«Պայքար է սպասվում». Վրաստանում նորից է շրջանառվում «օտարերկրյա գործակալների մասին» օրենքը
Վրաստանում օտարերկրյա գործակալների մասին օրենքը
Իշխող «Վրացական երազանք» կուսակցությունը նորից է նախաձեռնել, այսպես կոչված, «օտարերկրյա գործակալների մասին» [պաշտոնական անվանումը՝ «Օտարերկրյա ազդեցության թափանցիկության մասին»] ռուսական օրենքի ընդունումը։ Անցյալ տարվա մարտին առաջին փորձն ավարտվեց հանրային լայնածավալ բողոքի ակցիաներով և օրինագծի հետկանչմամբ։
Ընդդիմությունն ասում է, որ ժողովուրդն այս անգամ էլ թույլ չի տա Վրաստանի իշխանություններին ընդունել սկանդալային օրինագիծը։ Ընդդիմության ներկայացուցիչների կարծիքով՝ այս նախաձեռնությանը կրկին կհետևեն բողոքի զանգվածային ցույցեր։
Խորհրդարանում ևս աղմուկ է բարձրացել։ Խոսնակ Շալվա Պապուաշվիլին կոչ է արել ընդդիմադիր Ալեկո Էլիսաշվիլիին հեռացնել դահլիճից: «Օտարերկրյա գործակալների մասին» օրենքի վերաբերյալ նրա հայտարարությունից հետո դահլիճում լեզվակռիվ է սկսվել։
Էլիսաշվիլին օրինագիծն անվանել է «ռուսական», և Շալվա Պապուաշվիլին անջատել է նրա խոսափողը, ասել, որ պատգամավորը զբաղվում է հակավրացական քարոզչությամբ։
Ընդդիմադիրների մեկնաբանությունները
![Закон об иноагентах в Грузии](https://jam-news.net/app/uploads/2024/04/Screen-Shot-2024-04-03-at-13.14.32.png)
Ալեկո Էլիսաշվիլի, «Քաղաքացիներ» կուսակցություն. «Մենք չպետք է ընդունենք այս օրենքը։ Բոլոր նրանց, ովքեր ուզում են ապրել նորմալ երկրում, ովքեր ուզում են, որ այս երկիրը դառնա Եվրոպայի մաս, կոչ եմ անում զրահապատվել և պատրաստվել մեծ անկարգությունների ու կռվի։ Սա չի կարելի հանդուրժել։ Նրանք [իշխանությունները] վնաս են հասցնում։ Սա սեփական երկրի դեմ ուղղված չարիք է։ Մենք չպետք է հանդուրժենք «ռուսական» օրենքը, այն չպետք է ընդունվի Վրաստանում, այս օրենքը չպետք է ընդունվի խորհրդարանի կողմից, պետք է վերջ դնել դրան»:
![](https://jam-news.net/app/uploads/2024/04/Screen-Shot-2024-04-03-at-13.16.26-1024x698.png)
Անա Նացվլիշվիլի, «Լելո» կուսակցություն. «Վրացական երազանքի» երազանքը փլուզվում է, և, ինչպես բնորոշ է բոլոր չար ուժերին, որոշել է, որ այդ դեպքում կփլուզվի ողջ երկիրը։ Այդպես չի կարող լինել։ «Ռուսական» օրենքը կիրառվում է, առաջին հերթին, այս երկիրը Ռուսաստանի հետ կապելու համար։ Այնինչ և դուք, և մենք՝ այս երկրի բոլոր խելամիտ քաղաքացիներս, ունենք հստակ ձևակերպված ընտրություն՝ Վրաստանը շարժվում է դեպի Եվրոպա։ Մենք դրան անպայման կհասնենք։ Իսկ «Վրացական երազանքն» ուզում է դադարեցնել այդ գործընթացը և մնալ անցյալում».
![Закон об иноагентах в Грузии](https://jam-news.net/app/uploads/2024/04/ldw2begy6dez9ly.jpeg)
Անի Ցիտլիձե, «Ազգային շարժում». «Իվանիշվիլիի կուսակցության՝ «ռուսական» օրենքը խորհրդարան մտցնելու երկրորդ փորձը ևս մեկ անգամ հստակ ցույց տվեց, որ Իվանիշվիլիի կուսակցության նպատակը Վրաստանի եվրաինտեգրումը չէ։ «Երազանքը» շարունակում է սաբոտաժի ենթարկել Վրաստանի ինտեգրումը։ Նորից նախաձեռնելով «ռուսական» օրենքի ընդունումը՝ Իվանիշվիլիի կուսակցությունը վտանգի տակ է դնում Վրաստանի յուրաքանչյուր քաղաքացու՝ եվրոպական մեծ ընտանիքի անդամ դառնալու ցանկությունն ու երազանքը։ Մինչդեռ մեր միջազգային գործընկերները մեզ ուղղակիորեն ասում են, որ «ռուսական» օրենքի ընդունումը մի բան է, որը վնաս կհասցնի այս երկրի եվրաինտեգրմանը։ Իսկ Իվանիշվիլիի կուսակցությունը համարձակվում է շրջանցել Վրաստանի քաղաքացիների կամքը, ովքեր մարտ ամսվա ցույցերի ժամանակ պայքարել են «ռուսական» օրենքի դեմ, և նորից ուզում է այդ օրենքը վերադարձնել խորհրդարան»։
Վրաստանում օտարերկրյա գործակալների մասին օրենքը
![](https://jam-news.net/app/uploads/2024/04/wqtz6bxf4ezprop.jpeg)
Ռոման Գոցիրիձե, «Եվրաօպտիմիստներ». «Սա «ռուսական» օրենք է, որն ընդունվել է Ռուսաստանի իշխանությունների կողմից, սա ուղիղ հրաժարում է Եվրամիությանն անդամակցելուց։ Սրան նախորդել են այլ օրենքներ, այդ թվում՝ ընտրական օրենսդրության փոփոխություններ։ Կառավարությունը փաստացի որոշել է հրաժարվել ԵՄ-ին անդամակցելու գործընթացից՝ իր իշխանությունը պահպանելու դիմաց։ Այս իշխանությունը դավաճանական է։ Նա փողոց է վերադարձնում հարյուր հազարավոր մարդկանց, ովքեր այս կուսակցությանը ցույց կտան իր տեղը, նրան կգտնեն այնտեղ, որտեղ պատմական աղբն է։ Իշխանությունից ոչ ոք չի վախենում, ոչ ոք»:
![](https://jam-news.net/app/uploads/2024/04/Screen-Shot-2024-04-03-at-13.21.26-1024x685.png)
Գիորգի Վաշաձե, «Ագմաշենեբելի ռազմավարություն». «Որքան էլ խորանանք տարբեր մեկնաբանությունների մեջ, այս օրենքը կոչվում է «Ես չեմ ուզում անդամակցել Եվրամիությանը»: «Վրացական երազանքը» չի ցանկանում անդամակցել Եվրամիությանը, ուղիղ ասում է այդ մասին։ Մյուս բոլոր նախաձեռնությունները, որոնք մինչ այժմ եղել են, նույնպես ուղղված են եղել Եվրամիության դեմ, բայց մենք բոլորս գիտենք, որ այս օրենքը հստակ ազդակ է Եվրոպային և բոլորին՝ «թողե՛ք մեզ»։ Մյուս կողմից՝ իշխանությունը շատ թույլ է, գիտի, որ պարտվելու է ընտրություններում, ուստի դիմում է հազարավոր խենթ քայլերի»։
![](https://jam-news.net/app/uploads/2024/04/image-4.png)
Նիկա Գվարամիա, «Ախալի» կուսակցություն. «Այս օրինագիծը արագացված կարգով չի ընդունվի, այսօր մեզ այդ մասին ասացին մեծամասնության անդամները։ Սա ծուղակ է, ընկերներ։ Իսկ օրենքն արագացված ռեժիմով չի ընդունվի միայն այն պատճառով, որ նախատեսում են այն ընդունել հունիսին՝ Եվրոպայի առաջնության ժամանակ, որպեսզի բողոքի ակցիաներ չլինեն: Վստահ եմ, որ մենք կարող ենք աջակցել մեր ազգային հավաքականին եվրոպական ընտանիքում, ինչպես նաև կարող ենք պաշտպանել մեր եվրոպական հեռանկարը մեր երկրում սահմանադրական կարգի միջոցով և մեր կարծիքն արտահայտելով փողոցներում և այնտեղ, որտեղ կկարողանանք»:
Закон об иноагентах в Грузии
![](https://jam-news.net/app/uploads/2024/04/image-5.png)
Թեոնա Ակուբարդիա, անկախ պատգամավոր. «Վրացական երազանքը» վճռական պայքար է հայտարարել ընդդեմ Վրաստանի շահերի, որը ցանկանում է դառնալ Եվրամիության անդամ, և այն քաղաքացիների, որոնք ցանկանում են լինել ժողովրդավարական պետության քաղաքացիներ։ «Ռուսական» օրենքը օրակարգ վերադարձնելու մասին հայտարարությունը, որը հնչեցրեց «Վրացական երազանքի» առաջնորդներից մեկը, վերջին ճակատամարտն է վրացական իրական ժողովրդավարության և Վրաստանի միջև, որը մեզ վերադարձնում է անցյալ։ Այս համատեքստում պայքարի որոշիչ փուլն այն է, թե ինչպիսի պետությունում պետք է ապրենք, ուստի մենք շարունակելու ենք անխոնջ պայքարել վրացական ժողովրդավարության և եվրոպական ու եվրատլանտյան ինտեգրման համար»։
![](https://jam-news.net/app/uploads/2024/04/47k1ynmb0qaigcv.jpeg)
Խատիա Դեկանոիձե, «Եվրաօպտիմիստներ». «Վրացական երազանքը» կրկին համարձակվեց խորհրդարան մտցնել «ռուսական» օրենք։ Դիմում եմ բոլորին, այդ թվում՝ կանանց, ովքեր կազմում են այս երկրի բնակչության մեծամասնությունը, երիտասարդներին, մեր երեխաներին, մեր ծնողներին, որոնք մեզ հետ էին անցյալ տարվա մարտին` բոլորս միասին պետք է ամեն ինչ անենք, որպեսզի թույլ չտանք, որ «Վրացական երազանքը» գրավի մեր երկիրը»։
Վրաստանում օտարերկրյա գործակալների մասին օրենքը