Կորոնավիրուսի համաճարակը Կովկասում․ փաստեր և թվեր տարածաշրջանի վերաբերյալ։ 2020 թ–ի մարտի 17-18 է

2020 թ–ի մարտի 18

22.50

Հայաստանում կորոնավիրուսի 8 նոր դեպք է հաստատվել: Վարակվածների ընդհանուր թիվը հասել է 110-ի:

19.00

Հայաստանում կորոնավիրուսի 18 նոր դեպք է արձանագրվել: Այսպիսով, վարակվածների ընդհանուր թիվը հասել է 102-ի, որից մեկը ապաքինվել է և դուրս գրվել հիվանդանոցից: 444 մարդ կարանտինում է, 799 մարդ ինքնամեկուսացվել է:

14.30

Կորոնավիրուսով վարակման չորս նոր դեպք կա Վրաստանում, չորսն էլ կապված են կորոնավիրուսով ավելի վաղ վարակված և արդեն հոսպիտալացված հիվանդների հետ։ Ընդհանուր առմամբ, Վրաստանում այժմ 38 հիվանդ կա։ Մեկն ապաքինվել է և դուրս գրվել հիվանդանոցից։

Կարանտինի մեջ է 1130 մարդ, ստացիոնարում է 81 մարդ։

11.30

Կորոնավիրուսով վարակման վեց նոր դեպք է գրանցվել Ադրբեջանում։ Այժմ հիվանդների ընդհանուր թիվը հասնում է 34–ի։ Նրանցից մեկը մահացել է, 10՝ ապաքինվել։ 23 մարդ բուժում է ստանում

11.00

Հայաստանում կորոնավիրուսի 6 նոր դեպք է արձանագրվել: Այսպիսով, վարակվածների ընդհանուր թիվը հասել է 84-ի, որից մեկը ապաքինվել է և դուրս գրվել հիվանդանոցից: 444 մարդ կարանտինում է, 799 մարդ ինքնամեկուսացվել է:

10.00

Վրաստանի խորհրդարանն արագացված կարգով հաստատել է նոր խիստ միջոցներ կարանտինի կանոններիխախտման համար։

Խախտողը կտուգանվի 3 հազար լարիով [մոտ $1,000], եթե իրավաբանական անձ է՝ 15 000 լարիով [մոտ$8,000].

Եթե գործողությունը կրկնվի, մեղավորը քրեական պատասխանատվության կենթարկվի՝ վեց ամսից մինչև մեկ տարի ազատազրկմամբ։

Ըստ Վրաստանի ներքին գործերի նախարարության տեղեկությունների՝ ընդհանուր առմամբ 71 մարդ է հարկադիր կերպով կարանտինի մեջ տեղավորվել ինքնամեկուսացման կանոնների խախտման պատճառով։

Մարտի 18–ի դրությամբ՝ Վրաստանում հաստատվել է, կարանտինի մեջ է 1,008 մարդ, ստացիոնարներում 64մարդ կա։

2020 թ–ի մարտի 17

Հայաստանում կորոնավիրուսով վարակման 26 նոր դեպք կա մեկ օրում, հիվանդների թիվը 78–ի է հասել։ Նրանցից մեկն արդեն ապաքինվել է և դուրս գրվել հիվանդանոցից։

Երկրում ավարտվեց արտակարգ դրության առաջին օրը, որը հայտարարվել է մարտի 16–ի երեկոյան։

Հրապարակվել է 16 երկրների ցանկը, որոնց բնակիչնեըը չեն կարող Հայաստան գալ։ Խոսքը Չինաստանի, Իրանի, Հարավային Կորեայի, Ճապոնիայի, Իտալիայի, Իսպանիայի, Ֆրանսիայի, Գերմանիայի, Շվեյցարիայի, Դանիայի, Ավստրիայի, Բելգիայի, Նորվեգիայի, Շվեդիայի, Նիդերլանդների, Մեծ Բրիտանիայի մասին է։

Հայաստանի քաղաքացիները, որոնք տուն կվերադառնան այդ երկրներից, պետք է 14-օրյա կարանտին անցնեն։

Սահմանափակումները բեռնափոխադրումներին չեն վերաբերում։

• Հայաստան․ մանրամասներ Էջմիածին «փակ» քաղաքի, արտակարգ իրավիճակում մթերքի առկայության և լրատվամիջոցների աշխատանքի մասին

Ադրբեջանում մեկ օրում կորոնավիրուսի երեք նոր դեպք է գրանցվել, վարակվածների ընդհանուր թիվը 28 է։ Վեց մարդ ապաքինվել է, մեկը՝ մահացել։

Որոշում է կայացվել տուգանել կարանտինի խախտման համար։ Տուգանքը կարող է հասնել 1,200 դոլարի, ծանրացուցիչ հանգամանքների դեպքում հնարավոր է մինչև երեք տարվա ազատազրկում։

Սպասվում է Իտալիայից հատուկ չարտերային չվերթի ժամանում Բաքու, որով երկիր կվերադառնան Ադրբեջանի այն քաղաքացիները, որոնք ուզում են տուն գալ։ Հիմնականում խոսքն ուսանողների մասին է։

Մարտի 19–ից կարգելվի շրջաններից Բաքու և Սումգայիթ գալ։

Վրաստանում կորոնավիրուսով վարակման 34 հաստատված դեպք կա։ Կարանտինի մեջ է 1,008 մարդ, ստացիոնարներում՝ 64։

Նոր սահմանափակումներ  են կիրառվել։ Արգելված է տեղաշարժը երթուղային տաքսիներով, փակ են լողավազանները, մարզասրահներն ու սպա–կենտրոնները։ Նախորդ արգելքները․

• Մարտի 18–ից երկու շաբաթով փակ է Վրաստանի մուքտն արտասահմանյան քաղաքացիների համար։

• Փակ են բոլոր լեռնադահուկային հանգստավայրերը։

• Ռեստորաններին, սրճարաններին, բարերին խորհուրդ է տրվում սահմանափակել աշխատանքը փակ տարածքներում և հնարավորինս անցնել առաքման ռեժիմի։

• Կորոնավիրուսը Կովկասում, փաստեր և թվեր, 2020թ–ի մարտի 15-16

Անվտանգության միջոցառումներ, որոնք կիրառվում են Կովկասի տարբեր հատվածներում կորոնավիրուսի համաճարակի առնչությամբ

Հայաստան

Հայաստանում արտակարգ դրություն է հայտարարվել տարածաշրջանում կորոնավիրուսի տարածման պատճառով։ Որոշումն ընդունվել է կառավարության մարտի 16–ի արտահերթ նիստին։ Արտակարգ դրությունը կգործի 2020 թ–ի մարտի 16–ից մինչև ապրիլի 14–ը։

Վարակի հիմնական օջախն Էջմիածին քաղաքն է (Երևանից մոտ 20 կմ հեռավորության վրա)։ Քաղաքը գրեթե ամբողջությամբ մեկուսացված է, խստորեն հսկվում են մուտքերն ու ելքերը։

Հայաստանը փակել է իր բոլոր ցամաքային սահմանները։ Վերջինը՝ Վրաստանի հետ սահմանը, փակվել է մարտի 15–ին։ Սահմանափակումները չեն վերաբերում բեռնափոխադրումներին։

Ավիահաղորդակցությունը դեռ բաց է, թեև շատ ավիաընկերություններ կրճատել են դեպի Հայաստան չվերթների քանակը կամ ամբողջությամբ չեղարկել են դրանք։ Հսկիչ անցակետերում ստուգում են բոլոր ժամանածների ջերմությունը։

Հայաստանի քաղաքացիները կարող են տուն վերադառնալ ցանկացած սահմանով, այդ թվում՝ ցամաքային։

Ադրբեջան

Ադրբեջանում փակ են բոլոր ուսումնական հաստատությունները, մանկապարտեզներն ու առևտրի կենտրոնները։ Ռեստորանների և զվարճանքի կենտրոնների համար սահմանափակումներ են գործում․ դրանք պետք է աշխատանքն ավարտեն ոչ ուշ, քան 21.00–ն։

Փակ են բոլոր ցամաքային սահմանները։ Չեղարկվել են շատ ավիաչվերթներ։

Սահմանափակումները չեն վերաբերում բեռնափոխադրումներին։

Ադրբեջանի քաղաքացիները կարող են տուն վերադառնալ ցանկացած անցակետով։ Այստեղ ստուգում են բոլոր ժամանածների ջերմությունը։

Վրաստան

Վրաստանում փակ են բոլոր ուսումնական հաստատությունները։ Արտակարգ դրություն է գործում սահմանին։ Վրաստան կարող են մուտք գործել միայն Վրաստանի քաղաքացիները, նրանց ջերմությունը ստուգվում է սահմանին, նրանք պարտավոր են ինքնամեկուսանալ 14 օրով։ Այս պահանջի կատարումը վերահսկում է ոստիկանությունը, խախտողները բռնի կերպով կարանտինի մեջ կառնվեն։

Այլևս ոչ ոք չի կարող մոտք գործել երկիր։ Սահմանափակումները չեն վերաբերում բեռնափոխադրումներին, այդ թվում՝ առաքվում են փոստով ուղարկված ծանրոցները։

Սոցցանցերում շատերը պահանջում են արտակարգ դրություն մտցնել և փակել բոլոր առևտրի կենտրոններն ու զվարճանքի վայրերը։