի հետևանքների ազդեցությունը մեղմացնելու համար։

Ադրբեջանական տնտեսագետներն այս քայլը ոչ արդյունավետ են գնահատել են։ Նրանց կարծիքով, ավելի լավ կլիներ ազատել բիզնեսը հարկերից և դյուրացնել վարկերի մարումը։

Հայաստանում կորոնավիրուսով վարակման չորս նոր դեպք է հաստատվել: Վարակվածների ընդհանուր թիվը հասավ 194-ի: Երկու հիվանդ առողջացել և դուրս է գրվել հիվանդանոցից:

Ադրբեջանում ախտորոշվել է կորոնավիրուսի 12 նոր դեպք. Վարակվածների ընդհանուր թիվը հասել է 65-ի։

Հայաստանում կորոնավիրուսով վարակվածների թիվը հասել է 190-ի։ Մարտի 22-ին թեստավորման արդյունքներով հայնտաբերվել է վարակման 30 նոր դեպք: 

Կորոնավիրուսով վարակման 5 նոր դեպք է գրանցվել Վրաստանում։ Այժմ հիվանդների ընդհանուր թիվը հասնում է 54–ի։

Վրաստանի կառավարությունը դիմել է նախագահին՝ առաջարկելով ողջ երկրի տարածքում արտակարգ դրություն մտցնել մեկ ամսով, այսինքն՝ մինչև ապրիլի 21-ը: Այս մասին հայտարարել է Վրաստանի վարչապետ Գիորգի Գախարիան:

Արտակարգ դրության դեպքում կառավարությունը ստանում է մի շարք լրացուցիչ իրավունքներ.

• մեկուսացման կանոնների խախտման դեպքում հանցագործին հարկադրաբար տեղափոխել կարանտին, նրա նկատմամբ ձեռնարկել նման դեպքերում նախատեսված պատժամիջոցները

• սահմանափակումներ մտցնել օդային, ծովային, ցամաքային սահմաններ հատելիս, որոնք չեն առնչվում բեռների փոխադրման հետ

• պահպանել հատուկ կանոններ և պայմաններ հանրային ծառայության և վարչական գործունեության համար

• կառավարությանը իրավունք է տրվում հատուկ դեպքերում, որոնք կապված են կարանտինի, մեկուսացման, բժշկական առաջադրանքների հետ, օգտագործել ֆիզիկական և իրավաբանական անձանց գույքային և այլ նյութական միջոցներ

• արգելվում են միաժամանակ ավելի քան 10 մարդու հավաքները

• կառավարությունը լիազորված է սահմանափակել մասնավոր սուբյեկտների և կազմակերպությունների գործունեությունը կամ նրանց հրահանգել կոնկրետ գործունեություն իրականացնել

• անհրաժեշտության դեպքում կառավարությունը ստանձնում է դեղամիջոցների, բժշկական ծառայության և առաջին անհրաժեշտության ապրանքների գների կարգավորումը

• կառավարությունը կրթության ոլորտում կարող է սահմանել ժամանակավոր կանոններ, որոնք տարբերվում են օրենքով սահմանված կանոններից

• անհրաժեշտության դեպքում կառավարությունը կարող է հայտարարել բժշկական կրթություն և բժշկության ոլորտում աշխատելու իրավունք ունեցող անձանց մոբիլիզացիայի մասին

• դատական լսումները կարող են անցկացվել հեռակա կարգով:

Բոլոր ֆիզիկական և իրավաբանական անձինք պարտավոր են պահպանել արտակարգ դրության ռեժիմը: Հակառակ դեպքում կգործեն վարչական միջոցներ, ներառյալ տուգանքները՝ ֆիզիկական անձանց համար 3 հազար լարի (մոտ հազար դոլար), իսկ իրավաբանական անձանց համար՝ 15 հազար լարի: Կրկնակի խախտումը կարող է հանգեցնել քրեական պատասխանատվության՝ ազատազրկում մինչև 3 տարի:

Հայտարարվում է արտակարգ դրություն կորոնավիրուսի պանդեմիային հակազդելու համար:

Մարտի 20-ի դրությամբ Վրաստանում կա կորոնավիրուսով վարակված 47 մարդ, 1966-ը գտնվում են կարանտինում, ստացիոնար հսկողության տակ են 259-ը:

Կորոնավիրուսով վարակման 9 նոր դեպք է գրանցվել Ադրբեջանում։ Այժմ հիվանդների ընդհանուր թիվը հասնում է 53–ի։ Նրանցից մեկը մահացել է, 10՝ ապաքինվել։

Հայաստանում կոշտ միջոցներ են ձեռնարկվում արտակարգ դրության ռեժիմի խախտման համար, որը երկրում հաստատվել է մարտի 16–ին կորոնավիրուսի հետագա տարածումը կանխելու նպատակով։

Ազգային ժողովի պատգամավորները մարտի 20–ի երեկոյան շտապ հավաքվել էին արտահերթ նիստի։ Կառավարությունը պնդել էր երկու օրինագծերի անհապաղ քննարկումը՝ Քրեական օրենսգրքում և Վարչական իրավախախտումների մասին օրենսգրքում փոփոխություններ կատարելու վերաբերյալ։

Արդարադատության փոխնախարար Վահե Դանիելյանը պարզաբանել է, թե ինչում շտապողության իմաստը․ արտակարգ դրությունը նախատեսում է քաղաքացիների իրավունքների սահմանափակում, սակայն օրենսդրությունն այն խախտելու համար պատիժ չի սահմանում։

Արդյունքում՝ 102 պատգամավոր առաջին ընթերցմամբ միաձայն ընդունեցին մշակված օրինագծերը։ Վերջնական, երկրորդ ընթերցումը նախատեսված է երկուշաբթի՝ մարտի 23–ի առավոտյան։

Լրամշակումները վերաբերում են կիրառված բոլոր սահմանափակումների խախտումներին։ Մասնավորապես, մեկուսացման և ինքնամեկուսացման պահանջների խախտման համար նախատեսվում է տուգանք՝ նվազագույն աշխատավարձի 300-500-պատիկի չափով։ Նման ակտերում հաշվարկային հիմք է հանդիասնում 1000 դրամը:

Այդ նույն խախտման համար պատիժը շատ ավելի խիստ կլինի, եթե այն անզգուշությամբ հանգեցնի մի խումբ մարդկանց վարակման։ Այդ դեպքում, ըստ Քրեական օրենսգրքում կատարվող փոփոխությունների, նախատեսվում է մինչև 3–ամսյա կալանք կամ մինչև 5 տարվա ազատազրկում՝ կախված նրանից, թե քանի մարդ կտուժի։

Պատգամավորները երկար քննարկում էին նաև սահմանափակումը, որը վերաբերում է լրատվամիջոցներում և սոցցանցերում կատարվող հրապարակումներին։ Արտակարգ դրության հաստատումից հետո կարելի է հրապարակել միայն պաշտոնական տեղեկություններ հիվանդների, նրանց թվի և ընդհանուր առմամբ իրավիճակի մասին։ Ինչպես նշում են կառավարությունում, դա անհրաժեշտ է՝ հիվանդների նկատմամբ ագրեսիայից խուսափելու, ինչպես նաև բնակչության շրջանում խուճապ չսերմանելու համար։

Որոշ պատգամավորներ համաձայն են մեդիահանրության ներկայացուցիչների հետ այն հարցում, որ հստակ սահմանում չկա, թե որ հաղորդագրություններն են խուճապ տարածում, որոնք՝ ոչ։ Սակայն պատժամիջոց արդեն կա։ Արտակարգ դրության այս պահանջի խախտման համար նախատեսվում է տուգանք՝ նվազագույն աշխատավարձի 30-500-պատիկի չափով։

Հայաստանում հայտնաբերվել է կորոնավիրուսով վարակման 160 դեպք: Մեկ մարդ առողջացել է:

Ադրբեջանում կորոնավիրուսով վարակման 44 դեպք կա: Նրանցից 10-ը առողջացել են, մեկ մարդ մահացել է:

Վրաստանում կորոնավիրուսով վարակման 47 դեպք կա: Մեկ մարդ առողջացել է: