Սգո երթ Երևանում՝ ի հիշատակ ղարաբաղյան երկրորդ պատերազմում զոհվածների. ֆոտոռեպորտաժ
Երևանում տեղի է ունեցել մոմերով երթ՝ ի հիշատակ Լեռնային Ղարաբաղում սեպտեմբերի 27-ից նոյեմբերի 10-ը զոհված բոլոր զինվորների: Համաձայն առողջապահության նախարարության վերջին հաղորդագրության՝ դատաբժշկական փորձաքննություն են անցել 2317 զինվորականի մարմիններ: Դրանց մեջ կան նաև առայժմ չճանաչվածներ: Եվ դեռ սպասվում է նաև մարտի դաշտում մնացած դիերի հանձնում հայկական կողմին:
Ակցիայի մասնակիցները հավաքվել են Ազատության հրապարակում՝ Երևանի կենտրոնում: Այստեղ նրանք բերել են նաև զոհված զինվորականների լուսանկարներ:
Այնուհետև նրանք ջահերով երթով անցան քաղաքում։ Ընթացքում բարձրախոսով ընթերցվեցին բոլոր զոհված զինվորականների անունները։
Երթի կազմակերպիչները 17 ընդդիմադիր կուսակցություններն են, որոնք Ղարաբաղում մարտական գործողությունները դադարեցնելու մասին եռակողմ համաձայնագրի ստորագրումից անմիջապես հետո սկսեցին փողոցային բողոքի ակցիաները: Նրանք պահանջում են Հայաստանի վարչապետի հրաժարականը, որը ստորագրել է այդ փաստաթուղթը, և «ամոթալի» համաձայնագրի չեղարկումը:
Սակայն զոհերի հիշատակի օրը ընդդիմադիրները, ինչպես նախապես այդ մասին զգուշացրել էին, ոչ մի քաղաքական հայտարարություն չարեցին:
Արարողությունը ավարտվեց Մատենադարանի շենքի մոտ: Այստեղ ակցիայի մասնակիցներին հաղորդեցին, որ կիրակի օրը եկեղեցիներում ևս կհիշատակեն պատերազմի զոհերին:
