Ադրբեջանում կառուցվում է առաջին վճարովի ճանապարհն՝ արդեն առկա անվճարին զուգահեռ

Նոր մայրուղին, որը Բաքուն միացնում է Ռուսաստանի սահմանին, վճարովի է լինելու։ Այդ ճանապարհով կարելի է երթևեկել մինչև 120 կմ/ժամ արագությամբ։ Գերժամանակակից ճանապարհով երթևեկելու արժեքը դեռևս չի հրապարակվել։

Ադրբեջանը կառուցում է 150 կմ երկարությամբ իր առաջին վճարովի ավտոճանապարհը, որը մայրաքաղաքը կմիացնի Ռուսաստանի հետ սահմանին։ Այն ձգվելու է արդեն գոյություն ունեցող անվճար մայրուղուն զուգահեռ։

• Գյուղ, որից սկսվում է Հայաստանը։ Լուսանկարեր, տեսանյութ

• Աբխազիայի Թկուարչալ քաղաքը․ նախկին ածխային մայրաքաղաք, որը փորձում է կենդանի մնալ

«Ավարտվում է նոր ճանապարհի հերթական 30-կիլոմետրանոց հատվածի վրա աշխատանքը։ Նոր ավտոմայրուղու ամենահյուսիսային 58-կիլոմետրանոց հատվածը պատրաստ կլինի 2020–ի վերջին», — ասված է Ավտոճանապարհային պետական գրոծակալության հաղորդագրությունում։

Մայրուղին ամբողջությամբ շահագործման կհանձնվի 2021 թ–ի երկրորդ կեսին։

Նոր ճանապարհի վրա թույլատրված առավելագույն արագությունը 120 կմ/ժամ է։

Վճարովի ճանապարհի մասին լուրը սոցցանցերի օգտատերերը ոչ միանշանակ են ընկալել։

Բնորոշ մեկնաբանություններ․

«Ինչո՞ւ են նոր ճանապարհ կառուցում, եթե բետոնե ծածկույթով մայրուղի արդեն կա։ Ինչո՞վ է բացատրվում պետական բյուջեից նման հսկայական գումարի ծախսի անհրաժեշտությունը»։

«Չեմ հասկանում․ ճանապարհը կառուցում են բյուջեի հաշվին, որին ես հարկ եմ վճարում, այլ կերպ ասած՝ իմ իսկ փողերով, և ես դեռ պետք է վճարե՞մ այդ ճանապարհով երթևեկելու համար»։

«Այս ճանապարհն այնպես է գովազդում, կարծես ժողովուրդեը պետք է ուրախանա, որ այն վճառովի է լինելու»։