Աղմկահարույց հանցագործություն Ադրբեջանում․ վաղաժամ ամուսնությունը ողբերգությամբ է ավարտվել երկու շաբաթից
16-ամյա աղջկան խեղդել են Ադրբեջանի հարավում։ Սպանության համար կասկածվում է նրա ամուսինը, ասվում է գլխավոր դատախազության հայտարարությունում։
Սա Ադրբեջանում կենցաղային հողի վրա սպանության առաջին դեպքը չէ վերջին մի քանի ամսում։ Ընդ որում, խոսքն Ադրբեջանի համար արդիական միանգամից երկու խնդրի մասին է․ կենցաղային բռնություն և վաղաժամ ամուսնություն։ Այսպիսի աղմկահարույց գործերը հասարակության, իրավապաշտպանների և գենդերային ակտիվիստների ուշադրության կենտրոնում են հայտնվում, սակայն իրավիճակը դեռ անփոփոխ է։
• Ադրբեջանում վաղաժամ ամուսնությունների մասին․ հարսանիք՝ ավարտական երեկույթի փոխարեն
• Տաբուն խախտված է․ Հայաստանում բացահայտ սկսել են խոսել սեռական բռնության մասին
• Ֆեմիցիդը Վրաստանում․ հայտարարված մահերի ժամանակագրություն
Վաղաժամ ամուսնություն, որը երկու շաբաթ է տևել
Ֆաթիմա Գամբարովան Մասալիի շրջանի Խոշչոբանլի գյուղում ամուսնացել է իր համագյուղացու՝ 19-ամյա Իման Մամեդովի հետ երկու շաբաթ առաջ։
Սպանության պատճառները դեռևս անհայտ են։
Ադրբեջանի այդ տարածաշրջանում վաղաժամ ամուսնությունները շատ տարածված են, ինչը հաճախ է դառնում գենդերային ակտիվիստների, կանանց իրավունքների պաշտպանների և լրագրողների քննադատության առարկա։
Ադրբեջանում ամուսնանալու պաշտոնական տարիքը 18-ն է։ Տվյալ դեպքում վաղաժամ ամուսնության թույլտվությունը տրվել է շրջանի գործադիր իշխանության կողմից, գրում է Oxu.az–ը։
Սոցիալական ցանցերի արձագանքը․ «ծանր բեռ», տեռոր, ներկայացում
Լրատվամիջոցներում և սոցիալական ցանցերում Ֆաթիմայի սպանության առթիվ արդեն վրդովմունքի ալիք է բարձրանում։
Մի քանի մեկնաբանություն․
«Մասալիի շրջանում ես զզվելի բաներ շատ եմ տեսել։ Ծնողների միակ ցանկությունը «բեռից»՝ իրենց աղջիկներից ազատվելն է։ Նրանց ամուսնացնում են պերճաշուք արարողություններով՝ բացարձակ հաշվի չառնելով իրենց դուստրերի կարծիքը։ Այդ աղջիկները նույնիսկ դպրոց չեն գնում»։
«Մեր երկրում կանանց դեմ իսկական տեռոր է իրականացվում»;
«Նրանք երկուսն էլ դեռ երեխա են՝ և աղջիկը, և տղան։ Հարսանիքին նրանք դպրոցական ներկայացմանը մասնակցող բարձր դասարանցիներ էին հիշեցնում։ Իսկ նրանց ծնողներից որ հարցնես, կասեն, թե մասոններն ուզում են ոչնչացնել իրենց հիասքանչ ազգային մտածելակերպը»։
Վախեցնող վիճակագրություն
Անցյալ տարի Ադրբեջանում նվազագույնը տասնյակ դաժան կենցաղային սպանություն է տեղի ունեցել։ Ամենաաղմկահարույց դեպքերից մեկն այն էր, որ երիտասարդ կնոջն ամուսինը սպանել էր հենց փողոցում՝ երեխաների աչքի առաջ։
Այս վիճակագրությունը խաղաղ երթի անցկացման առիթ էր դարձել ընդդեմ կանաց նկատմամբ բռնության։ Այդ երթը կազմկերպած գենդերային ակտիվիստներն իշխանություններից պահանջում էին ընդունել և վավերացնել Ստամբուլի կոնվենցիան՝ կենցաղային բռնության և կանանց նկատմամբ բռնության դեմ Եվրախորհրդի միջազգային համաձայնագիրը։
2020 թ–ի հունվարի կեսերին բոլոր լրատվամիջոցները գրում էին մի կնոջ մասին, որը տնից փախել էր էրերեխաների հետ, որովհետև ամուսինը տարիներ շարունակ ծեծել էր նրան։
This project is funded through the Democracy Commission Small Grants Program, U.S. Embassy Tbilisi. The contents of this publication are those of the Author(s) and do not necessarily represent the views of the Department of State.
