Կորոնավիրուս, նորություններ։ Կարաչաևո–Չերկեսիայում խնդրում են փրկել իրենց

Կարաչաևո–Չերկեսիայում կորոնավիրուսով հիվանդների հարազատների ցույց է անցկացվում։ Ակցիայի մասնակիցներին ցրում են, սակայն նրանք կրկին են հավաքվում։

Մարդիկ շրջանային հիվանդանոցի մոտ կանգնած են «Փրկեք Կարաչաևո–Չերկեսիան» պաստառներով և Մոսկվայից անհապաղ օգնություն են խնդրում։

Ավելի վաղ հաղորդվում էր, որ հիվանդանոցներից մեկն ընդհանրապես դադարել է աշխատել, քանի որ այնտեղ հիվանդ է առանց բացառության ողջ անձնակազմը։

Տեսանյութում ոստիկանը ցուցարարից խլում է պաստառն ու այն պատռում։

Աղբյուրը՝ ՄԲԽմեդիա

https://www.youtube.com/watch?v=ANRAyX—lqE&feature=youtu.be

Հայաստանում մեկ օրում վարակման 195 դեպք է գրանցվել, ընդհանուր առմամբ, համաճարակի մեկնարկից ի վեր վարակվել է 13 325 մարդ։

Մահվան 11 դեպք մեկ օրում, ընդհանուր առմամբ մահացել է արդեն 211 մարդ։

4 099 մարդ է ապաքինվել։

Հայաստանը ճգնաժամի է բախվել, հիվանդների համար բուժկենտրոններում արդեն տեղ չկա։ Առողջապահության նախարարությունը երկրի բոլոր հիվանդանոցներին առաջարկել է ծրագրին անմիջապես միանալու հայտ ներկայացնել։ Արդյունքում՝ Հայաստանի ևս երեք շրջանային հիվանդանոց արդեն սկսում է կորոնավիրուսով վարակվածների ընդունել։

Մինչ այժմ նման հիվանդների բուժմամբ էին զբաղվում մայրաքաղաքի 7, շրջանների 3 կլինիկաներ։

Հայաստանի հիվանդանոցներում այլևս տեղ չկա. կորոնավիրուսով վարաված մարդ է մահացել է, որին չեն կարողացել հոսպիտալացնել

Հունիսի 8–ից Վրաստանում կարանտինի միայն մեկ զգալի սահմանափակում է մնացել․ գնացքները չեն վերսկսի իրենց աշխատանքը նվազագույնը մինչև հունիսի 15–ը։

Հյուրանոցներն ու ռեստորանները/սրճարանները պարտավոր են պահպանել առողջապահության նախարարության սահմանած կանոնները, և պարբերաբար տեսչական ստուգում են անցնելու։

Տրանսպորտում պետք է բաց լինեն բոլոր պատուհաններն ու հեռավորություն պահպանվի ուղևորների միջև։

Կարանտինի սահմանափակումների չեղարկման առաջին փուլը Վրաստանում սկսվել է ապրիլի 27–ից։

Հունիսի 15–ից Վրաստանը պլանավորում է վերսկսել ներքին զբոսաշրջությունը։

Հուլիսի 1–ից երկիրը կբացի սահմաններն ու կընդունի արտասահմանցի զբոսաշրջիկների։

Դիմակներ, ցանկապատեր, բարձր գներ։ Ի՞նչ տեսք է ունենալու զբոսաշրջությունը Վրաստանում կորոնավիրուսից հետո

Հայաստանում մեկ օրում 766 դեպք և 10 մահ:

Ընդհանուր առմամբ, Հայաստանում համավարակի սկզբից ի վեր մահացել է 200 մարդ, վարակվել են 13 130-ը, ապաքինվել՝ 4 014-ը։

• Հայաստանի հիվանդանոցներում այլևս տեղ չկա. կորոնավիրուսով վարաված մարդ է մահացել է, որին չեն կարողացել հոսպիտալացնել

Այս բռնկումը հաստատել է Հյուսիսային Օսիայի դատախազությունը: «Ողորմածություն» կոչվող հոգեբուժական գիշերօթիկ տուն-ինտերնատի գործով հետաքննություն է սկսվել, քանի որ պարզվել է․ այստեղ ընդհանրապես ոչ մի հակահամաճարակային միջոցառում չի ձեռնարկվել կորոնավիրուսների տարածումը կանխելու համար: Նույնիսկ նման միջոցառումների համար տեսական պլան չի մշակվել, ասվում է դատախազի զեկույցում:

Աղբյուր՝ «Կրիլյա» առցանց հեռուստաընկերություն

• Կորոնավիրուսի տարօրինակ վիճակագրություն Ռուսաստանում․ շատ լավ բժշկությո՞ւն, թե՞ Պուտինն ուզում է իշխանության մնալ

Ընդհանուր առմամբ, Հայաստանում համավարակի սկզբից ի վեր մահացել է 190 մարդ, վարակվել են 12 364-ը, ապաքինվել՝ 3 720-ը։

Վարչապետ Նիկոլ Փաշինյանը հունիսի 5-ին ասել է, որ պարետատունը քննարկել է կորոնավիրուսով պայմանավորված իրավիճակի կարգավորման մի քանի սցենար, այդ թվում` տոտալ արգելափակումների փուլ մտնելու, պարետային ժամ հայտարարելու տարբերակները.

«Այդ քննարկումների համատեքստում ես ինքս ներդաշնակ չեմ որոշումներից որևէ մեկի կապակցությամբ, որովհետև նման որոշումներ կայացնելուց առաջ պիտի համոզված լինել, որ դրանք լուծելու են մեր պրոբլեմները։ Մենք ելնում եք այն կանխավարկածից, որ ընդհանրապես կորոնավիրուսի մեր գագաթնակետը պետք է լինի հունիսի վերջին, բայց հարցը հետևյալն է, որ դա հիմնավորող և ապացուցող որևէ տվյալ չկա։

Ինչպես տեսնում ենք, կորոնավիրուսի համավարակը ամբողջ աշխարհում շարունակվում է տարբեր դինամիկաներով և տեմպերով, հետևաբար, այս առումով անորոշությունները շատ են»։

• Երևանը վերադառնում է իր բնականոն կյանքին, չնայած կորոնավիրուսով վարակվածների թվի աճին

Ադրբեջանում օրական կորոնավիրուսով վարակի նոր դեպքերի թիվը հասնում է հարյուրների, օրական մի քանի մարդ մահանում է: Այդ պատճառով նոր սահմանափակումների որոշում է ընդունվել:

Հանգստյան օրերին տանից դուրս գալու արգելքը վերաբերում է Բաքվին, Գյանջային, Լենքորանին և Աբշերոնյան շրջանին: Դադարեցվում է բոլոր բիզնեսների, խանութների աշխատանքը, այդ թվում՝ մթերային, չի աշխատում հասարակական տրանսպորտը և չի թույլատրվում տեղաշարժվել ավտոմեքենաներով:

Կարանտինը վերահսկում են ոստիկանությունը և ներքին զորքերը:

Բացառություն են միայն շտապօգնության, փրկարար ծառայությունների և նմանատիպ կազմակերպությունների աշխատանքը, ինչպես նաև արտակարգ դեպքերը:

• «Եթե չվախենաս, չես վարակվի»։ Ադրբեջանում չեղարկվել է կարանտինը․ ի՞նչ են մտածում մարդիկ

Այսպիսին էր շաբաթվա վերջին Բաքվի կենտրոնական փողոցը: JAMnews Լուսանկարներ

• Կովկասում կորոնավիրուսի համաճարակի վերաբերյալ նախորդ օրերի տեղեկատվությունը