Բաքվում անկարգություններ են՝ Հայաստանի հետ սահմանին հրաձգության ժամանակ զոհվածների մարմինները բերելուց հետո

Մի քանի հազար ցուցարար Բաքվում ներխուժել է խորհրդարան հուլիսի 15–ի գիշերը, սակայն նրանց ցրել են արցունքաբեր գազով։ Ցույցի մասնակցիները պահանջում էին Հայաստանի հետ պատերազմ հայտարարել՝ արդեն երրորդ օրը հայ–ադրբեջանական սահմանին շարունակվող մարտական բախումների պատճառով։ Դրանք երկու կողմից նվազագույնը 16 զոհերի են հանգեցրել։

Ամեն ինչ սկսվել է նրանից, որ հուլիսի 14–ի երեկոյան Բաքվի շատ բնակիչներ փողոց են դուրս եկել՝ դիմավորելու սգո թափորը․ քաղաք են բերվել զինծառայողների մարմինները, որոնք զոհվել են հայ–ադրբեջանական սահմանին երկկողմանի հրետակոծման և դիպուկահար կրակի հետևանքով, որը սկսվել է հուլիսի 12–ին։

Հայ–ադրբեջանական սահմանին վտանգն ահագնանում է․ մահեր կան երկու կողմից էլ

Բաքուն հաղորդում է 12 սպանվածի մասին, Երևանը՝ չորս։ Միջազգային կազմակերպություններն ու գործընկերները կողմերին զսպվածության և մարտական գործողությունների դադարեցման կոչ են անում

Բաքուն հաղորդում է 12, Երևանը՝ չորս սպանվածի մասին։ Միջազգային կազմակերպություններն ու գործընկերները զսպվածության և մարտական գործողությունները դադարեցնելու կոչեր են անում

Այս լուրի հրապարակման պահին հայտարարված է ադրբեջանական կողմից 12 զոհի մասին։ Շահիդների ծառուղում հուղարկավորելու համար բերվել են գեներալ–մայոր Փոլադ Գաշիմովի և գնդապետ Իլգար Միրզոևի մարմինները։

Տարերայնորեն երթ է գոյացել, որին հազարավոր մարդիկ են միացել՝ չնայած նրան, որ Բաքվում կորոնավիրուսի համավարակի պատճառով գործում է խիստ կարանտինային ռեժիմ։

• Ադրբեջան-Հայաստան, հարաբերություններ ղարաբաղյան հակամարտության ֆոնին
• Ղարաբաղյան հակամարտության մասին «Շրջանի մասեր» հայ–ադրբեջանական ֆիլմի քննարկում
• Մանկությունը Բաքվի «հայկական» թաղամասում

Երթն անցել է քաղաքի կենտրոնով, նախագահի վարչակազմի շենքի կողքով, մարդիկ վանկարկում էին՝ «Կամ Ղարաբաղը, կամ մահ», «Վերջ կարանտինին, պատերազմ թող սկսվի», «Գլխավոր հրամանատար, մեզ զենք տուր»։

Հուլիսի 15–ի առավոտյան 4–ին մոտ անկարգություններ են սկսվել, որոնց ընթացքում ոստիկանական մեքենաներ են շրջվել։ Այնուհետև ցուցարարները ներխուժել են խորհրդարանի շենք՝ «մոբիլիզացիա» բղավելով։

Խորհրդարանի տարածում շատ էին ոստիկանները, սակայն նրանք ոչ մի միջոց չեն ձեռնարկել խորհդարանի շենքը պաշտպանելու համար։

Միայն որոշ ժամանակ անց ոստիկանությունը շենք է մտել ցույցի մասնակիցների հետևից, նրանց ցրել՝ ուժ կիրառելով։ Տարերային ցույցը խորհրդարանի դիմացի հրապարակում ցրելիս ջրցաններ են կիրառվել։

Ակցիայի մի քանի մասնակից է ձերբակալվել, նրանց թիվը չի հստակեցվում։