Ստալինը, Պուտինը, Պուշկինը. ռուսների հերոսները
“gazeta.ru”
Ռուսաստանում Լևադա-կենտրոնի սոցիոլոգների անցկացրած հարցման ընթացքում հետևյալ հարցն է տրվել. «Նշեք մարդկության պատմության 10 ականավոր անձանց»:
Առաջին երեք տեղերը զբաղեցրել են Իոսիֆ Ստալինը, Վլադիմիր Պուտինն ու հայտնի ռուս պոետ Ալեքսանդր Պուշկինը:
Ցուցակը եզրափակում է թագուհի Եկատերինա Երկրորդը, խորհրդային մարշալ Գեորգի Ժուկովն ու հայտնի ռուս պոետ Միխայիլ Լերմոնտովը:
Հատկանշական է, որ հայտնի անձանց երկրորդ տասնյակում ներառված է Ալբերտ Էյնշտեյնը (16-րդ տեղ), նա զիջում է Լեոնիդ Բրեժնևին (15):
Ընդհանուր ռուսների կողմից անվանի համարվող անձանց առաջին տասնյակում պետությունների 5 ղեկավար, երեք գրող կա, մեկական զինվորական և տիեզերագնաց:
Ստալինը վստահաբար առաջին տեղն է զբաղեցնում՝ շրջանցելով Վլադիմիր Պուտինին 4%-ով (համապատասխանբար 38 և 34 տեղեր):
Ստալինի հանդեպ դրական էմոցիաների պոռթկումը կապված է այն բանի հետ, որ նա քաղաքացիների մոտ ասոցացվում է «երկրում կարգուկանոնի հետ», ռուսական ՌԲԿ գործակալությանը մեկնաբանել է Լևադա-կենտրոնի փոխտնօրեն Ալեքսեյ Գրաժդանկինը:
«Որքան ավելի սուր է երկրում իրավիճակը, այդքան զանգվածային գիտակցությունում ավելի շատ պահանջարկ են վայելում խիստ դիրքորոշման անձինք, — համարում է նա: — Իսկ հիմա Արևմուտքի հետ կոնֆլիկտի և սառը պատերազմի նոր ալիքի ժամանակաշրջան է, այստեղից էլ՝ այդպիսի ֆիգուրների հանդեպ համակրանքը»:
Ընդ որում, շատ լրագրողներ ուշադրություն են դարձնում երկու հանգամանքի վրա:
Առաջին հերթին, ռուսական լրատվամիջոցներում որոշ ժամանակ առաջ պրոպագանդիստական արշավ է սկսվել Ստալինին և նրա կառավարման տարիները “ճերմակեցնելու” ուղղությամբ:
Երկրորդ հերթին, ավտորիտար հասարակություններում սոցիոլոգիական հարցումների ժամանակ մարդիկ ասում են ոչ այն, ինչ իրականում մտածում են, այլ այն, ինչ նրանց կարծիքով նրանցից ուզում են լսել իշխանությունները:
