Եվրոպական դատարանը ճանաչել է Ադրբեջանի 11 քաղաքացիների իրավունքների խախտումը, որոնց արգելվում է լքել երկիրը

Մարդու իրավունքների եվրոպական դատարանը պաշտպանել է Ադրբեջանի 11 քաղաքացիների իրավունքը, որոնց իշխանություններն արգելել են լքել երկիրն, իսկ տեղական դատարանները հրաժարվել են այդ առիթով բողոքը քննել։ Եվրոպական դատարանը վճռել է, որ այդ մարդկանց հանդեպ խախտվել է Մարդու իրավունքների եվրոպական դատարանի երկու հոդված (արդյունավետ իրավաբանական պաշտպանություն և տեղաշարժվելու ազատություն) և պարտավորեցրել է նրանցից յուրաքանչյուրին 5-հազարական եվրո վճարել որպես բարոյական վնասի փոխհատուցում։ Նրանք պետք է նաև հազարական եվրո փոխհատուցում ստանան որպես դատական ծախսերի փոխհատուցում։ Այդ վճիռը երկիրը լքելու արգելքի չեղարկում չի նշանակում։ Սակայն երեք ամսից, երբ այն ուժի մեջ մտնի, հայցվորները կարող են կրկին դիմել ադրբեջանական դատարաններ և պահանջել չեղարկել արգելքը։

• Ի՞նչ բան է Ադրբեջանում լրագրող լինելը

• Ադրբեջանցի քաղբանտարկյալների ցուցակի պատմությունը

Հայցվորների թվում են անկախ և ընդդիմադիր լրագրողներ, իրավաբաններ, իրավապաշտպաններ, ինչպես նաև մի քանի ճնշումների ենթարկված պաշտոնյաների մերձավոր հարազատներ։ Նրանք բոլորը 2012 -2016թթ-ին հայտնվել էին այսպես կոչված «ստոպ-ցանկում».

Ի՞նչ է ստոպ-ցանկն ու ինչպե՞ս են այնտեղ հայտնվում

Դա մարդկանց ցուցակ է, որոնց տարբեր պատճառներով թույլ չեն տալիս լքել Արդբեջանը։ Ցուցակը պարբերաբար փոխվում է։ Թեև ընթացիկ ցանկին կարելի է ծանոթանալ համացանցում, սակայն սովորաբար մարդն իմանում է, որ իր վրա «ստոպ» է դրված, սահմանապահից անմիջականորեն երկրից մեկնելիս կամ մուտք գործելիս։ Այդպիսի բան, օրինակ, տեղի է ունեցել լրագրող Իզոլդա Աղաևայի հետ․ նրան ևս երկու գործընկերների հետ կանգնեցրել են օդանավակայանում, երբ վերադառնալիս են եղել Ուկրաինայից, հաղորդել, որ նրանց արգելվում է լքել երկիրը, և տարել բանդիտիզմի դեմ պայքարի բաժին՝ հարցաքննելու պրաֆեսիոնալ գործունեության մասին։

11 հոգին, որոնց մասին խոսվում է, տարբեր ժամանակ առանձին-առանձին են դատարան դիմել։ Բողոք էին հայտնել ևս մի քանի «չլքող», սակայն նրանց գործերով դեռ վճիռ չկա։

Ադրբեջանի իշխանությունները դեռ ոչ մի կերպ չեն մեկնաբանել Եվրոպական դատարանի վճիռը։